تجمّـــــــــــــع طآلبآت المستوى الثآلث (انتسآب)..... الفصل الأول 2010 م

[my-nana]

ام غلا وعزوز نزليها علشان انتي ماتنسي اللي ذاكرتيه وكمان ممكن لو اخرتيها تتغير المناهج السنه الجايه وتتورطي بكتب اصعب وجديده تتعبي فيها
ايش هيا موادك ؟

[ام حمدان]

المشاركة الأصلية كتبت بواسطة my-nana ام غلا وعزوز نزليها علشان انتي ماتنسي اللي ذاكرتيه وكمان ممكن لو اخرتيها تتغير المناهج السنه الجايه وتتورطي بكتب اصعب وجديده تتعبي فيها ايش هيا موادك ؟

رايي من راي ماي نانا
خذيها الحين احسن لك
السنة الجاية خلاص المناهج بتتغير فأخلصي منها الحين ولانك اساساً ماراح تقدرين تدرسين شي ثاني غيرها لانها متطلبات فلو مادرستيها الحين ماراح تدرسين ليسننق2 وريدنق 2ورايتنق 2 فهمتي علي ضروري تخلصينهم الحين ولا تخافين انا متأكدة راح تجيبي فيها درجات مرة حلوة لانك خلاص عرفتي طريقة اسئلتهم فذي المواد بالاضافة الا انك سبق ودرستيها

توكلي على الله ونزليهم مع الثقافة ومادة حرة وعربي201 كمان اذا كنتي ماسبق واخذتية

شوفي بالنسبة للاستاذات خبرك مانقدر نعرفهم الا وقت الدورة فإذا عرفتي من استاذاتك ساعتها نقولك اذا هم كويسات ولا انقلي من عندهم بس بشكل عام استاذاتنا كويسين

الله يسهل عليك وتعدينهم بدرجات ممتازة يارب

[شاهندة]

ياعزيزتي يامامة حمدان لا تعتذري ..
انا طبعا مستوعبة اسباب قلقكن وخوفكن هذا اصلا طبيعي اما الخوف اللي انتقل لي كان مجرد تشويش وهذا لاني اصلا ماعندي فكرة عن المادة .. من ناحية اخرى كان له مسار ايجابي انو دفعني للاهتمام اكثر يعني البارحه انا رحت اشتريت الكتب علشان ابدأ بدري قبل كذا كنت اشتريها بعد شهرأو يزيد من بداية الترم.. ايضا جل ماأقلقني من خوفكن انكن مجتهدات فكنت اقول اذا هن على اجتهادهن واجهن كل هذا فماذا عني !..فانا من ناحية خفت ومن ناحية اخرى بدأت اعد عدة الاجتهاد .
يوم اختباركن لمادة الرايتنق كنت شايلة همكن واصابني قلق الام على ابنائها حين يتوجهون للامتحان كنت على نار حتى رأيت تعليقاتكن وارتحت ولهذا سئلت هل كان سهولة الامتحان حظ ام متوقع!؟
اسأل الله التوفيق لي ولكن

[ام حمدان]

مامة حمدان ها

عزيزتي شاهنده بصراحه احنا توقعنا فالرايتنق الاصعب وترى حتى المواضيع الي فالكتاب وتدربنا عليها رغم انها مو صعبة بس لو قسناها بمواضيع الاختبار فراح يكون الاختبار تافه يمكن يكون من حظنا ماادري بس هم فالاعوام السابقة كانوا يحطون 3 او 4 مواضيع وانتي تختارين من بينهم الاسهل لك ويكون 2 عالاقل من خارج الكتاب نهائياً وواحد عالاقل يشبة مواضيع الكتاب
لكن احنا ماعندنا الا موضوعين فقط مجبرة تعبرين عنهم عشان كذا كنا خايفين بس الحمدلله عديناه على خير عقبالكم ويارب بدرجات احلى مننا كمان

[شاهندة]

الله يسعدك ياميمة حمدان
فالكم التوفيق إن شاء الله بالقادم ...
تسلملي روحك الجميلة هذي ..وطولة بالك

[new student]

بنااااااات كيف حااالكم من زمااااان عنكم
شوووووووفو ايييش قررت








قررت احول تعليم عن بعد

شهادته احسن من الانتساااب
اييش رائيكم ؟؟؟

[إلهام]

المشاركة الأصلية كتبت بواسطة new student بنااااااات كيف حااالكم من زمااااان عنكم شوووووووفو ايييش قررت قررت احول تعليم عن بعد شهادته احسن من الانتساااب اييش رائيكم ؟؟؟

ممم صراحة ما أقدر أفيدك...
يعني في فرق في الشهادة بين التعليم عن بعد والانتساب ..أحسها نفس الشيء
///
إنتي استخيري وقرري ..
الانتساب له إيجابياته وسلبياته وبرضو التعليم عن بعد له إيجابياته وسلبياته
..
احنا اللي نقدر نقوله::الله يوفقك
وإن شاء الله تختاري الخيار الصح::
::::::::
موفقــــــــة

[new student]

المشاركة الأصلية كتبت بواسطة إلهام ممم صراحة ما أقدر أفيدك... يعني في فرق في الشهادة بين التعليم عن بعد والانتساب ..أحسها نفس الشيء /// إنتي استخيري وقرري .. الانتساب له إيجابياته وسلبياته وبرضو التعليم عن بعد له إيجابياته وسلبياته .. احنا اللي نقدر نقوله::الله يوفقك وإن شاء الله تختاري الخيار الصح:: :::::::: موفقــــــــة

الهام انا كنت زيك احسب مافي فرق بين الانتساب والتعليم عن بعد الا اكتشفت انه فيه فررررق كبييييير
التعليم عن بعد زييي الانتظام بالظبط بس تاخدي المحاضرات وانتي جالسه في البيت وشهادتها تعادل شهادة الانتظام مو زي الانتساب الي شهادته اي كلام حتي لما تجي تشتغلي يفضلو الانتظام والتعليم عن بعد ولو جيتي تقدمي علي بعثه الانتساب مافيه بعثات بعكس المنتظمين والتعليم عن بعد يعني مميزاته حلوه

علي حضور المحاضرات والمشاركات والاختبارات الدوريه ٤٠ درجه و٦٠ للنهائى
بعكس الانتساب الي ال ١٠٠ كلها للنهائي

والله انا اليوم وحده شجعتني وجلست بحثت عنه واخذت معلومات وحاشوف كيف طريقة التسجيل والله يختارلي الي فيه الخير ياااارب


وشكرا ياقمر علي مشاركتك وكلامك الحلو

[إلهام]

المشاركة الأصلية كتبت بواسطة new student الهام انا كنت زيك احسب مافي فرق بين الانتساب والتعليم عن بعد الا اكتشفت انه فيه فررررق كبييييير التعليم عن بعد زييي الانتظام بالظبط بس تاخدي المحاضرات وانتي جالسه في البيت وشهادتها تعادل شهادة الانتظام مو زي الانتساب الي شهادته اي كلام حتي لما تجي تشتغلي يفضلو الانتظام والتعليم عن بعد ولو جيتي تقدمي علي بعثه الانتساب مافيه بعثات بعكس المنتظمين والتعليم عن بعد يعني مميزاته حلوه علي حضور المحاضرات والمشاركات والاختبارات الدوريه ٤٠ درجه و٦٠ للنهائى بعكس الانتساب الي ال ١٠٠ كلها للنهائي والله انا اليوم وحده شجعتني وجلست بحثت عنه واخذت معلومات وحاشوف كيف طريقة التسجيل والله يختارلي الي فيه الخير ياااارب وشكرا ياقمر علي مشاركتك وكلامك الحلو

أوكي شهادة الانتظام =شهادة التعليم عن بعد
بس شهادة الانتساب أي كلام لا..لأنه في كثير معيدات في الجامعة كانوا انتساب
بس الفرق بينهم وبين غيرهم معدلاتهم عالية..
/////يعني طالبة الانتساب لما تجيب معدل عالي لها فرصة تتوظف مثل فرصة طالبة الانتظام

///////////////////////
u r welcome:::

[baba1]

كيفكم بنات إن شاء الله انكم طيبين
في احد زي سدد ونزل جدوله بس ايقونة الحذف والاضافة ماطلعت
متى طيب يحطوها لنا ؟؟