محتآآره في الموآد ,, ماتعرفي عند مين تاخذي المآآده .. اقبلي هنآآ :)

[Glam G!RL]

المشاركة الأصلية كتبت بواسطة براءة الطفولة يسعدك ربي ويوفقك وتتخرجي يا رب دي السنة لكن ممكن اسئلك يا قلبي عن حياة راجخان تنصحيني اخد معاها ولا لا وكيف درجتك كانت ما تخافو من الدرجات معاها وكيف تقعدو بدون ما تعرفو درجاتكم طيب كم اختبار عندها وكيف توزيع الدرجات؟؟ بليز ردي عليه ضروري لاني خفت لما قلتي ما تصحح وافكر احذف المادة من عندها اش رايك هيه الوحيده اللي تعطي المادة دا السمستر ويا ترى في احد غيرها ممكن يعطي المادة السمستر الجاي؟؟

خذي معاها لانو اسئلتها تجي سهله

وكتييير بنات يقولوا تعتمد الاختبار النهائي

انا صراحه كنت اذاكر بالنهائي والنصفي والدوري اقرا الكتاب

بس درجات الدوري والنصفي ماتعرفيها ابدا حتى نهاية الترم

كيف نقعد بدون مانعرف الدرجات عادي تعودنا كل محاضره نسأل وتقول لسى ماصححت

وترى هيا ماسكه تطوير تنظيمي من فترة يعني انسي تجيكي وحده غيرها

بس برضوا اسئلتها بالنهائي سهههله وماترسب احد

[سومي2009]

بنات بلـيز

(سياسه عامة وصناعة قرار + إدارة خدمات صحية )

تنصحوني عند مين آخدها ..

[sugar-lips]

بنات الله يوفقكم ابي اعرف ادارة خدمات صحيه و اداره محليه اخذها مع مين ؟وبعد عندي مقرر اختياري مدري وش اختار ابي شي ارفع معدلي فيه واعوض

[عمرٌ جديد]

السلام عليكم ..

انا قاطة هنا ماادري قطيت صح ولا لأ... ^^

اش رايكم في مادة سلوك انساني كمادة حرة ...انا ضيفة عندكم من الدراسات الاسلامية..

وحده في المنتدى مدحتها مع فائزة دمنهوري بس اللي نازل في الشعب وحدة اسمها كاميليا الجنايني...

اش رايكم ... للمعلومية انا امشي في الفهم اكثر من الحفظ والصم ..

اش رايكم في الاستاذه كاميليا والماده
منهج طويل ولا قصير؟
اسئلة الاستاذة كيف؟
تنصحوني بيها ولا آخد شي تاني؟؟؟

ردوا علي ضروري..

[لمسات]

بنات ابغا اعرف كيف اضيف المدرسات واختارهم لاني جديده علي الموضوع بليييييييييييز ابغا اعرف بالتفصيل عشان لما يفتحو لنا المجال اعرف اختار المدرسات للمواد

[Ghazal]

مرحبا بنات

بليز ابى رايكم وافادتكم في مادتين مبادئ اداره واقتصاد جزئي

واحد اخد معا استاده منى محمد بادكوك مبادئ اداره

واستاده لمياء سعود ششه

بليييييييز ابى اعرف كويسين ولا لا وكيف طريقتهم

وشوكرن اكتر شي

[Back Back]

المشاركة الأصلية كتبت بواسطة ghazal مرحبا بنات بليز ابى رايكم وافادتكم في مادتين مبادئ اداره واقتصاد جزئي

اقتصاد جزئي مادة رهيـــــــــــــــــــــــــــــــــــــــــــــــ ــــبة

رهيبة رهيبة رهيبة ماشاء الله، أخدتها في الانتساب مع د. هدى عوض، أتعب وأقلك رهيبة
الأسئلة كوبي من محاضراتها، اتوقع حتى الأرقام نفسها !!

اما مبادئ إدارة عامة، فلسا الترم هادا حاخدها، وحاخدها إن شاء الله مع أ. خديجة الحربي.

دا إللي اعرفو = )

المشاركة الأصلية كتبت بواسطة لمسات بنات ابغا اعرف كيف اضيف المدرسات واختارهم لاني جديده علي الموضوع بليييييييييييز ابغا اعرف بالتفصيل عشان لما يفتحو لنا المجال اعرف اختار المدرسات للمواد

ياقلبي عليكي، شكلك سنة أولى x3

طيب شوفي، مادامك طلبتي بالتفصيل، فحردلك بالتفصيل وإن شاء الله تستفيدي

السنة الجاية وعليكي خير، حينزلك جدول <<وطول منتي في الجامعة حينزلك جدول
وحيظهرلك زر جديد إللي هوا، الحذف والاضافة

بس ممكن الجدول المواد إللي فيه ماهي عاجبتك، أو بالأصح،
إللي يدوها ماهم كويسين أو مررة شديدين أو يرسبو

فطبعًا لازم تسوي بحث قد ما تقدري على كل مادة وكل دكتورة او أستازة إللي نزلتلك في جدولك
في الانترنت، في الجامعة، من معارفك، المهم توصلي في النهاية لنخبة عشان تقدري تاخدي معاهم

عملتي دا، تبدأي تعملي عليهم جرد، إزا والله الدكتورة إللي طلعت معاكي سمعتها كويسة اتوكلي
على ربك ولا تحذفي المادة، أما إزا كانت ماهي كويسة، فتبدأي تدوريلك على دكتورة كويسة
وشعبة ماهي مليآنة <<وهادي دايمًا تسير مع الكويسات = ( تيجي تبغي تضيفي مادة مع 1ة كويسة تلاقي شعبتها مليآنة ولا تتوسع

عشان كدا لازم تكوني مستنرة عند الأوديوس وزر الحذف والاضافة وقائمة الشعب.

ساعات من كتر ماتكون الدكتورة أو الاستازة سيئة، تضطري إنك تحذفي المادة نهائي <<لأنو مافي أحد كويس نازل يدرسها في الترم الحالي

فتضطري إنك تأجلي المادة للترم الجاي بس عشان تدرسك ياها 1ة كويسة...

وطبعًا أي مادة تبغي تضيفيها ومنتي قادرة تضيفيها من عندك في البيت، لازم تروحي عند مرشدتك هيا تزبطلك أمورك بإذنه تعالى من إلى

حذف واضافة وتشير عليكي، المادة دي كويسة، دسمة، صعبة، سهلة وهكذا...

بس طبعًا تكوني محضرة أمورك من إلى، محددة المادة، رمزها، رقمها، الشعبة، الوقت، الأيآم،
وطبعًا الأهم، مع مين

لأنو كتير بنات تيجي وماتكون معاها دي الحاجات فتلاقي المرشدة تتعب معاها..

عمومًا الحذف والاضافة بجد تحسيها حرب ههههههه

يا تلحقي تاخدي مادة في وقت يناسبك ومع 1ة كويسة يا عليكي العوض !!

طبعًا إزا طلعو معاكي كوولهم كويسات، فخلاص، مافي داعي تحذفي منهم شي !!
إلا إزا تبغي تضيفي مادة زيادة، فطبعًا حتشوفي مين الأفضل عشان تضيفي في شعبتها...

....

شكلي دوختك، بس ما اعرف أختصر عععع

أتمنى تكوني استفدتي حتى لو شوية

سلآم

[Back Back]

بنآت ضروووووووووووووووووري ردو عليا

د. إلهام عبد الرازق اسماعيل- احصاء

كيــــــــــــــــــــف؟؟؟؟

مارديتو عليا ب_ب

مرررة ضروري

[ام عزوز@]

الله يوفق الجميع

[دلوعة ابوهاا]

acct101 3 مبادىءالمحاسبة principles of accounting لا يوجد متطلبات لهذه المادةbl101 3 مبادىءالقانون principles of law isls-101isls201 2 الثقافة الاسلامية (2) islamic culture (2) لا يوجد متطلبات لهذه المادةpad101 3 مبادىء الادارة العامة principles of public admin لا يوجد متطلبات لهذه المادةecon101 3 مبادىءالاقتصاد الجزئي principles of microeconomics لا يوجد متطلبات لهذه المادةps101 3 مبادىءالعلوم السياسية introduction to political scie arab-101arab201 3 اللغة العربية (2) arabic language (2) بليييييييييييييييييييز هذي موااادي المستوى الثالث والرابع ابي اعرف ايت منهم اسهل ^_^ الله يسعد ويحقق مراد اللي ترد لي واللي تمر بعد ^_^وكمان ايش افضل الأستاذات ^_^