Econ 204 (( بالتفصيل ))

[الو22]

يابنات الله يخليكم فيه احد يقدر بس يقولي ويشرحلي كيف نجيب مقلوب المصفوفه مثال 4-8 صفحه 188]
من جد حوست وماني قادره افهمها :( الله يوفقها اللي تساعدني وتجيب معدل 4.9 يااااارب :)

[ملاكــ]

المشاركة الأصلية كتبت بواسطة الو22 يابنات الله يخليكم فيه احد يقدر بس يقولي ويشرحلي كيف نجيب مقلوب المصفوفه مثال 4-8 صفحه 188]

أنا حأشرحلك الطريقه وإن شاء الله إني أقدر أوصلك المعلومه كويس ..

أول حاجه عشان تجيبي المقلوب لازم نجيب محدد المصفوفه ( ع ) .. كيف .. ؟؟

نطلع المرافق لكل عنصر من العمود الأول ونضربو في نفس العنصر وبعدين نجمع النواتج مع بعض

تاني خطوه لازم نوجد مصفوفة المرافقات يعني نوجد المرافق لكل عنصر في المصفوفه الأساسيه

والمرافق عباره عن محيدد كل عنصر من عناصر المصفوفه الأصليه بس تختلف من ناحية الإشارات

ودايما تكون ترتيب الاشارات في المصفوفه 3 في 3 زي إلي في المثال

الصف الأول موجب سالب موجب والصف التاني سالب موجب سالب والصف التالت موجب سالب موجب وزي كدا

ونوجد الناتج وبكدا نكون أوجدنا مصفوفة المرافقات

الخطوه التالته نجيب مبدل مصفوفة المرافقات يعني نبدل وناخد كل صف من مصفوفة المرافقات ونخلي عمود

الصف الأول يسير العمود الأول والصف التاني يسير العمود التاني والصف التالت يسير العمود التالت

فتتكون عندنا مصفوفة جديده إلي هيه مبدل مصفوفة المرافقات

واخر شي نوجد المقلوب والي هوه عباره عن

1 مقسوم على قيمة محدد المصفوفة الأصليه << إلي استخرجناه في أول خطوه
مضروب في مبدل مصفوفة المرافقات << إلي أوجدناه في تالت خطوه

وبكدا نكون أوجدنا مقلوب المصفوفه ( ع )

إن شاء الله تكوني فهمتي .. :)

[bent oo bas]

المشاركة الأصلية كتبت بواسطة ملاكــ بنوته ياعسل حابه أسألك .. مثال ( 3 - 20 ) معانا .. ؟؟ :) وكمان الشغلات النظريه معانا .. يعني نحفظها وكدا .. وحتجي منها أسئله .. ؟؟

اممممم والله انا عن نفسي محى اذاكرو لوقضدك صــ 159
واعتقد النظري ما يجي بس الله واعلم

[bent oo bas]

مشكووووووووووووره ياملاك
وانا اعتقد 3 ما تجي على حسب علمي

[lonelyguy]

الله يعطيكي العافية يا رب :)

[lonelyguy]

وهذا موضوع فيه ملخص للمادة على Power Point

http://www.skaau.com/vb/showthread.php?t=132891

[الو22]

المشاركة الأصلية كتبت بواسطة ملاكــ أنا حأشرحلك الطريقه وإن شاء الله إني أقدر أوصلك المعلومه كويس .. أول حاجه عشان تجيبي المقلوب لازم نجيب محدد المصفوفه ( ع ) .. كيف .. ؟؟ نطلع المرافق لكل عنصر من العمود الأول ونضربو في نفس العنصر وبعدين نجمع النواتج مع بعض تاني خطوه لازم نوجد مصفوفة المرافقات يعني نوجد المرافق لكل عنصر في المصفوفه الأساسيه والمرافق عباره عن محيدد كل عنصر من عناصر المصفوفه الأصليه بس تختلف من ناحية الإشارات ودايما تكون ترتيب الاشارات في المصفوفه 3 في 3 زي إلي في المثال الصف الأول موجب سالب موجب والصف التاني سالب موجب سالب والصف التالت موجب سالب موجب وزي كدا ونوجد الناتج وبكدا نكون أوجدنا مصفوفة المرافقات الخطوه التالته نجيب مبدل مصفوفة المرافقات يعني نبدل وناخد كل صف من مصفوفة المرافقات ونخلي عمود الصف الأول يسير العمود الأول والصف التاني يسير العمود التاني والصف التالت يسير العمود التالت فتتكون عندنا مصفوفة جديده إلي هيه مبدل مصفوفة المرافقات واخر شي نوجد المقلوب والي هوه عباره عن 1 مقسوم على قيمة محدد المصفوفة الأصليه << إلي استخرجناه في أول خطوه مضروب في مبدل مصفوفة المرافقات << إلي أوجدناه في تالت خطوه وبكدا نكون أوجدنا مقلوب المصفوفه ( ع ) إن شاء الله تكوني فهمتي .. :)

ياحياتي ياملاكـ من جد مرررررررة شكرا من جد الله يسعدك مررررة ساعدتيني واخيرا والحمدلله فهمتها الله يوفقك يارب وينورلك طريقك ويسهلك ويساعدك زي ماساعدتيني :)

[jana]

المشاركة الأصلية كتبت بواسطة jana ســــؤال ؟؟؟ كيف نكتب الاس في الآله الحاسبة إذا كان عدد صحيح أو كسر ؟؟

??????????

[ملاكــ]

المشاركة الأصلية كتبت بواسطة jana ??????????

حبيبتي .. إذا كان عدد صحيح .. تكتبي العدد وبعدين shift وتضغطي على ضرب وبعدين تكتبي الأس ويساوي ..

إذا كان كسر .. تكتبي العدد وبعدين shift وتضغطي على قسمة وبعدين تكتبي الأس ويساوي ..

وإن شاء الله كدا حتظهرلك النتيجه صح .. :)

[عزف خيالي]

بنت وبس

ممكن طلب

في كتاب المختصر صفحة 100 فالجدول

ت ك
كيف جبنا التكلفة الكلية
؟؟؟؟


والرسمات ايش اللي تجينا فالاختياري

وايش اللي نرسمها كتقريب
وايش اللي نرسمها بالدقــــــة وبالارقام

مررة شايلة هم الرسمات