|| med13 .. حياكم الله هنا للإجابة عن كلما يراودكم ..~

[نص الملعب]

^^^
شكراً ربي يسعدك طمنتيني ♥♥♥
و على شورك نروح الشؤون أول يوم

[Aziz Bin Sadiq]

طيب ماعرف موعد مقابلتي ، مارسلوا رسالة !!
وكمان ادا احد من فرع الشمال من فين تشتري الكتب او المراجع ؟

[عاشقة التحدي]

حبايبي العلوم الطبية الأساسية يدرسوا مع نفس طالبات الطب في نفس الكلاس ما عدا الثقافة والعربي
نصيحة مني روحو اول يوم اللقاء التعريفي وهما راح يقولو لكم كلل شي واي شي تبغو تستفسروا عنو تقدروا تسألوهم
_____________
اخوي ما دام ما ارسلو لك رسالة روح بكرا اول يوم وشوف
احنا العام في اللقاء التعريفي نادو على اسماء الطالبات اللي مقابلتهم اول يوم
فاحتمال انتو الاولاد نفس النظام

[Dr.AboReda511]

المشاركة الأصلية كتبت بواسطة miss dreamer - جربت الجاهز والتفصيل والصراحة مافي زي التفصيل في اللابكوت .. تختارين جودة القماش والمقاسات تجي مزبوطة .. بالنسبة للطول احس انسب شى تحت الركبة بشويتين .. تفصيل أفضل شئ من السعدون للزي الموحد .. - bls = basic life support الإسعافات الأولية cpr = cardio pulmonary resuscitation الإنعاش القلبي الرئوي وهيَ شهادتين مطلوبة في مادة " أساسيات الطوارئ " تاخذونها نهاية سنة ثانية .. كل شهادة عليها 50 درجة .. بالتوفيق ..

اول مرة أسمع بهدا الكلام طيب كيف أخد الدورتين هدي وفين وهل هيا بفلوس او مجانية
في تيتش مي ميديسن ما قالولنا عليها الشباب
طيب هل من الأفضل إني أخد هدي الدورات او اني ما اخدها وادرس امرجنسي

[Dr.AboReda511]

بالنسبة لأماكن شراء اللابكوت والسكرب
في في شارع خالد بن الوليد محلات كثير
وفي كمان في حي الجامعة قدام الجامعة مول في محلات كثير وفي في حي الثغر بجانب مستشفى المستقبل أمام مدارس الثغر محلات كثير تبيع هدي الأشياء

[Dr.AboReda511]

ي شباب Med13
بالنسبة للسكرب مو ضروري وعادي تلبس أي لون بس الافضل والي كثير يلبسوه هو اللون السماوي الملكي
واول يومين في الجدول حقت المقابلة الشخصية تكون بالعربي او بالانقلش على حسب الدكتور الي أمامك
وانا كلمت الشؤون الطلابية للكية حقتنا قالو تعال بزي لائق
وشكرا

[عاشقة التحدي]

الدورتين هذي لازم تاخذها واصلا مافي دراسة لموديول الامرجنسي
بشهادة الدورتين تعتبر ناجح
والدورتين بفلوس
وكيف تاخذوها >> لازم احد يرتب مع المستشفيات بحيث انكم تروحو كمجموعات
وبالنسبة للأماكن احنا كانت دورة الإنعاش القلبي الرئوي في مستشفيات محددة حددتها الكلية
اما الاسعافات الاولية فقالو من اي مستشفى ما يفرق
وهذا اولاً واخيراً يرجع لكليتكم
ولسى بدري عليها لا تستعجل

[Amal Bakhsh]

اليوم اعطونا اوراق فيها المواد وقالولنا ندخل الاودس ونسجلها بس لمن دخلت دوبي يقول "غير مسموح بهذا الوقت" يعني متى نسجلها؟

[Amal Bakhsh]

وكمان لازم نداوم الايام اللي بعد الارشادي؟؟ حناخد محاضرات اول اسبوع ولا؟

[Miss Dreamer]

المشاركة الأصلية كتبت بواسطة amal bakhsh اليوم اعطونا اوراق فيها المواد وقالولنا ندخل الاودس ونسجلها بس لمن دخلت دوبي يقول "غير مسموح بهذا الوقت" يعني متى نسجلها؟

بالنسبة لتسجيل المواد، هذه أول سنة نقوم بها ..
فنتتظر خلال ذي اليومين عبال مايفتحوه واكيد بيبلغونا وقتها ..

المشاركة الأصلية كتبت بواسطة amal bakhsh وكمان لازم نداوم الايام اللي بعد الارشادي؟؟ حناخد محاضرات اول اسبوع ولا؟

أيوة، طبعاً تداوموا
تتعرفوا عالدكاترة وبتاخذوا محاضرات خفيفة على أول إسبوع ..

بالتوفيق