قروووب (المستوى الرابع) كل ماحدث بلدورة موضوع متجدد

[راعي النايفة]

مساء الخير

شباب انا عندي مادة اللغة العربية 201

ابي مساعدتكم فيها هل احد عنده ملخصات او اسئلة للشباب اللي اختبروا الترم الماضي

يخليكم ربي ساعدوني في هالماده .

[الشوق الجارح]

تفضل اخوي راعي النايفه هاذاي بعض اسئله العربي 2 ..
واتوقع والله اعلم انه الاستاذه قالت الاسئله موحده بين البنين والبنات يعني مثل السمستر الاول ...


واذا فيه اختلاف اتمني الشباب يساعدونك ..

[رائد5555]

الحازم الله يعطيك العافيه
مشكور يا غالي

[راعي النايفة]

يعطيك العافيه اختي

الشوق الجارح والله يكثر من امثالك

[راعي النايفة]

شباب اللي درس مادة الاحصاء الاجتماعي

كيف هي المادة هل هي دسمة ولا كيف

لاني بجد جبت مدرس وجلس يفحط ماعرف بعض المسائل ويقول هذه مااراح تجيك في الامتحان

وخوفني مرة من هالمادة ويقول ماعليك مت خفش دنتا معاي وانا ابو عصام

ويقول كمان ماتخفش ده كلها على بعضها نظري يعني قلة فيها اسئلة رياضيه

قلت طيب وايش استفيد انا منك النظري راح اذاكره بوحدي قال لا في مسائل لابد من مدرس مثلي

وهو صدق ماعنده ماعند جدتي بس قال ايش اللي حدك على المر قال اللي امر منه

ماحصلت احد يدرسني يقولون كلهم خلاص فل الجدول زحمه عاد ربي طيحني في هالعله

الله يخارجني منه .

[رائد5555]

عز الله ابو عصام ما عنده سالفه من يوم ما قال مت تخفش اغسل يدك منه
دور لك واحد غيره انا حذفت هذي الماده وارتحت حتى افضى لها صح بعدين

[abo-yazad]

الله يوفقك يا راعي النايفه مع البيه ابو عصام....هههههه

ثق بنفسك وسوف تنجح بإذن الله...موفق خير

[رائد5555]

شباب انا نزلت عندي ماده الايوبيين والمماليك 332
كيف هذي الماده انا نزلتها على بالي انها علم الانسان العام والظاهر اني غلطت

[سواتش]

ياشباب تكفون هل فيه تحديد في الاحصاء الاجتماعي

وبعدين ياليت يصير فيه موضوع مستقل أحس ان الوضع مو مثل الترم اللي فات بصراحه رغم المجهود المبذوله من الاخوان جزاهم الله خير الجزاء الا أن العشوائيه وعدم التنسيق طاغيه ياليت الشباب يقودون الدفه بدل ابو سعد الله يذكره بالخير ويحطون موضوع مستقل للمراجعه والتذكير والتنبيه والتحديد لنتعاون فيما بيننا

ولكم تحياتي

[الحازم]

مادة الإحصـــاء 213

السبب في قلة المشاركات لهذه الماده هي ان الاغلبيه حاذفينها واظافو مكانها الاقناع
عموما ... هذه بعض الملخصات التي راح تستفيدون منها إن شاء الله
واغلبية الاسئلة راح تكون من النظري .. يعني ركز تمااام عالنظري وراح تنجح إن شاء الله