تجميعة لاستفسارات دكاترة و دكتورات Med11 :)

[شفع]

المشاركة الأصلية كتبت بواسطة asma2 آلسلآم عليكم آححس آني دآخلة عرض <~لآني سنة تحضيرية لسسه بس حآبةة آعرف هذآ آلعآم ككم آلمعدل آو آلنسبةة آللي وقفوآ عندهآ للطب وآللي آنقبلوآ طب آلعآم هذآ كييف كآنت معآككْم آلسنة آلتحضيرية وهل هيّآ مُتعبةة وآلآء لآء للي يبغى ـآإ يشُّد حيله عشآن يدخل طب وعليكم السلام .. أقل نسبة موزونة تم قبولها هذي السنة بالكلية هي 92.520 وفي شمال جدة فرع عسفان 89.930 وفي رابغ 86.700 وهي نسبة بعض المواد اللي حتدريسها بالتحضيري مو كلها و هي ( الاحياء، الكيمياء، الفيزياء، e < يعني الانجليزي بمصطلح الثانوية .. ) ..@~> ذكريات .. ... معلش نرجع للموضوع بالاضافة الى شروط تحطها الكلية للمعدل العام .." باقي المواد " يعني مثلاً لا يقل عن 4.5 والسنة التحضيرية بصراحة انا اشوف انها كانت " طئطئة " يعني سهلة ان شاء الله حيل .. وككمآن آبغى آعرف آلبنآآت يقدروآ يتخصصوآ جرآحةة وآيش آلآقسآم في كلية آلطب آللي رح تخليني طبيبة فيه جرآحةة قلب؟! كل الاقسام اللي في كلية الطب .. تخليك طبيبة بإذن الله ..لأنه في كليات ثانية صحية مثل العلوم الطبية، الصيدلة .. وكلاً بتخصصها بس الطب طب و تخرج اطباء في كم مجال وتخصص منها الجرآحة < الله يوفقك ويجعلك اكبر طبيبة جراحة وكمان اتوقع فيها تخصصات بالكلية المتخرج منها مايسمى " طبيب " وآلف شُكر للي بيجآآوب سلفآآ

العفو .. و حياك شرفتي بدخلتك الغلط ..

[No_0ne]

سؤال بالنسبه للسكربات <<< ظفشت العالم بيها p:
بالنسبه للبنات الاوان محدده خلاص لكل تخصص و الا في احتماليه انها تتغير ؟؟؟
و بعدين متى هو الوقت الانسب نشتريها ؟؟؟ قد قالو لي انتظر الين قبل الدراسه بكم يوم لان بعض المحلات تسوي عروض و ناس تقول لا اشتريها من الحين احسن قبل الزحما :(
و اخيران المقابله هل نحن مطالبين بالبسها و الا عادي نيجي باي لبس ؟؟؟
<<< و شكرا :)

[د.مشبب]

السلام عليكم ورحمة الله وبركاته
أسعد الله أوقاتكم بكل خير

عندي أسئلة لطلاب طب10 >> يعني med10
كيف نظام الإختبارات في كلية الطب ؟

وهل الكويز يكون عليه درجات ؟

والنجاح في المواد من كم ؟

واللي لا قدر الله يرسب في ماده " الله ينجحنا ويكتب لنا التوفيق " .. ايش يصير له ؟

وشكراً جزيلاً ...

[واثق الخطا]

المشاركة الأصلية كتبت بواسطة د.مشبب السلام عليكم ورحمة الله وبركاته أسعد الله أوقاتكم بكل خير عندي أسئلة لطلاب طب10 >> يعني med10 كيف نظام الإختبارات في كلية الطب ؟ وهل الكويز يكون عليه درجات ؟ والنجاح في المواد من كم ؟ واللي لا قدر الله يرسب في ماده " الله ينجحنا ويكتب لنا التوفيق " .. ايش يصير له ؟ وشكراً جزيلاً ...

نظام الإختبارات :
اختبارين لكل مادة نصفي (25 درجة غالبا) ونهائي(45 نظري 20 عملي غالبا)
فيه مواد زي البيوكيمستري فيها كويزات عليها 10 درجات وبعض المواد بحوث أو واجبات

النجاح من 60

في حالة الرسوب لا قدر الله اللي رسبوا في السنة اللي فاتت حيختبروا في الأسبوع اللي يسبق الدراسة السنة الجاية ( دور ثاني ) اذا عدا بأي درجة يسجلوها له 60 اذا رسب يعيدها السنة اللي بعدها

أذا كانت مجموع ساعات المواد اللي رسبها بعد الدور الثاني أكثر من 7 ساعات يعيد السنة كاملة اذا 7 أو أقل يشيلها معاه للسنة اللي بعدها

ان شاء الله ما تستفيد من المعلومة الأخيرة :)

[Majed7]

المشاركة الأصلية كتبت بواسطة واثق الخطا أذا كانت مجموع ساعات المواد اللي رسبها بعد الدور الثاني أكثر من 7 ساعات يعيد السنة كاملة اذا 7 أو أقل يشيلها معاه للسنة اللي بعدها ان شاء الله ما تستفيد من المعلومة الأخيرة :)

كم معدل الطلبة الراسبين - خاصة إن الكلية تضم خيرة طلاب الجامعه - ؟

وهلـ الرسوب بسبب صعوبة المواد .. أم قلة الاهتمام ؟


طبعا بس أستفسر إن شاء الله تكون درجاتنا مرتفعه وما نضطر ندخل في هالتفاصيل .. لكن عشان ناخذ نظرة مبدئية :)

[د.مشبب]

شكراً جزيلاً لك د.واثق الخطا ..

[واثق الخطا]

المشاركة الأصلية كتبت بواسطة Majed7 كم معدل الطلبة الراسبين - خاصة إن الكلية تضم خيرة طلاب الجامعه - ؟ وهلـ الرسوب بسبب صعوبة المواد .. أم قلة الاهتمام ؟ طبعا بس أستفسر إن شاء الله تكون درجاتنا مرتفعه وما نضطر ندخل في هالتفاصيل .. لكن عشان ناخذ نظرة مبدئية :)

نسبة الراسبين تختلف من مادة لمادة (تتراوح ما بين 0-30 %)

الرسوب غالبا بسبب اهمال (غياب عن محاضرات - مافي مراجعة - مذاكرة قبل الإختبار بيوم يومين - الإعتماد على ملخصات غير معتمدة أو MCQs )
نادرا يكون السبب صعوبة المادة لأن غير نجح فيها ,وفيه شباب تحصل لهم ظروف معينة تمنعهم من اداء الإختبارات

[FrfoSha]

المشاركة الأصلية كتبت بواسطة No_0ne سؤال بالنسبه للسكربات <<< ظفشت العالم بيها p: بالنسبه للبنات الاوان محدده خلاص لكل تخصص و الا في احتماليه انها تتغير ؟؟؟ و بعدين متى هو الوقت الانسب نشتريها ؟؟؟ قد قالو لي انتظر الين قبل الدراسه بكم يوم لان بعض المحلات تسوي عروض و ناس تقول لا اشتريها من الحين احسن قبل الزحما :( و اخيران المقابله هل نحن مطالبين بالبسها و الا عادي نيجي باي لبس ؟؟؟ <<< و شكرا :)

آهلا ,, الوان السكربات عند البنات ثابته لكل تخصص .. احنـآ

Royal Blue - أزرق ملكي

و الله شوفي انا السنة اللي فاتت اشتريتها حتى قبل رمضان .. يعني براحتك اشتريها وقت ماتبغي بس اذا كان مقاسك شآئع " يعني من XS-M " فدوري عليه من دحين احسن .. لانو في مقاسات تخلص بسرعه رهييييييبه

و على المقابله ما اظن انكم " ملزمين " بلبس السكرب .. لانو اول يوم لكم في الكليه اصلا .. بس ع الاقل روحي باللاب كوت و لبس محترم عشان تبيني كذا انك مهتمه بالكليه

[دعو]

ممكن ياجماعه أستفسار ^_^

لمن حضرت الدوره حقت الطب قالوا انو في ماده وحده لها اربع كتب !!!

بصراحه نسيت إيش دي الماده ممكن احد يقولي أيش الماده هذي ودحين اشتري الأربع كتب هذي كلها ولاكيف !!؟؟

وكمان دحين كل المواد اشتريلها كتب ولا البعض ؟؟

بصرااحه موضوع الكتب شوويه مجنني عشان في بنات قالولي انهم اشتروا كتب وماأستفادوا منها ...

[FrfoSha]

المشاركة الأصلية كتبت بواسطة دعو ممكن ياجماعه أستفسار ^_^ لمن حضرت الدوره حقت الطب قالوا انو في ماده وحده لها اربع كتب !!! بصراحه نسيت إيش دي الماده ممكن احد يقولي أيش الماده هذي ودحين اشتري الأربع كتب هذي كلها ولاكيف !!؟؟ وكمان دحين كل المواد اشتريلها كتب ولا البعض ؟؟ بصرااحه موضوع الكتب شوويه مجنني عشان في بنات قالولي انهم اشتروا كتب وماأستفادوا منها ...

اهلا دعو .. اكيد قصدك ع الاناتومي .. هيا اللي لها 4 كتب بس على فكرة ماندرسهم كلهم مرا وحدة يعني نخلص واحد نبدا في اللي بعدو و كل الكتب الاربعه احجامها صغيييييرة ماتتعدا ال50 صفحة للكتاب الواحد طبعا ^^

و الافضل انك تستني لبدايه السنة لمن يطلبوا منكم الدكاترة الكتب لانو في بعض المواد ما يطلبوا لها كتب اصلا .. لا تشتري شيء من دحين


* عن نفسي مافي كتاب اشتريته و لا استخدمته:)