بنات أسئلتكم عن مواد , أستاذات , أماكن تدريب ... إلخ

[LOODI]

بنات انا دوبي جاية من الجامعة ورتبت جدولي
وعندي مشكلة ماني عارفة ايش اسوي فيها
اضفت البحث والتدريب ولسا ما نزل اسماء استاذات البحث والمشرفة تقولي لازم تستني استاذتك عشان تتابعي معاها او انك تبداي لوحدك وبعدين تشوفي الاستاذة ويمكن يعجبها مكان التدريب او لا ويمكن ما يناسبها بحثك او نها تطلبك تقرير
المهم اني ماني عارفة ايش اسوي وبصراحة ابغى ابدا وخايفة اسوي شي ما يناسب الاستاذة ايش رايكم بالله ايش تنصحوني مع العلم ان المشرفة تقول ان اسماء الاستاذات ما ينزل الا بعدين وقت الدورة
ارجو النصيحة خصوصا من اللي اخذت المادة من قبل ايش سوت وهل نقدر بعدين نختار الاستاذة ولا على كيفهم

[غلا&جده]

على حسب ماسمعت انو هما بكيفهم يحطوكي اساسا مايقولون لك اسم الاستاده الا ادا سجلتي في شعبتهاا

ولاتستعجلي

ان شاء الله البنات اللي اخدوها يفيدونك

[ليون الصغيره]

مو عشاااااااااان كدا انا اقول ينزلو اسمااااااء الاستاذات وكل شي بينحل

عمى نجلس فاضين لمتى ولاجا وقت الدوره كل شي ورا بعض

ناس ماتقدر

[حلم عمري]

ليون الصغيره أسفه ع المعلومه الخطأ وشكرا عبير الوجدان ع التوضيح

يبغالي اتأكد من معلوماتي قبل مااكتبها :(

اليوم رحت الجامعه أنا ودروب سجلنا بدوره من الدورات حق الخريجات اللي هيا بتكون بكرا

وسألتها لو اقدر اسجل فيهم كلهم بوقت واحد عشان صعبه اروح الجامعه عشان بس اسجل قالت لا

بعدين سجلت كمان في دوره تانيه حق الموهوبات

وكلهم ترا بدون رسوم اللي تبغى تسجل تروح

loodi

إنتي أبدأي فكري في موضوع البحث من دحين اهم شيئ يكون شيئ له علاقه بتخصصك ومسارك

وكمان دوري على مكان تدريب برضو يكون له علاقه يصير بعدين انتي جاهزه ماتتعبي

[ام ليان]

بنات الله يوفقنا جميعا
انا بالترم التخرج ان شاء الله والمفروض انزل المواد الاختياري الثلاث ومادة بحث وتدريب
بس ما اقدر اجي جدة
بلييييييز الله يوفقكم مين تقدر تنزلها لي

[that's me]

بنات الي اخدت سنترا
تقلنا كيف السنترا هادي عادي يعني ولا كيف؟؟؟
الي يقدر يفيدنا لا يسيبنا

[f1m2]

المشاركة الأصلية كتبت بواسطة that's me بنات الي اخدت سنترا تقلنا كيف السنترا هادي عادي يعني ولا كيف؟؟؟ الي يقدر يفيدنا لا يسيبنا

انا اخذت سنترا السمستر الي فات مبادى علوم سياسيه حضرت اخر اسبوع وندمت انه مااحضرت من البدايه لانه بجد اكثر من رائع تقدري تستفسري من الاستاذة بالشات وترد على اي سوال وتعرف اسماء الطالبات الي يحضرو
كنت اتمنى ذا السمستر يكون عندي سنترا بس كله تعارض
بالتوفيق

[LOODI]

مشكورين يا بنات على الرد
واتمنى ربي يوفقنا في البحث
ام ليان
اتوقع تقدري تحذفي وتضيفي من التلفون
اتصلي عليهم وكلمي مشرفتك اعرف بنات خارج جدة ما يجو الا وقت الاختبار وموادهم الحرة والاختياري ينزلوها بالتلفون
وانا احاول اجيبلكم الرقم ان شاء الله

[شموخ كبريآئي]

المشاركة الأصلية كتبت بواسطة عنـقـــــود الغــلا الله يسسعدك شموخ على الرد .. بس المواد بشكل عام تمااام مع بعض ..

كويس بس آحس تخطيط ونظمـ معلومآت مرهـ كتير مع بعض لآنهآ مرهـ دسمة :((

[شموخ كبريآئي]

المشاركة الأصلية كتبت بواسطة ام ليان بنات الله يوفقنا جميعا انا بالترم التخرج ان شاء الله والمفروض انزل المواد الاختياري الثلاث ومادة بحث وتدريب بس ما اقدر اجي جدة بلييييييز الله يوفقكم مين تقدر تنزلها لي

آنآ حروح آلجآمعة بس يومـ 19\5 علىآ يومـ دوآمي إن تبغيني آضيف آلموآد قوليلي ع آلخآص :))