لأي إستفسار حول نظام التعليم عن بعد .. تفضل هنا

[خجلـ]

عفوا اخوي
يعني لازم اروح المدرسة اصدقها
واخليهم يحطوا الختم ع الشهادة
او اصور الشهاده واصدق الصورة مو الاصل ياليت توضح اكثر
وانا سجلت الطلب الحين
واعطوني رقم الطلب
يعني لازم ارسل الاوراق الحين
اسفه ع الاطاله
بس جد انا مو عارفه مين اسأل

[Jeddah_one]

تروحي المكتبة

تقولي

ياااااصديق

يقلك نعم؟

قوليله سوي صورة من هادا شهادة

طيب امي

يعطيكي الصورة

تروحي المدرسة او الوزارة ويكون معاكي الاصل

تقولي لو سمحتم ابغاكم تصدقولي على الصورة على انها طبق الاصل

على ايش؟

على الصووورة

الاصل مختم من يوم ماطلع مايحتاج شي زيادة

ان شاء الله واضح كدا

واذا عندك سؤال اسألي انا هنا عشان اساعدكم

موفقه

[خجلـ]

ههههههههههههههههههه

الصراحه شرح واضح ومفصل


حسستني
اني

جايه من الهند

عساك ع القوه

وربي ماقصرت
الله يسهل امورك زي مانت قاعد تسهل ع الناس(شحته محترمه)


طيب سؤال اخير
ارسلها الحين

[Jeddah_one]

تكرمي

الاوراق المطلوبة كاملة خلاص؟

[خجلـ]

تهئ تهئ
تقريبا بس باقي التصديق والصور

بس بعد ماقدمت الطلب
جاني رقم الطلب
ولمن اضغط ع المتابعه يقول
الرقم خاطئ اكتب الرقم كما هو مطلوب امامك
وين اكتبه
اصلا مافي اي خانه

[Jeddah_one]

ادخلي على تعديل او استعراض طلب سابق

بعدين رقم الطلب

وكلمة السر

واطبعي الاوراق كاملة مني متذكر كم ورقة بس حوالي 4 او 5 تنطبع اوتوماتيك

شوفي ايش توصلي له وقوليلي لما ارجع اشوف اش حصل معاكي

سلام عليكم

[خجلـ]

شاكرتلك مساعدتك

عن جد كنت تايهة وبحاجة مساعده
الف شكر

[Rawan.s]

ماشالله عليك ياجدة ون الله يوفقك
بس عندي سؤال عن التحويل للانتظام
لو جبت معدل عالي إن شاء الله اقدر احول انتظام بس مو في جامعة الملك عبد العزيز في جامعة ثانيه مو في جدة ؟

[Rawan.s]

انا رحت للمدرسه عشان اصدق الشهاده ما رضيولي يقولو ما نصدق
حسبي الله عليهم
وارسلت الاصليه
ومره شايله هم وخايفه اني لو ما انقبلت ما ادري من فين اجيب شهادتي بعدين

[حلم ماضي]

مساء الخير
تصديق الشهاده من مركز الاشراف التربوي قسم الرجال
المدارس هونت عن التصديق نظام قديم على قولتهم
الله يوفقكم جميعا ..