هنا.. الاستفسار عن تقديم الدبلوم والماجستير الخاص

[أمل وعندي أمل]

دكتور عماد عندي إستفسار اخير لو سمحت

نا عندي دورتين جاذبية الإقناع والتأثير ومهارات التعامل والتواصل مع الآخرين
إذا قدمت يحسبونهن لي في تطوير الذات وإلا لازم آخذ غيرهم بتطوير الذات

[أمل وعندي أمل]

دكتور عماد قرأت لك رد على موضوع إنو الجامعه لاتقبل إلا تقدير جيد مرتفع
وأنا تقديري جيد منخفض ونسبتي72.47
وبالشروط مو محدد مطلوب جيد وبس
سؤالي يقبلون تقديري في الماجستير الخاص عن بعد

[عماد الحسن]

السلام عليكم ورحمة الله ،،
تحية طيبة لكل المشاركين ، وأشكر أخي الحربي والأخوات لتفضلكم بالرد

المشاركة الأصلية كتبت بواسطة أمل وعندي أمل دكتور عماد عندي إستفسار اخير لو سمحت نا عندي دورتين جاذبية الإقناع والتأثير ومهارات التعامل والتواصل مع الآخرين إذا قدمت يحسبونهن لي في تطوير الذات وإلا لازم آخذ غيرهم بتطوير الذات

حسب علمي أن هذه الدورات مقبولة ،، ولكن حاولي التركيز على دورات متعلقة بالقسم المطلوب.

المشاركة الأصلية كتبت بواسطة أمل وعندي أمل دكتور عماد قرأت لك رد على موضوع إنو الجامعه لاتقبل إلا تقدير جيد مرتفع وأنا تقديري جيد منخفض ونسبتي72.47 ؟ وبالشروط مو محدد مطلوب جيد وبس سؤالي يقبلون تقديري في الماجستير الخاص عن بعد

احتمال القبول صعب لتقدير جيد منخفض، وهذا يحتاج عقد مجلس الكلية
لكن أنصحكم تحاولي لأن النظام قد يتغير ويعطيكم فرصة، ولا تنسي احتمال القبول في الجامعات الخاصة.. الله يسهل أموركم.

[حلمي اكمال دراستي]

الله يحرم وجهه عن النار اللي يجاوبني

[دلوعه بابا]

انا تخصصي اداره اعمال ـ موارد بشريه
معدلي 3,78 وابغى ادرس ماجستير اداره اعمال ..
بليز ممكن اعرف كيف اسجل في اختبار ستيب ؟
والقدرات متى تفتح ؟

والي عندو اي معلومه ياليت يفيدني ..
ربي يوفقكم ان شاءالله ..

[ALHARBIII]

المشاركة الأصلية كتبت بواسطة دلوعه بابا انا تخصصي اداره اعمال ـ موارد بشريه معدلي 3,78 وابغى ادرس ماجستير اداره اعمال .. بليز ممكن اعرف كيف اسجل في اختبار ستيب ؟ والقدرات متى تفتح ؟ والي عندو اي معلومه ياليت يفيدني .. ربي يوفقكم ان شاءالله ..

سجلي بموقع قياس و اختبري قدرات و ستيب في 24-11

اما ادارة الاعمال فحسب علمي يعتمد على الوظيفة لها نقاط كثيرة في المفاضلة
ربي يوفقك

[دلوعه بابا]

المشاركة الأصلية كتبت بواسطة alharbiii سجلي بموقع قياس و اختبري قدرات و ستيب في 24-11 اما ادارة الاعمال فحسب علمي يعتمد على الوظيفة لها نقاط كثيرة في المفاضلة ربي يوفقك

بس انا مني موظفه كيف اجيب النقاط ؟

معليش بتعبك معاي ..جزالك الله خير ..

[ALHARBIII]

المشاركة الأصلية كتبت بواسطة دلوعه بابا بس انا مني موظفه كيف اجيب النقاط ؟ معليش بتعبك معاي ..جزالك الله خير ..

اهلا اختي دلوعة
حسب الشروط لماجستير ادارة الاعمال مشترطين خبرة
و كذلك في المفاضلة نصف الدرجة على اهمية الوظيفة

ممكن تتغير الشروط السنة القادمة
تعرفين هنا بالسعودية كل شي قابل للتغيير
اهم شي لا تيأسي ربي يوفقك

[عماد الحسن]

المشاركة الأصلية كتبت بواسطة حلمي اكمال دراستي السلام عليكم ورحمة الله .. أحتاااج اجابه وافيه لسؤالي لاني ابحث من اشهر ع اجاابه او نصيحه انا معلمه فيزياء وارغب في دراسة ماستر تقنيات لكننننن لم اسجل في اختبار الكفايات لانه فااتني وسجلت فقط في القدرات وارغب في التقديم في شهر 3 ع برامج الماستر (ع حد علمي هذا موعد التسجيل) فماااذاا افعل في اختباار الكفايات ؟ وموعد الاختبار الاخر للكفايات في 15/4 يعني مايمديني ادخلهاااا بشهر 3 (علما ان نسبت تخرجي في البكالريوس 98 ممتاز) تكفوووووووووووون انصحوني مايمديني ع التقديم بشهر 3 صح عشان الكفايات ..........يعني مااينفع بعد القبول في الماستر اسجلهاا؟

عليكم السلام ورحمة الله ونرحب بكم في المنتدى
أشكر أخي الحربي للرد عليكم ، لم يفتكم التسجيل لأنه متاح لحد الآن في القياس، ولو فاتكم فعندك الفرصة في شهر4 العام القادم.
معدلكم ممتاز ماشاء الله وهذا في صالحكم، ولكن تذكري أن درجة القدرات يجب أن تكون قريبة من 80% لكسب النقاط في التقديم. ويجب أيضاً وجود دورات وخبرات تقنية لزيادة فرصتكم. اللهيوفقكم جميعاً.

المشاركة الأصلية كتبت بواسطة دلوعه بابا انا تخصصي اداره اعمال ـ موارد بشريه معدلي 3,78 وابغى ادرس ماجستير اداره اعمال .. بليز ممكن اعرف كيف اسجل في اختبار ستيب ؟ والقدرات متى تفتح ؟ والي عندو اي معلومه ياليت يفيدني .. ربي يوفقكم ان شاء الله ..

وفقكم الله أختي الكريمة وأشكر المشاركين في الموضوع
هنا موقع القياس كما ذكر أخي الحربي ولابد تسجلي فيه اليوم
http://www.qeyas.com/
أحضري الاختبارين في نهاية الشهر واستعدي للتقديم للماجستير بعد 5 أشهر
ولا تنسي دراسة بعض الدورات المتعلقة بالقسم المطلوب،، وفقكم الله للقبول.

[ALHARBIII]

اعتذر استاذ عماد اني ارد على اسئلة موجهة لك