تجمع طلاب كليه الهندسه برابغ

[أحمد السقاف]

الفروع شهادتها غير معتمدة زي الرئيسي هذا كلام عميد فرع عسفان

فأكيد فرع رابغ نفس الهرجة

[جدااوي كوول]

ياحبايبي قصدهم على الاعتماد الاكاديمي يعني الاعتماد الاكاديمي له شروط مهمه يعني لازم تكون في دفع متخرجه قبلك وزي كذا ولاكن الكليتين معترف بها ولاتخلطوا الاعتراف بالاعتماد
وبالتوفيق

[أبو عابد 2009]

^^


طيب اخوي ايش الفرق بين الاعتراف والاعتماد .. ؟؟

،،

وهل برايك الشهادة في جامعتي عسفان ورابغ تعتبر قوية ؟



أخوكم من جامعة عسفان :)

[أحمد السقاف]

صراحة اعتقد انه حتى الجامعة مهي عارفة هل الفروع معترفة ولا لا ؟

اهم شي انه لما اتخرج يكون اسم الجامعة الملك عبد العزيز ما تكون جامعة رابغ فين اصرفها دي ؟

ولا جامعة عسفان

الله يعين

[جدااوي كوول]

الاعتراف ياحبيبي يعني انو معترف بها ككليه في جامعه الملك عبدالعزيز
الاعتماد الاكاديمي هوا انو يكون للكيه شروط خاصه من اهمها انو في دفع قد تم تخريجها من قبل ويكون شروط خاصه في بعض المواد وعلى فكره ترا اغلب كليات الهندسه في المملكه غير معتمده اكاديميا لاكن معترف بها
وقد يفيدكم بعض اللدكاتره عن هذا الموضوع بشكل اكبر

[جدااوي كوول]

ياشباب اللى مستجدين ياليت كل واحد يكتب التخصص اللى نفسه يدخله وايش الاسباب؟؟

[d7oomy]

هندسة صناعية مدري ليييه من تلات سنوات اخوي قلي عنه
وبعدها دخل مزاجي هذا التخصص

[جدااوي كوول]

تخصص الصناعيه جدا جدا ممتاز ومن احلى التخصصات خصوصا اذا كان عندك لغه كويسه حتستمتع بذا التخصص
طبعا رئيس القسم في رابغ الدكتور عدنان حسن ماليزي جدا ممتاز ومحاضراته حلوه وربي يوفق الجميع

[أحمد السقاف]

انا ناوي الميكانكية إن شاء الله

واعتقد داخلها يكون تخصص الإنتاج لكن في رابغ مو مكتوب بس المواد نفسها مواد الإنتاج

[جدااوي كوول]

المشاركة الأصلية كتبت بواسطة أحمد السقاف انا ناوي الميكانكية إن شاء الله واعتقد داخلها يكون تخصص الإنتاج لكن في رابغ مو مكتوب بس المواد نفسها مواد الإنتاج

في رابغ في الكهربائيه مافي الا بور
وفي الميكانيكيه مافي الا انتاج وجاري العمل على فتح تخصصات اخرى في كل الاقسام بالتوفيق للجميع