تجميع المتقدمين لماستر الفيزياء 1434 -1435

[&amo0ona&]

عرفتها لاني تكلمت معاها قبل ماندخل الامتحان
ان شاء الله تعرفك البت اللي تبيها وتدخل

[ms.fofa]

يااارب لانو هيا انا وياها تكلمنا عن الكفاييات للمعلمات وتكلمنا كمان عن قسم الفيزياء البارد الرهيب وبعدين هي جلست معاكم في الصف اللي في الوسط بس ع الجنب وكانت لابسه عبايتها

[دلع الروووح]

اهلين امونااا


ممممم اذا ماخاب ظني انك اللي قلتيلي ماكنتي عارفة تسجلي بالمنتدى

إن شاء الله تكوني اتوفقتي بالاختبار

طيب ياحلوات اخر سؤال كان رائع "لأني حليتو:)"..

استخدمنا فيه قانون اينشتاين للطاقة T=hf-hfْ

ياليت اللي تفتكر شيء قبل يتنسى تكتبه ,

الله يرحم دكتور علي ويجعل مثواه الجنة ملخصاته افادتني كثير

وماراح يضيع تعبنا بإذن الله, يارب نُبشَر جميعًا بالقبول

[دلع الروووح]

المشاركة الأصلية كتبت بواسطة ms.fofa يااارب لانو هيا انا وياها تكلمنا عن الكفاييات للمعلمات وتكلمنا كمان عن قسم الفيزياء البارد الرهيب وبعدين هي جلست معاكم في الصف اللي في الوسط بس ع الجنب وكانت لابسه عبايتها

لايكون انا

لأني اتكلمت برضو مع بنت عالكفايات

بس نزلت العباية لما جلست شويتين

[ms.fofa]

م ادري والله جد الاختبار م ادري كيف الله يستر بس :(

ودلع ياليت لو انتي اكون عرفتك

لانو كنا جالسين انا وهيا عند القاعة ومن ظمن كلامنا برضوا عن شغلت الواسطات !! وهي جلست تكلمني عن كندا وكدا ماشاء الله الله يوفقها يارب

بس كمان قلت لها انو انا م عديت في الكفايات

ومن جد الله يرحم دكتور علي وربي مخلصاته مره واضحه وفهمت حاجات انا م عمري فهمتها في الفيزياء في جزء الميكانيكا الله يرحمه يارب ويغمد روحه الجنه

[دلع الروووح]

لاأجل ماهي انا

يلا ان شاء الله نتقابل سوا لما نراجع عالقبول النهائي بإذن الله

إدعوا الله وانتم متيقنين بالاجابة فبقدر اليقين تكون الاجابة

[ms.fofa]

بأذن الله نرجع وقت القبول ونقابل بعض يارب
والله كل يوم ادعي لنا كلنا والله ييسر لنا القبول

[رائحة التفاح]

أنا من المقبولين العام الماضي قبلت ستة طالبات فقط

لكن يختلف عدد القبول من سنة ﻷخرى

[ms.fofa]

يعني العدد مره قليل :( الله ييسر يارب نشوف النتائج شهر 6 مع اني متوتره من دحين

[&amo0ona&]

دلع الروح ايه انا اللي ماكنت عارفه اسجل بس شكل العله بجهازي لما غيرته ضبط معي
هذا اللي انا خايفه منه 6 قليل مره
عموماً الله يكتب لنا الخيره يارب