الأسئلة والاستفسارات عن كلية طب الأسنان ..

[Lmansi]

السلام عليكم ،،
عندي استفسار عن طب الأسنان ،،
هل تعتمد الدراسة في بشكل كبير على الحفظ ،، لأنو أنا مرا سيئة في الحفظ
وأحب الفهم والأشياء العملية ،،
لأنو بصراحة لمن دخلت عالمواضيع حقت طب الأسنان وانو عيادات وأشياء عملية
اتخيلت نفسي في ومررررا حسيت انو حلو ،،
بس يعني أبغا أعرف إذا أقدر أمشي في ولا لا ...؟
وشكراً ،،

[مَـزٍآج ..}..]

المشاركة الأصلية كتبت بواسطة lmansi السلام عليكم ،،

المشاركة الأصلية كتبت بواسطة lmansi عندي استفسار عن طب الأسنان ،، هل تعتمد الدراسة في بشكل كبير على الحفظ ،، لأنو أنا مرا سيئة في الحفظ وأحب الفهم والأشياء العملية ،، لأنو بصراحة لمن دخلت عالمواضيع حقت طب الأسنان وانو عيادات وأشياء عملية اتخيلت نفسي في ومررررا حسيت انو حلو ،، بس يعني أبغا أعرف إذا أقدر أمشي في ولا لا ...؟ وشكراً ،،

انا بقولك شغله

اصعب مرحله في طب الأسنان القبول فيه من الآسآس

وطب الأسنان ينقسم في السنوإأت لقسمين ..

قسم نظري

وهي ثلاث سنين ..

اول سنه تحضيري ..
والثآنيه ندرس موإأد الطب البشري وبس ماده وحده اسنان ..
السنه الثآلثه هي البدإأيه الحقيقه لطب الأسنان وتقريباً اصعب سنه في الأسنان كله
عشره موإأد تنقسم مآ بين مادتين للطب البشري وماده صيدله والبآقيه موإأد الأسنان

وللأمانه سنه ثآنيه وثآلثه تحتآج حفظ مو طبيعي عشان ما تنصدمي يعني
لأنو جامعيـن بين كل التخصصآت في السنوإأت دي ..
والموإأد مو سهله وتحتآج حفظ كبير ..
وطبعا فيه لابآت عملي فيها خفيفه .. !!


القسم الثآني العملي والعيادات

في سنه رابعه وخامسه وسآدسه ..
راح نبدا نروح العياده وكل طالب له عياده خاصه فيه .. ويستقبل المرضى
طبعا كل سنه تتطور عن الثآنيه وهكذآ . .
وهذي السنوإأت الاخيره من امتع السنوإأت .. لأنو اكثرها عملي وعيآده وقليل الكلآسآت
النظريـه .. !!


أتمنى اكون وصلت لك فكره بسيطه عن الأسنان .. !!

[طالب طب في المستقبل]

السلام عليكم وورحمة الله وبركاته

وعليكم السلام ورحمة الله وبركاته ...

دحين ايش الفرق بين موزونه الكليه والنسبه الخاصه للكليه ..؟؟

النسبة الخاصة مجموع ( احياء -كيمياء - فيزياء - انجلش 1,2 ) / 5 = النسبة الخاصة
ولازم تكون فوق 85

النسبة العامة اللي موجودة عندك في الاوديس مجوع جميع المواد على عددها = النسبة العامه

السنه الي فاتت كانت موزونه الكليه 93 والنسبه الخاصه للكليه 85 يعني الي مجموع موادها المطلوبه قسمة عددها = 85 انقبلت ؟؟

لا موزونة الكلية اللي هيه النسبة العامة اللي شرحتها فوق ... يعني اقل طالبة انقبلت كانت موزونتها العامة 93

وهيه تختلف من سنة لسنه

اتمنى اني افدتك ..

واعتذر من صاحب الموضوع على الانبراش ....

بالتوفيق

[M!SS_MERO]

السلام عليكم

كيفكم يا دكاترة ..؟؟

بس حابه اسأل سؤال بسيط وصغير ,, اي قسم نسبة قبوله اعلى طب اسنان ولا طب بشري ؟؟

[Lmansi]

جزاك الله خير أخوي مزاج عالجواب الوافي =)

["عبير"]

طيب الحين اذا كان مسمانا بعد مانتخرج من سبع سنوات طبيب اسنان عام

اجل اش الاقسام والشعب اللي موجوده في موقع الجامعه في كلية طب الاسنان
العلاج التحفظي .. والخ والشعب اللي تحت كل قسم ؟
يعطيكم العافيه .. استفدنا منكم كثير .. موفقين يارب

[Dr~NanoOok]

المشاركة الأصلية كتبت بواسطة "عبير" طيب الحين اذا كان مسمانا بعد مانتخرج من سبع سنوات طبيب اسنان عام اجل اش الاقسام والشعب اللي موجوده في موقع الجامعه في كلية طب الاسنان العلاج التحفظي .. والخ والشعب اللي تحت كل قسم ؟ يعطيكم العافيه .. استفدنا منكم كثير .. موفقين يارب

الشعب هي التخصصات حقت الاسنان
واللي بموقع الجامعة معناها الاقسام الاكاديمية اللي بيدروسنا واللي بالعيادات

ومن تخصصات طب الاسنان:
علاج الجذور - علاج الانسجة المحيطة بالاسنان - التركيبات الثابته - التركيبات المتحركة
تقويم الاسنان - اسنان الاطفال - اشعة الفم والاسنان - علم امراض الفم - جراحة الرقبة والفكين - العلاج التحفظي للكبار والاطفال
وغيرها من التخصصات

وهذا موضوع ان شاء الله يفيدك

http://www.skaau.com/vb/showthread.php?t=238371


~

[sosa-224]

السلام عليكم
كيفكم يادكاترة بليز ابغى اسألكم سؤال مررررة ضروري
انا بدأت دراسة التحضيري في الترم التاني يعني هذا اول ترم ليا وان شاء الله حخلص التحضيري على الترم الاول في السنة الجاية
وابغى اعرف ينفع ادخل طب اسنان او بشري في نص السنة "يعني يكونو الناس ترم تاني وانا ترم اول"
ان شاء الله فهمتو قصدي
بليييز اللي عندو اجابة لسؤالي يرد عليا
الله يوفقكم يارب

[مَـزٍآج ..}..]

المشاركة الأصلية كتبت بواسطة sosa-224 السلام عليكم كيفكم يادكاترة بليز ابغى اسألكم سؤال مررررة ضروري انا بدأت دراسة التحضيري في الترم التاني يعني هذا اول ترم ليا وان شاء الله حخلص التحضيري على الترم الاول في السنة الجاية وابغى اعرف ينفع ادخل طب اسنان او بشري في نص السنة "يعني يكونو الناس ترم تاني وانا ترم اول" ان شاء الله فهمتو قصدي بليييز اللي عندو اجابة لسؤالي يرد عليا الله يوفقكم يارب

يب فآهمك ..

كليه الأسنان والبشري سنويـه . . مو اتراام

تقدري تدخليها لكن مو لما تخلصي السنه التحضيريه يعني على نهايه الترم الأول ..

يعني لازم تنتظري ترم كآمل للسنه الي بعدها عشان تقدري تدخلي ..

لكن انك تدخلي على طول من يوم ما تخخلصي ما تقدري لأن زي ما قلت لك سنويـه .. !!

[nona_2011]

السلام عليكم ..

أنا عندي سؤال !!

هل لازم تكون لغتي الانجليزيه قويه عشان أمشي في طب الاسنان؟؟

وهل الأختبارات بالانجليزي ؟؟وإذا كانت هل هي مقاليه ولا كلمه ورد غطاها أوأختيارات مثلا ؟؟

وحابه أعرف أيش وضع اللي يرسب في ماده هل يعيد السنه كامله أو يحملها معاه؟؟

وآسفه على كثرة الاسئله

وجزاكم الله خير