جميع آلإستفسآرآت هنآ..~

[الله ييسر]

السلام عليكم ورحمة الله

بنات أمسي عليكم بالخير جميعا، أنا أبغى أدخل قسم الرسم والفنون وعندي كم سؤال شاغليني ياليت يابنات تجاوبوني

1/ أنا هدا القسم عمري مافكرت فيه بس سبحان الله الفترة الاخيرة لقيت عندي ميول كبير لهدا التخصص وسرت أحب الاشغال اليدوية او اي حاجة عملية فيها تطبيق مو بس استماع وحفظ،
فابغى اسالكم هل القسم حلو وممتع خاصة اني مو مرة فالحة في الرسم

2/الشي التاني كم المعدل في التحضيري عشان انقبل وهل في اختبار عشان ادخل القسم وكيف يكون

3/انا سمعت انو بنات التحضيري يداومو الين 4 العصر هل دا الشي صحيح وهل في الكلية نفس النظام او يخلصوا بدري زي دوام المدارس

4/هل القسم موجود في السليمانية ولا بس في فرع الرحاب

5/انا سمعت انو قسم مكلف بس قد ايش حصرف في الشهر تقريبا

6/اش هو المستقبل الوظيفي لهدا القسم وهل حقدر اعمل شغل خاص فيني

سامحوووني طولت بس انا عن جد محتاجة تجاوبوني ماتتصوروا قد ايش متحمسة اني حدخل قسم ابغاه الله ييسرلي وييسرلكم، وبالتوفيق للجميع .

[Traneem Alamal]

السلام عليكم حابه استفسر عن التخصص للي يخلص التحضيري نص العام هل يمديه يتخصص تصميم داخلي من الترم الثاني ولا هذا من التخصصات اللي تكون من بدايه العام

[إبتسآمه أمل]

وعليكم السلام ورحمة الله وبركاته ؛
سعدوشه أعتذر في إفادتي لكِ أخطأت ؛

http://www.skaau.com/vb/showthread.p...80#post6040380

3/انا سمعت انو بنات التحضيري يداومو الين 4 العصر هل دا الشي صحيح وهل في الكلية نفس النظام او يخلصوا بدري زي دوام المدارس 4/هل القسم موجود في السليمانية ولا بس في فرع الرحاب

التصميم الداخلي هناك استوديوهات إلى الساعة الخامسة عصراً
وذلك في التخصص وليس في السنة التحضيرية
القسم موجود فقط في كلية التصاميم والفنون فرع الرحاب
"أعتذر عن بقية الاستفسارات لا أستطيع الإجابة عليها لأنها ليست من ضمن تخصصي"

السلام عليكم حابه استفسر عن التخصص للي يخلص التحضيري نص العام هل يمديه يتخصص تصميم داخلي من الترم الثاني ولا هذا من التخصصات اللي تكون من بدايه العام

وعليكِ السلام ورحمة الله وبركاته ؛
التصميم الداخلي القبول فيه سنوياً وليس بداية كل فصل ~

بِ التوفيق لِ الجميع ,,

[Traneem Alamal]

ابتسامة امل جزاكي الله خير عالرد يعني قصدك بعد التحضيري لو هو يخلص في نص السنه انتظر ترم عشان اتخصص ولا مو مسموح

[إبتسآمه أمل]

إللي أعرفهم سجلوا بِ تخصصات غير التصميم الداخلي وأخذوا مواد عامة أو حرة بِ الترم
ومع بداية السنة حولوا تصميم داخلي
وجزاك مثله من الخير يَ ترانيم الأمل ~
بِ التوفيق ,,

[سيد جبنة]

ابغا اعرف اسم عميده قسم الرسم والفنون او اسم لوكيله ??

[نونيشي]

السلام عليكم..
حابه اعرف ايش المواد اللي في الكليه نازله صيفي ذا الترم؟

[نونيشي]

بنات الله يسعدكم حابه اعرف اليوم عن المواد الصيفيه في كليه التصاميم والفنون عشان بقدم طالب زائر للترم الصيفي

[somiahH]

السلام عليكم
عندي كذا استفسار واتمنى تجاوبوني عليهم
انا دحين خلصت التحضيري مسار ادبي وسويت التسكين ودحين قفل وفي خيارات التسكين حطيت كلية التصاميم والفنون سادس رغبة
وما كنت عارفه انو تخصص تصميم داخلي فيها وانا مرا حابه التخصص هذا
بعرف اذا اقدر دحين بعد ما قفل التسكين اروح للجامعة واعدل ترتيب الرغبات او بداية السنة !
لان خايفه يحطوني في كلية ثانية انا ما ابغاها وبعدين لازم ادرس فيها وبعدها انقل :(
انا قريت مواضيع كلها تقريبا قبل سنة وحابه اتأكد انا معدلي 3.82 هل انقبل فيها ولا لازم اختبار قبول ! وابغا اعرف كمان اذا اختبار القبول لكل البنات ولا بس للي معدلاتهم اقل من 3 !
وكمان بداية الترم الجاي ان شاء الله بعد ما ارتب وضعي في التخصص حابه اعتذر لظروف خاصة عن الترم للترم الي بعدو ، هل اقدر ولا لازم ادرس اول ترم !
اتمنى تكونو فهمتو عليا وتجاوبو على استفساري :)

[جامعيه ~]

السلام عليكم
انا بعد تنائج التسكين في السنة التحضيرية طلع لي عند كلية الفنون والتصاميم ( حققت رغبة الطالب ) هل هذا معناه اني انقبلت في الكلية ؟
ولو انقبلت متي اقدر اختار القسم او التخصص انا ابغي تصميم داخلي
اتمني تفيدوني