127 وظيفة شاغرة بجامعة الملك عبدالعزيز

[قاعدة]

المشاركة الأصلية كتبت بواسطة انمار تركي اليوم الصباح اتصلو عليا سكرتاريه العميد طلبو مني ارسلهم جميع اوراقي بالايميل مع انو اعطيتهم هيا وقت المقابله المهم يقلي عشان يرسلو المعامله للخدمه المدنيه سالتو انو خلاص دا قبول ولا لا قال لسا بس الله يوفقك انشاءالله الحمدلله ريحني كلامو

الف مبرووووك أنمار و عقبال ما يجيك الخبر الأكيد في التعيين ...
و البنات اش صار معاكم ؟

[n e v e r]

انا بس على الاختبار ما اتصلوا مقابله ولا شي


احد منكم اللي مقدمين على مترجم راح سوا مقابله ؟ او يعرف احد سواها ؟

ايش اخر الاخبار !

[shwagaah]

مرحبا
اخويا مقدم ع وظيفة والى اﻻن لم يتم تحديد موعد اﻻختبار بالرغم من قبوله للدخول فيه وقبل ايام راسلت اﻻداره المسؤليه عن الوظيفه المتقدم عليها واجاب بان اﻻختبار اﻻثنين8/18 بس موقع لجامعه مو مكتوب فيه شئ ما ادري ايش الحل يروح بكرا الجامعه وهو ماتحدد ع الموقع ويكتفس بالرد عبر اﻻيميل او ﻻ؟؟؟

[shwagaah]

يكتفي**

[الشيمآء]

المشاركة الأصلية كتبت بواسطة shwagaah مرحبا اخويا مقدم ع وظيفة والى اﻻن لم يتم تحديد موعد اﻻختبار بالرغم من قبوله للدخول فيه وقبل ايام راسلت اﻻداره المسؤليه عن الوظيفه المتقدم عليها واجاب بان اﻻختبار اﻻثنين8/18 بس موقع لجامعه مو مكتوب فيه شئ ما ادري ايش الحل يروح بكرا الجامعه وهو ماتحدد ع الموقع ويكتفس بالرد عبر اﻻيميل او ﻻ؟؟؟

أهلًا :)
ما دام مكتوب قم قبوله لدخول الاختبار يحضر والله يسهل له،
يمكن أخطأ في تسجيل رقم جواله عشان كده ما وصله رسالة بخصوص الاختبار، بس بالعموم وقت الاختبار يطلبوا منه يسجل رقمه مرة ثانية.

بالتوفيق للجميع

[آمال متجددة]

مترجم ي جماعه ايش صار ع دي الوظيفه

[لولي الجامعيه]

بناات اللي اختبرو فني مختبر بمركز اﻷبحاث
ايش صار اتواصلو مع احد ؟؟
اللي تواصلو معاه ياليت يخبرناا

[دلع جده22]

المشاركة الأصلية كتبت بواسطة لولي الجامعيه بناات اللي اختبرو فني مختبر بمركز اﻷبحاث ايش صار اتواصلو مع احد ؟؟ اللي تواصلو معاه ياليت يخبرناا

انا كمان زيك اختبرت فني مختبر بمركز الابحاث والين دحين ماوصلني شي مع انو قالو اسبوع وحتنزل النتيجه بس لاحس ولاخبر
ياليت اللي كانو معانا واتواصلو معاهم يدونا خبر

[طيف المشاعر]

انا كمان اختبرت الاسبوع اللي راح فني مختبر في مركز الابحاث و ﻻ حس و ﻻ خبر
شكلهم سحبوا علينا سحبة بطالة

[miss estakoza]

اللي أختبروا لوظيفة فني مختبر اللي كودها 1316 تعرفوا أحد كلموه للمقابلة؟؟
أمس كملنا أسبوع ولا حس ولا خبر
طيب لو نبغى نراجع أو نسأل نكلم مين؟؟