طالبات بحث وتدريب خديجة ضباب

[الهنوفــ]

والله انا ياننوووونه انا جبت الكتب من مراجع الالكترونيه مشيت ع هدددا

التقرير يتكون من:.
الفصل الاول
( المقدمة صفحة كاملة لوحدها- المشكلة على شكل سؤال- اهمية التقرير- اهداف التقرير نقاط- نبذة عن مكان التقرير)
الفصل الثاني
( جانب نظري يعني نظريات انواع .)
الفصل الثالث
( البدائل " الحلول المقترحة وعيوب ومزايا كل بديل والبديل المناسب" - النتائج نقاط- التوصيات نقاط)
واخيرا قائمة المراجع

هدا الي كتبتلي اياااه قالت زي كدا الفهرس يكووون
هدا الي طلبتو مني

[نووونه]

ماتقصرين هنوف طيب ماقالت لك شي عن المراجع الالكترونيه المصيبه انا ماتنطبع المراجع عباره عن بحوث مشفره

بعدين قالت لك لي كيفك انا اخترت اني اسوي جديد خفت انها تحاسبني على المراجع ايش رايك انت

[miss memaa]

خلصت الحمدلله
بس كأنو ماعجبتها شغلات اول شي
قالتي صفحة الغلاف تحت شعار الجامعه ليش كاتبه اول شي المملكه العربيه السعوديه مفروض بس تبدأي بجامعة الملك عبدالعزيز
ثاني شي قالت صفحة الغلاف كمان اللون اسود مو ملون وانا بس لونت العنوان
الموهيم بالتذييل المراجع تبغى بالتفصيل رقم الصفحه وكذا
و المناقشه كانت بمكتبها جلستني بالكرسي اللي قدامها واخذت تقريري واخذت السي دي اللي فيه الباوربوينت وشغلتو وقالت يلا اتكلمي اتكلم من اللي فاكرتو ماخلتني اشوف اقل شي الباوربوينت علشان افتكر العناوين اقل شي وبس

[رائحة الصباح]

السلام عليكم والرحمه

أول حاجة, الحمد لله على سلامتي, سلمت التقرير وناقشته وخلصت من البحث والتدريب باذن الله.

ثانياً: بالنسبة للتقرير,
1. الصفحة الأول (العنوان) تكرريها مرتين + الشكر و الإهداء بالترتيب
2. الفهرس: على شكل جدول قسميه ثلاث فصول:
الفصل الاول: مقدمه+ المشكلة+ اهمية التقرير+ أهداف التقرير
الفصل الثاني: الجزء النظري (يتعلق بموضوع البحث), مع تفصيل العناوين( تعاريف, مفهوم,
اهمية, عوامل مؤثرة ...... )
الفصل الثالث: البدائل+ البديل المناسب+ آليات التنفيذ (إدارية+ وظيفه+ مالية, طبعاً تقصد ميزانية بالمالية) + نتائج+
توصيات+ خاتمه+ المراجع( لابد تكتبينها بحسب الأبجدية).
3. لابد تكون العناوين مفصلة ومحددة ارقام الصفحات في صفحة الفهرس
4. لا تنسين الحواشي في آخر كل صفحة
5. المراجع صوري الصفحات اللي اقتبستي منها ودبسيها مع بعض لوحدها مفصولة عن التقرير.

بالنسبة للبوربوينت:
اكتبي كل حاجة تتعلق في بحثك , لانها بتناقشك في اي نقطة مذكورة في التقرير ومو مكتوبه في البوربوينت, وبتسألك ليش ما كتبتيها في البوربوينت.

بالنسبة للتقيم :
اللي استلمت تقييمها من مكان التدريب بدون ظرف مغلق تشتري واحد وتخلي التقييم فيه وتقفله( سلميها التقييم في مغلف مغلق)

اما المناقشة:
اول حاجة اخذت التقرير والبوربوينت والتقييم والمراجع
شغلت العرض وفتحت التقرير وخلتني اتكلم عن تقريري بشكل عام
ناقشت في بعض النقاط ( الجزء النظري, والبدائل, والنتائج والتوصيات طلبت اتكلم عن نقطة في كل وحده منهم)
طبعاً ناقشت في نقاط والسبب عدم وضوح المعنى او المفهوم المقصود منها.

تقريباً نصف ساعة المناقشة

واهم حاجة لا تبينين لها انك مو فاهمة, بالعكس وضحي لها المعنى اللي انتي تقصديه من كل نقطة هي تقولك انها مو واضحه.

والحقيقة, ما اعرف شنو اقول اكثر من كذا لاني احس هذا اهم شي صار اليوم
طبعاً فيه بنات طلبت منهم تغيير العنوان وكتابة التقرير من جديد

لكن نصيحه, اتكلوا على رب العباد وهو اللي راح ييسرها لكم باذن الله
على قد ما كنت شايله همّ هالمادة, على قد ما انا مرتاحه من التقرير اللي عملته
وإذا محتاجين اي حاجة, انا موجودة

فالكم a+ باذن الرحمن

مس ميما انتي رقم كم بالمناقشه, ترتيبك بين البنات اللي ناقشوها اليوم.

[همس الغلا]

اهليين مس ميما الحمدلله ارتحتي هم ونزاااح مبرووك التخرج مقدما عقبالي ياارب بكراا ارتاااح من هالهم..

[همس الغلا]

الحمدلله عاسلامتك يارائحة الصباااح االله يوفقك هم ونزااح ... الله يستر المناقشة كل وحدة لوحدها .؟ دعواااتكم بناااات
مبرووك التخرررج مقدماااا الله يسعدك,,,

[نووونه]

ماشاء الله تبارك الله الحمد لله تخلصتو مبروك مقدما عقبال باقي المواد ونفرح فيكم


رائحه الصباح حبيبتي بحثك كم صفحه كان ؟؟

واليات التنفيذ كيف اداريا ووظيفيا وكم صفحه تقريبا خليتها بالنسبه لاليات التفيذ سوري ازعجتك ياحبي

[miss memaa]

انا الأموره اللي دخلت أول وحده :$
لما دخلت كان فيه اربعه بنات جالسين قدام غرفتهآ

[أم شهوده]

رائحه الصباح

الله يسعدك ومبروووك وعقبالي ان شاء الله

انا مناقشتي يووم الاحد

بس بسألك انا العرض حقي سويت لكل عنوان شريحه عادي لانو اللي فهمتو انها ماتحب الكلام الكثير.. شي مختصر يعني

مرررره خايفه من المناقشششششششه

طمنيني الله يفرحك بالجنة

[رائحة الصباح]

السلام عليكم و الرحمه

امين يارب وعقبال الجميع ان شاء الله ال a+

انا بحثي كان 21 صفحه
والعرض كان مختصر لكن ما عجبها الاختصار ، على كلامها كل عنوان له شريحه او اكثر
يعني اكتبي في العرض نفس اللي بالتقرير

ومس ميما، عرفتك، انا ما كنت معاهم بس سمعتك تتكلمي عن المناقشه

ويابنات، بجد الموضوع اسهل من كذا
اذا خلصتوا من عندها بتضكون على نفسكم