~| أخبــآر الحذف و الإضـآفة و تنظيم الجدآول لطَـآلبـآت الإنتسـآب|~

[ام حمدان]

المشاركة الأصلية كتبت بواسطة Rema99 بنات انا خايفه من " ايمان بوترعة" في مادة الدراما ماني عارفه اخدها ولا لا وخايفة من اسئلتها :( انا بصراحه ماجربتها إلا في ادب وماكانت قد كدا :/ والله محتارة ومادري ايش اسوي

لاتخافي احنا مثلك كنا متخوفين لكن بعض البنات طمنونا من ناحيتها ومتفائلين خير فيها
الله يسخرها لنا استخيري لو محتاره وربي يكتبلك الي فيه الخير

المشاركة الأصلية كتبت بواسطة ѕυрзя пıdσ درست لكن قدر الله و ماعديتها = ( الحمدلله على كل حال يالله و متى حينزلولنا مفردات المواد لاهما الي بيخلونا نحضر بدري ولا يبغونا نزاكر

الله يعوضك بالامتياز في المره القادمه

والمفردات اخروها مره الله يهديهم لكن إن شاء الله تنزل هالاسبوع الله كريم


fatima idrees\


والله معك حقك هو كثير لكن ايش نسوي لازم نخفف من المواد الي في المستويات الجايه مانبغى مواد الادب تتراكم علينا
وعالعموم احنا قلنا نجرب في المحاضرات لو عجبنا الوضع بناخذها ولو شفنا انه مافي وقت لها باجله وربك يسهل

هي المفردات لو تنزل بس بتنحل مشكلتنا ونعرف نقرر لكن مانقول غير الله يعين

[Groovy Girl]

الله يعافيكم بمين تنصحون من الاستاذات في اللغه العربيه
والثقافه الاسلاميه .

[nour al3mr]

^
اي استاذة للمواد العامة مامنها خوف ان شاء الله لان الاسئلة موحدة

[النجاح اسمي]

نور وام حمدان اي وحده ترد عادي كلكم عينين في راس

مممممم حذفولي شعبة مس ألاء باقي شادن وربي ببكي ليش كدا ؟؟؟؟؟؟

ايش تنصحوني اختار شادن واتوكل مع اني مو مقتنعه ؟؟؟

[Chanel]

النجاح اسمي انا اخترت الشعبة الفاضية لأني سمعت انه مس شادن تنجح عالحافة

[النجاح اسمي]

طيب لو طلعت اخس واردى من شادن والله المصيبه

s.m.w.. اي ايام هذي ؟؟؟

.S.T... والله حيروني معاد خلو لنا عقل

[Chanel]

المشاركة الأصلية كتبت بواسطة النجاح اسمي طيب لو طلعت اخس واردى من شادن والله المصيبه s.m.w.. اي ايام هذي ؟؟؟

هذي الأيام سبت واثنين واربعاء
والثانية احد وثلثاء

[النجاح اسمي]

جزاك الله خير ياااااااااارب واعانك على كل خير

[Chanel]

واياك يا قمر
على فكرة اضفت ثقافة وعربي وراح اضيف كمان مقدمة في العلوم لما تفتح ان شاء الله
وما بقي غير الكتب :(
الله ييسرها ويوفقنا جميعا

[النجاح اسمي]

شوفتي كتاب مقدمه في العلوم ؟؟؟