تجميعة لاستفسارات دكاترة و دكتورات Med11 :)

[Majed7]

المشاركة الأصلية كتبت بواسطة واثق الخطا أذا كانت مجموع ساعات المواد اللي رسبها بعد الدور الثاني أكثر من 7 ساعات يعيد السنة كاملة اذا 7 أو أقل يشيلها معاه للسنة اللي بعدها ان شاء الله ما تستفيد من المعلومة الأخيرة :)

كم معدل الطلبة الراسبين - خاصة إن الكلية تضم خيرة طلاب الجامعه - ؟

وهلـ الرسوب بسبب صعوبة المواد .. أم قلة الاهتمام ؟


طبعا بس أستفسر إن شاء الله تكون درجاتنا مرتفعه وما نضطر ندخل في هالتفاصيل .. لكن عشان ناخذ نظرة مبدئية :)

[واثق الخطا]

المشاركة الأصلية كتبت بواسطة Majed7 كم معدل الطلبة الراسبين - خاصة إن الكلية تضم خيرة طلاب الجامعه - ؟ وهلـ الرسوب بسبب صعوبة المواد .. أم قلة الاهتمام ؟ طبعا بس أستفسر إن شاء الله تكون درجاتنا مرتفعه وما نضطر ندخل في هالتفاصيل .. لكن عشان ناخذ نظرة مبدئية :)

نسبة الراسبين تختلف من مادة لمادة (تتراوح ما بين 0-30 %)

الرسوب غالبا بسبب اهمال (غياب عن محاضرات - مافي مراجعة - مذاكرة قبل الإختبار بيوم يومين - الإعتماد على ملخصات غير معتمدة أو MCQs )
نادرا يكون السبب صعوبة المادة لأن غير نجح فيها ,وفيه شباب تحصل لهم ظروف معينة تمنعهم من اداء الإختبارات

[FrfoSha]

المشاركة الأصلية كتبت بواسطة No_0ne سؤال بالنسبه للسكربات <<< ظفشت العالم بيها p: بالنسبه للبنات الاوان محدده خلاص لكل تخصص و الا في احتماليه انها تتغير ؟؟؟ و بعدين متى هو الوقت الانسب نشتريها ؟؟؟ قد قالو لي انتظر الين قبل الدراسه بكم يوم لان بعض المحلات تسوي عروض و ناس تقول لا اشتريها من الحين احسن قبل الزحما :( و اخيران المقابله هل نحن مطالبين بالبسها و الا عادي نيجي باي لبس ؟؟؟ <<< و شكرا :)

آهلا ,, الوان السكربات عند البنات ثابته لكل تخصص .. احنـآ

Royal Blue - أزرق ملكي

و الله شوفي انا السنة اللي فاتت اشتريتها حتى قبل رمضان .. يعني براحتك اشتريها وقت ماتبغي بس اذا كان مقاسك شآئع " يعني من XS-M " فدوري عليه من دحين احسن .. لانو في مقاسات تخلص بسرعه رهييييييبه

و على المقابله ما اظن انكم " ملزمين " بلبس السكرب .. لانو اول يوم لكم في الكليه اصلا .. بس ع الاقل روحي باللاب كوت و لبس محترم عشان تبيني كذا انك مهتمه بالكليه

[د.مشبب]

شكراً جزيلاً لك د.واثق الخطا ..

[دعو]

ممكن ياجماعه أستفسار ^_^

لمن حضرت الدوره حقت الطب قالوا انو في ماده وحده لها اربع كتب !!!

بصراحه نسيت إيش دي الماده ممكن احد يقولي أيش الماده هذي ودحين اشتري الأربع كتب هذي كلها ولاكيف !!؟؟

وكمان دحين كل المواد اشتريلها كتب ولا البعض ؟؟

بصرااحه موضوع الكتب شوويه مجنني عشان في بنات قالولي انهم اشتروا كتب وماأستفادوا منها ...

[FrfoSha]

المشاركة الأصلية كتبت بواسطة دعو ممكن ياجماعه أستفسار ^_^ لمن حضرت الدوره حقت الطب قالوا انو في ماده وحده لها اربع كتب !!! بصراحه نسيت إيش دي الماده ممكن احد يقولي أيش الماده هذي ودحين اشتري الأربع كتب هذي كلها ولاكيف !!؟؟ وكمان دحين كل المواد اشتريلها كتب ولا البعض ؟؟ بصرااحه موضوع الكتب شوويه مجنني عشان في بنات قالولي انهم اشتروا كتب وماأستفادوا منها ...

اهلا دعو .. اكيد قصدك ع الاناتومي .. هيا اللي لها 4 كتب بس على فكرة ماندرسهم كلهم مرا وحدة يعني نخلص واحد نبدا في اللي بعدو و كل الكتب الاربعه احجامها صغيييييرة ماتتعدا ال50 صفحة للكتاب الواحد طبعا ^^

و الافضل انك تستني لبدايه السنة لمن يطلبوا منكم الدكاترة الكتب لانو في بعض المواد ما يطلبوا لها كتب اصلا .. لا تشتري شيء من دحين


* عن نفسي مافي كتاب اشتريته و لا استخدمته:)

[دعو]

المشاركة الأصلية كتبت بواسطة frfosha اهلا دعو .. اكيد قصدك ع الاناتومي .. هيا اللي لها 4 كتب بس على فكرة ماندرسهم كلهم مرا وحدة يعني نخلص واحد نبدا في اللي بعدو و كل الكتب الاربعه احجامها صغيييييرة ماتتعدا ال50 صفحة للكتاب الواحد طبعا ^^ و الافضل انك تستني لبدايه السنة لمن يطلبوا منكم الدكاترة الكتب لانو في بعض المواد ما يطلبوا لها كتب اصلا .. لا تشتري شيء من دحين * عن نفسي مافي كتاب اشتريته و لا استخدمته:)

د.شيماء طمنتينيي الله يطمممنك
الله يسعددك يااعسللل

[ρяĭиcǝšš нɑ̝̚đọ]

المشاركة الأصلية كتبت بواسطة frfosha * عن نفسي مافي كتاب اشتريته و لا استخدمته:)

ممكن اذا مافي كلافه تذكري لنا الكتب الي اشتريتيها واستفدتي منها زي ماتقولي ؟

ربنا يسعدك يآ دكتوره فرفوشه

[FrfoSha]

المشاركة الأصلية كتبت بواسطة ρяĭиcǝšš нɑ̝̚đọ ممكن اذا مافي كلافه تذكري لنا الكتب الي اشتريتيها واستفدتي منها زي ماتقولي ؟ ربنا يسعدك يآ دكتوره فرفوشه

آكييد ..

غير الكتب الالزاميه عند كل الدفعة زي الاناتومي و الهستو و الامبريو .. انا كان عندي كتاب Snell للاناتومي هوا مكتوب من المقررات علينا بس مو كثير جابوه لانو كبير .. بس انا مرررررا حبيتو .. الكتاب يكلمك باسلوب جدا رآئع غير الصور اللي فيه .. ناهيه عن حجمه اللي يفجع شويتين ^^" .. بس و الله الاشياء اللي ذاكرتها منو رآسخة في مخي ..

كمان في كتاب للباثولوجي اللي جبناه للثلاثه الاوائل في الكورس للكاتب Robbins .. كمان مرا حبيتو الصور اللي فيه نفسها يحطوها الدكاترة في العرض حقهم .. الأغلب كان يذاكر من الشيتآت بس القرآءة من الكتب فرقت بالنسبة ليا و لصحباتي ..

في ناس في المنتدى يقولوا لا تشتروا كتب راح يضيع وقتكم و ما اعرف ايش .. عن نفسي عمر القرآءة من الكتاب " اول باول " ماتضيع الوقت .. تضيع لو كانت في ليله اختبار و جايه تذاكري من كتاب !! هنا الكارثه ..

معليش كلامي كثير مرآ انا عارفه

اي استفسار ثآني انا بالخدمة :)

[ρяĭиcǝšš нɑ̝̚đọ]

المشاركة الأصلية كتبت بواسطة frfosha آكييد .. غير الكتب الالزاميه عند كل الدفعة زي الاناتومي و الهستو و الامبريو .. انا كان عندي كتاب snell للاناتومي هوا مكتوب من المقررات علينا بس مو كثير جابوه لانو كبير .. بس انا مرررررا حبيتو .. الكتاب يكلمك باسلوب جدا رآئع غير الصور اللي فيه .. ناهيه عن حجمه اللي يفجع شويتين ^^" .. بس و الله الاشياء اللي ذاكرتها منو رآسخة في مخي .. كمان في كتاب للباثولوجي اللي جبناه للثلاثه الاوائل في الكورس للكاتب robbins .. كمان مرا حبيتو الصور اللي فيه نفسها يحطوها الدكاترة في العرض حقهم .. الأغلب كان يذاكر من الشيتآت بس القرآءة من الكتب فرقت بالنسبة ليا و لصحباتي .. في ناس في المنتدى يقولوا لا تشتروا كتب راح يضيع وقتكم و ما اعرف ايش .. عن نفسي عمر القرآءة من الكتاب " اول باول " ماتضيع الوقت .. تضيع لو كانت في ليله اختبار و جايه تذاكري من كتاب !! هنا الكارثه .. معليش كلامي كثير مرآ انا عارفه اي استفسار ثآني انا بالخدمة :)

يب تسلمي فكرتك وصلت .. مشكوورهـ قد الدوونياااا