يابنات هنا تعالوا اسألوا عن الاستاذات تفضلوووووا (واللي عندها خبرة تدخل تجاوب)

[OLA BASAMH]

السلام عليكم
لو سمحتو ابغا اسال عن مادة تجارة الكترونية مين افضل..د.اقبال اود. كمال؟؟
و مواضيع متقدمة(مين افضل دكتور)؟
___
بالنسبة للخطة انا صارت عندي لخبطة...ممكن تقولو لي اش هي بالضبط؟؟انا دفعة 07

جزاكم الله خير..
^_^

[~dreamy~]

سلام كيفكم بنات

اشفيكم بديتوا بدررررررررررري مررررره >> ماخلقها

انفجعت اول ما شفتكم ع بالي نزلت الجداول تدرون احسن من اللحين نبدأ نضبط اوضاعنا ههههه
يلا بالتوفق يااارب تسوون جداولكم زي ماتحبون
وتنزلون مع افضل استاذات ياااارب





لي عوده وان شاء الله ارد ع اللي اقدر
وبعد اطرح سؤوالاتي الله يعينكم

[Glam G!RL]

السلام عليكم

كيفكم بنات

الله يعينا على تعديل الجداول

ابغا رأيكم في هادي المواد والاستاذات

لاتبخلوا عليا

حكومه الكترونيه \ عواطف
تطوير تنظيمي \ حياة راجخان
اساليب وطرق عمل \ سناء باناجه
سلوك تنظيمي \ بدرية الجهني
نظم معلومات \ منى الرفاعي >>>>>> اخلاقها كيف
اداره محليه د عنود السبعان >>>>> يقولوا اسلوبها زي نسرين خياط صح ولا خطأ

ياليت تقولولي كيف شرحهم وكيف اسلوبهم واختباراتهم

والله يوفقكم ويسهل دربكم ان شاءالله

[جنون انسانة]

المشاركة الأصلية كتبت بواسطة glam g!rl السلام عليكم كيفكم بنات الله يعينا على تعديل الجداول ابغا رأيكم في هادي المواد والاستاذات لاتبخلوا عليا حكومه الكترونيه \ عواطف انا صحبتي اخذت معاها اصلا هيا مرة مضيعة بس كمان طيبة لانظلمها تطوير تنظيمي \ حياة راجخان انا مااحبها قد مايمدحو فيها البنات مملة محاضرتها لابعد درجة.. اساليب وطرق عمل \ سناء باناجه مررررة عسل وطيبة سلوك تنظيمي \ بدرية الجهني بدرية طيبة بس احيانا الاختبارات مدري ايش تبغا فيها بس انا اشوف لو تاخذي المادة مع عنود احلى بكثيييييييييييير نظم معلومات \ منى الرفاعي >>>>>> اخلاقها كيف انا عن نفسي اخذت معاها واشوفها عادية تخلص سريع سريع لان المادة تقرف وماتحتاج شرح. اداره محليه د عنود السبعان >>>>> يقولوا اسلوبها زي نسرين خياط صح ولا خطأ حرااااااااااااااااااااااااااااااااااااااااااااااام هذي احسن انسانة في القسم كلو وتجنن وماتتخيلي كيف البنات يحبوها مرة عسل وانا مرة احبها ياليت كل موادي معاها واختبارها عادي صح وخطا واختاري وترا كل الاستاذات كدا بس الصراحة انا اعرف سناء لانها كانت مرشدتي مو اكثر لاني مااخذ معاها. ياليت تقولولي كيف شرحهم وكيف اسلوبهم واختباراتهم والله يوفقكم ويسهل دربكم ان شاءالله

والله يوفقك يارب..

[.,.نيــــــــــــــــــــران.,.]

جذووووووووووور مبادئ سياسية مادة حلوة اخذتها مع زينب عبد العظيم بس يبغالك تفهمين المادة قبل لاتحفظينها وتركزين ززززين
وترى انا بعد شفت الخطة لقيتها 8 ساعات الاختياري قلت شكله نفس قصة عدد ساعات التخرج فاكرة؟

قلام قيرل منى الرفاعي اخلاقها عادية يعني ماهي عصبية عادية جدا
وبدرية الجهني تجنن بس مدري كيف في المادة اللي قلتيها

[اكابر]

بنات ايش رمز

الماده الاختياريه

اداره علاقات عامه

[wishez]

المشاركة الأصلية كتبت بواسطة اكابر بنات ايش رمز الماده الاختياريه اداره علاقات عامه

461pad

ومتطلبها السابق ادارة عامه 101

[.,.نيــــــــــــــــــــران.,.]

[motr]بنات كيف فائزة دمنهوري في ثقافات متعددة؟[/motr]

[miss nova]

مساء الفل للجميع

أول مشاركة ليا في الموضوع وحابه أسأل عن أستاذه اقبال الصالح كيف اسلوبها في الشرح والدرجات والتكاليف .!!

وأبغا أعرف كمان اش المرجع الي نرجعلوا في مادة نظم معلومات بالانجليزي !!


أتمنى تفيدوووني وشكــرا

[wishez]

المشاركة الأصلية كتبت بواسطة miss nova مساء الفل للجميع أول مشاركة ليا في الموضوع وحابه أسأل عن أستاذه اقبال الصالح كيف اسلوبها في الشرح والدرجات والتكاليف .!! وأبغا أعرف كمان اش المرجع الي نرجعلوا في مادة نظم معلومات بالانجليزي !! أتمنى تفيدوووني وشكــرا

اهلين ياعيوني
انا مثلك ان شاء الله ابغا اخذها
بس اصلا مافي غيرها

والله في بنات يمدحوا فيها وفي بنات لا...

انا من ناحية المرجع مااعرف ياعيوني


بالتوفيق