ll حياكم الله ..هنا للإجابه على أسئلتكم أحلى دفعه ll med 12

[بشائر الفرح =)]

المشاركة الأصلية كتبت بواسطة sara g جزاك الله الف خير ما قصرتي دكتورة بشاير كنت اقصد الاطلس grants .. وبالنسبة للأوائل انا انتظام وحابة اعرف هل عندنا نفس الموازي اوائل على الدفعه وكذا ؟والله يوفقك ويسعدك يارب لا تأخير ولا شيء

وإياكي يارب
آها ايوا هوا كمان حلو شفته ف مكتبة خوارزم اليوم :) ,
اممم ايوا أكيد في أوائل على الدفعه بس عادي وضعهم يعني مو زي الموازي اللي محتاجين يرفعون معدلاتهم للتحويل .. :)

اللهم آمين يارب أجمعين
والله يحيك دائماً :)
بالتوفيق

[virus7]

السلام عليكم
لو سمحتم ممكن رابط الفيس بوك لكلية الطب .. اعتقد اسمو الشئون التعلمية لكلية الطب او حاجة زي كذا مش فاكر بالضبط .. بس كنت قاعد ادور في الفيس بوك لين لمن وجعني راسي ومالقيتو :(

انا اصلا ابغا احمل جدول سنة ثانية طب .. اذا احد عندو الجدول ممكن يعطيني اياها او يعطيني رابط الفيس بوك :) وشكرا

[بشائر الفرح =)]

المشاركة الأصلية كتبت بواسطة virus7 السلام عليكم لو سمحتم ممكن رابط الفيس بوك لكلية الطب .. اعتقد اسمو الشئون التعلمية لكلية الطب او حاجة زي كذا مش فاكر بالضبط .. بس كنت قاعد ادور في الفيس بوك لين لمن وجعني راسي ومالقيتو :( انا اصلا ابغا احمل جدول سنة ثانية طب .. اذا احد عندو الجدول ممكن يعطيني اياها او يعطيني رابط الفيس بوك :) وشكرا

وعليكم السلام ورحمة الله

أهلاً بك

للأسف ممنوعه روابط الفيس بوك ع المنتدى .. بس إنت أكتب ف البحث الشؤون التعليميه شطر الطالبات أو العلاقات العامه بكلية الطب وفي صفحه ثالثه للكليه بأكملها بإسم كلية الطب جامعة الملك عبد العزيز ..

وبالنسبه للجدول فموجود ف هذا الموضوع
http://www.skaau.com/vb/showthread.php?t=605936

بالتوفيق يارب :)

[Dr.MEEM]

دكتورتنا الحلوة بشاير
خلصنا المقابله وبدا الجد :)
عندي استفسار بسيط حبيبتي انا كنت ابغى اشتري الكتب المهمه الي كتبتيها وكتبها بعض الاعضاء
لكن صحباتي نصحوني اشتري ايباد واحمل كل هذي الكتب عليه لانها تعتبر ك مرجع
وانو ممكن اشتري الكتب البسيطة زي كتب محمد داوود
واقنعوني ان الشيتات تكفي واذا احتجت معلومه ارجع لها من الايباد
انتي ايش رايك ؟ تحسين هذي الطريقة حلوة ؟ او ابطل من الايباد واشتري كل الكتب !
لاني بصراحه مرا محتارة اتمنى تساعديني لاني لسى مااعرف كيف اذاكر المواد ><

[بشائر الفرح =)]

المشاركة الأصلية كتبت بواسطة dr.meem دكتورتنا الحلوة بشاير خلصنا المقابله وبدا الجد :) عندي استفسار بسيط حبيبتي انا كنت ابغى اشتري الكتب المهمه الي كتبتيها وكتبها بعض الاعضاء لكن صحباتي نصحوني اشتري ايباد واحمل كل هذي الكتب عليه لانها تعتبر ك مرجع وانو ممكن اشتري الكتب البسيطة زي كتب محمد داوود واقنعوني ان الشيتات تكفي واذا احتجت معلومه ارجع لها من الايباد انتي ايش رايك ؟ تحسين هذي الطريقة حلوة ؟ او ابطل من الايباد واشتري كل الكتب ! لاني بصراحه مرا محتارة اتمنى تساعديني لاني لسى مااعرف كيف اذاكر المواد ><

أهلاً وسهلاً دكتوره مرام :)

هو صح الأيباد حيفيدك ف دراستك ويسهل لك أشياء كثيره .. بس برضوا في كتب لابد تكون بين يديك يعني عندك الترمنولوجي والإمبريو والأناتومي كتاب الفندمنتل اللي حتدرسوا منه إلى الحج تقريباً من فين حتحمليها ؟ مالها نسخ إلكترونيه هذا أولاً وثانياً الكتب هذي حتحتاجيها ف الكلاس وتكتبي تعليقاتك مع الدكتوره وف المذاكره كذلك فضروري تكون معك ..

لكن لو نظرنا للبايو والهستو هذي ممكن تستعيريها أو تحمليها لإن الشيتات تكفي لحد كبير
والفاونديشن مجموعة مواد ف كل ماده كم محاضره تذاكروها من الشيت نفسه ماتحتاج كتب معينه لإن أغلبها حتتوسعوا فيها ع الترم الثاني و سنه ثالثه ..

هذي نصيحتي ولا تشتتوا أنفسكم
أهم شيء تركزوا ف الكلاس
ترجعوا البيت تقرأو المحاضره
وبعدها تذاكروها مزبوط :)

الله يوفقكم ويسهلكم جميعاً :)

[maryam.n]

نفس سؤال د. مرام :) مررررررررررررررررة احتاج اجاااابة ؟؟

و بعدين مني عارفة من وين احمل الكتب الالكترونية :( ؟؟؟؟؟؟؟

[بشائر الفرح =)]

المشاركة الأصلية كتبت بواسطة maryam.n نفس سؤال د. مرام :) مررررررررررررررررة احتاج اجاااابة ؟؟ و بعدين مني عارفة من وين احمل الكتب الالكترونية :( ؟؟؟؟؟؟؟

تمت الإجابه :)

والكتب الإلكترونيه ممكن تروحي المكتبه المركزيه " مبنى 1 " وتطلبي الكتب اللي تحتاجيها من أستاذه حسناء تعطيك هيا pdf على usb .. وإنطططلقي :)

> كأسهل وأسرع طريقه للحصول ع الكتب :)

بالتوفيق يارب

[Najla.H]

متى بدأت الدراسة عندكم يعني اخدتوا محاضرات ؟,عشان انا بحول فهل يمديني اذاكر اللي فاتني؟

[هبه7383]

السلام عليكم أنا حمدلله أنقبلت طب موازي وحابة أعرف هل فية نسبه معينه لوجاب طالب الموازي اقل منها يطلع من الكليه ولا لا وحابة اعرف الفرق بين طالب الموازي والعادي

[بترولي مآكل هوآ]

المشاركة الأصلية كتبت بواسطة هبه7383 السلام عليكم أنا حمدلله أنقبلت طب موازي وحابة أعرف هل فية نسبه معينه لوجاب طالب الموازي اقل منها يطلع من الكليه ولا لا وحابة اعرف الفرق بين طالب الموازي والعادي

وعليكم السلام ورحمة الله،ألف مبروك القبول ..بالنسبة للموازي والإنتظام .. مافيه أي فرق بين الإثنين غير بالمكافأة،طالب الإنتظام ياخذ مكافأة، أما طالب الموازي ما ياخذ المكافأة.. فقطططططططططط ،وإذا عندك أيّ استفسارات يُفضل تحطينها بالموضوع هذا :http://www.skaau.com/vb/showthread.php?t=703922