][شروط وإجراءات التقديم في الماجستير العام + الخطة الدراسية للقسم ~~

[شواطئ البحر]

المشاركة الأصلية كتبت بواسطة مهاوي 22 السلام عليكم .. اختي شواطئ البحر انا فتحت البرامج المتاحه لسنه الجديده .. ولقيت كل التخصصات لا تطلب قدرات .. فقط اختبار الاستيب اوالتوفل .. هل يعني ذلك ان اختبارات القدرات انلغى .. والي اختبرت هل يدخل في مفاضلتها .. ..واكيد سجلت اختبار الاستيب .. سؤالي .. لان انا اختبرت قدرات وجبت درجه 65 وحابه اعيد الشهر هذا .. فهل اعيد ولا لا ؟؟

وعليكم السلام ورحمة الله

اختبار القدرات مطلوب وموجود في التخصصصات المتاحة للقبول أطلعلي ع التفاصبل
تجدي الشروط في جدول وتجدي بينها اختبار القدرات مطلوب
http://graduatestudies.kau.edu.sa/co...=AR&cid=118631

[شواطئ البحر]

المشاركة الأصلية كتبت بواسطة cool1401 انا قرات الصفحات كلها وماني فاهم انا متخرج من كلية الاداب تخصص لغه انجليزيه انتساب بتقدير ممتاز مع مرتبة الشرف وارغب بمواصلة دراستي فهل هناك ماجستير بدون رسوم وهل لابد ان اكون منتظم ....ارجوا الافاده ولكم جزيل الشكر والعرفان.

نعم يوجد ماجستير بدون رسوم وهي التخصصات في أول الموضوع والدراسة منتظمة

راح اعطيك رابط تتعرف ع التخصصات بدون رسوم (اللي لونها برتقالي)
http://graduatestudies.kau.edu.sa/co...=AR&cid=118631

[شواطئ البحر]

السلام عليكم .. عندي سؤال خاص لقريبتي ممكن تساعديني فيه قريبتي تخرجت من الجامعة اليمنيه قسم المحاسبه تقريباا لها سنه وحابه تاخذ ماجستير في جامعة الملك عبد العزيز .. هل يقبلوهاا في الجامعة ..واش الاوراق االمطلوبه ومتى يفتح التقديم ..وهل في ماجستير قسم محاسبه.. واعذريني على اسئلتي الكثيره ... لاني ماعرفت في اي جهة اروح في الجامعة عشاان اسئل ان شاء الله انتي تساعديني بخبرتك وتسئلي ..ودحين هالايام خلصت من الاختباارات مايمديني اروح الجامعه.. وشكرااا لكي..

وعليكم السلام ورحمة الله
أهلاً بك
المتقدمين غير السعودين والمقيمين بالمملكة العربية السعودية يقتصر التقديم ع التخصصات العلمية باستثناء التخصصات الصحية.

التقديم يفتح في 19/ربيع أول

للتفاصيل أكثر
http://graduatestudies.kau.edu.sa/co...g=AR&cid=96184

[اجتماعية طموحه]

يعطيــــــــــــــــك العااافية اختي شواطئ

اعااادة الاختباااار تجربه صعبه ونفسيا مو مستعده لها ماينفع اقدم بالدرجه اللي انا جايبتها لها الدرجة سيئة ,,,

اذا الكفايات بمستوى التوفل فنقووول مع السلامة للماستر اجل

بالتووووفيق للجميع

[SeЙorita]

بكلوريس تعليم عن بعد كليةالاداره والاعمال رابغ اقدر اكمل ماجستير ايش هيا التخصصات

[بسمة . .]

أخت شواطئ
احب اسألك بخصوص كشف الدرجات
انا تخرجت قبل كم سنة من كليه بمدينة ثانية ولا عطوني الا الوثيقة
مهم ارجع لهم واخذ الكشف ؟
وهل هذا مطلوب بالبرنامجين العام والخاص للماجستير ؟

مدري من وين طلع ذا ، توني انتبه له بالشروط :(
وش بيسفرني له ، غير اني ما أظن الكلية مازالت محتفظة فيه :(

[اجتماعية طموحه]

لاحول ولاقوة الا بالله

ندرس وندرس وع طول بيقولو اهم شي خليك ع الخطه ولاتحملي ولامادة وجيبي معدل لاتنزلي عن 4

ياسلام سوينا دا كلو

هدا مو كفيل اني ادرس ماستر بدون تعقيدات

قدرات ايش اللي بيقيسوها اجل احنا كيف اتخرجنا
وكفايات ايش من متي واحنا بندرس انجلش بهالمستووووى


الهدف احباااااط الطموووووووووووووووووح حسبي الله ونعم الوكيل

[Suzi]

الله يوفق الجميع ياارب وتشكر شواطئ على مجهودها النايس (=
الحين بالنسبة للscholarship for foreign student مافي تخصص انجلش ليش هيك )= احتمال يتغير ولا

[شواطئ البحر]

المشاركة الأصلية كتبت بواسطة seЙorita بكلوريس تعليم عن بعد كليةالاداره والاعمال رابغ اقدر اكمل ماجستير ايش هيا التخصصات

نعم تستطيع , التخصصات مع شروط موضح في التوقيعي أطلعي عليها.

[شواطئ البحر]

المشاركة الأصلية كتبت بواسطة بسمة . . أخت شواطئ احب اسألك بخصوص كشف الدرجات انا تخرجت قبل كم سنة من كليه بمدينة ثانية ولا عطوني الا الوثيقة مهم ارجع لهم واخذ الكشف ؟ وهل هذا مطلوب بالبرنامجين العام والخاص للماجستير ؟ مدري من وين طلع ذا ، توني انتبه له بالشروط :( وش بيسفرني له ، غير اني ما أظن الكلية مازالت محتفظة فيه :(

كشف الدرجات مطلوب ورقمك محفوظ في السجلات الجامعة حتى بعد وقت طويل.