ll حياكم الله ..هنا للإجابه على أسئلتكم أحلى دفعه ll med 12

[zainab Abdullah]

مشكورين جدا على جهودكم
حبيت اسأل اليوم الارشادي حيكون في مبنى 2 هل كلية الطب هي مبنى 2 ؟؟؟
وممكن اسماء الكتب والطبعه اللي راح نحتاجها؟؟؟

[stephanie]

موضوع اكثر من راائع
بس حبيت استفسر عن حاجتين
مكان المقابلة الشخصيه جاتني رساله انو السبت بس مني عارفه مبنى
والسكرب هل إجباري علينا نلبسه ولا اهم شي اللاب كوت

شكرررا مقدما

[azo0o0o0z]

انا انقبلت في الشمال طب
وما جاتني رسالة عن مقابلة
هل حتكون في الشمال ولا الرئيسي وبملابس عادية اروح عادي؟

[حُمرة الورد..!]

المشاركة الأصلية كتبت بواسطة zainab abdullah مشكورين جدا على جهودكم حبيت اسأل اليوم الارشادي حيكون في مبنى 2 هل كلية الطب هي مبنى 2 ؟؟؟ وممكن اسماء الكتب والطبعه اللي راح نحتاجها؟؟؟

كليه الطب الاساسيه في خريطة الجامعه هيا مبنى عشره على ما اعتقد
لكن مبنى 2 هيا الي حتداموا فيها
واليوم الارشادي في نفس المبنى بس في المسرح رح يكون الدور الثالث اذا ماني غلطانه

[حُمرة الورد..!]

المشاركة الأصلية كتبت بواسطة stephanie موضوع اكثر من راائع بس حبيت استفسر عن حاجتين مكان المقابلة الشخصيه جاتني رساله انو السبت بس مني عارفه مبنى والسكرب هل إجباري علينا نلبسه ولا اهم شي اللاب كوت شكرررا مقدما

مكان المقابله حتعرفيه لما تروحي اول شي رح تروحي ع المسرح في مبنى 2 رح يكون فيه تعريف بالجامعه
بعدين ياخذوكم مجموعات ومعاكم وحده من الاداريات ويودوكم لمكان المقابله يعني لاتشيلي هم
مو اجباري ابداا انا لبست بنطلون وبلوزه اول يوم ..
وفيه ناس لبسوا تنوره
وفيه ناس لبست اللاب كوت على البنطلون والبلوزه

[أبو مالك2005]

قال الله تبارك وتعالى: وَمَا عَلَّمْتُمْ مِنَ الْجَوَارِحِ مُكَلِّبِينَ تُعَلِّمُونَهُنَّ مِمَّا عَلَّمَكُمُ اللَّهُ فَكُلُوا مِمَّا أَمْسَكْنَ عَلَيْكُمْ [المائدة:4]

[عاشقة التحدي]

السلام عليكم ورحمة الله وبركاته
عندي كم سؤال
1\بالنسبة للي حنكتبو في المعامل هل هوا داخل في الاختبار النصفي والنهائي؟؟يعني اللي ندرسوو في المعامل(العملي)حيكون خاص فيه اختبارو العملي وبسس ولا لأ؟<<عشان بعرف اجيب للمعامل دفتر لحالو ولا كل معمل مع مادتو
2\بالنسبة للترمنولوجي كنتو تكتبو فيها شي ولا لأ؟

[ذهب محمد الى الحديقه ولعب]

سلام عليكم

اكون شاكر لكم كثير اذا رديتوآ قبل مايجي بكرا ..

طبعا بحكم اني علوم طبيه اساسيه ماعندي مقابله وحضررت اليوم للمسرح وماكان مفيد بالدرجه الكبيره بالنسبه لطلاب علوم طبيه اساسيه اكثر الكلام عن المقابله الشخصيه ومسيرة طلاب الطب والسنوات السريريه وما الى ذلك


المهم قررت اني بكرا ما احضرلهم .. راح اروح للعماده واغير البطاقه بعدها بروح لاقرب محل سكرب ولاب كوت

فحاب اسال عن اقرب المحلات للجامعه... مافيني للمشوره وكمان اذا ممفتوح ولا لا قبل الظهر

وكمان سؤال بخصوص الكتب ... احترت ناس يقول خذها وناس يقولو ثقيله ع الفاضي والمذاكره تعتمد على السلايدات ...

ابغى اعررف اشتري كتب بكرا ولا لا واش هيا اذا بشتري وانتظر الاسبوع هذا يعدي واشتري نهاية الاسبوع .؟؟ واش هيا الكتب المهمه (اسماءها ) واقرب محل برضو من الجامعه :)


اتمنى تجاوبوني في اسرع وقت وشكرا

[عاشقة التحدي]

كان فيه موضوع عن التطبيقات والبرامج الطبية دوران وما لقيتو
ممكن احد يدلني له؟؟

[بشائر الفرح =)]

المشاركة الأصلية كتبت بواسطة عاشقة التحدي السلام عليكم ورحمة الله وبركاته عندي كم سؤال 1\بالنسبة للي حنكتبو في المعامل هل هوا داخل في الاختبار النصفي والنهائي؟؟يعني اللي ندرسوو في المعامل(العملي)حيكون خاص فيه اختبارو العملي وبسس ولا لأ؟<<عشان بعرف اجيب للمعامل دفتر لحالو ولا كل معمل مع مادتو 2\بالنسبة للترمنولوجي كنتو تكتبو فيها شي ولا لأ؟

وعليكم السلام ورحمة الله وبركاته
أهلاً وسهلاَ ,

إيوا اللي حتدرسوه بالعملي يكون خاص بإختبار العملي فقط واللي تكتبيه مع الدكتوره في المعمل يكون خاص بإختبار العملي , يعني ماراح يسألوكم ف إختبار التظري عن حاجه أخذتوها عملي والعكس بالعكس ,,


الترمنولوجي إيوا إذا حابه تكتبي نوت مع الدكتوره ف دفتر أو ف الكتاب على ستكرز + بالإضافه إلى الواجبات اللي هيا تمارين نحلها بنفس الكتاب ..

بالتوفيق يارب :)
ومعليش ع التأخر بالرد