الاستفسار عن مسار الفسيولوجي او الاجنه بالنسبه لعل

[سعاد ناعم]

السلام عليكم ورحمة الله وبركاته
كيفكم يابنات والله إني مرة مبسوطه من هذه الأخوه بينكم أسأل الله أن ألتحق بكم يوما من الأيام
أنا متوظفة معيدة في جامعة الملك خالد قسم تقنية مختبرات طبية قدمت لدراسة الماستر في جامعة الملك خالد وجامعة الملك عبد العزيز ولله الحمد جاني قبول في كلا الجامعتين بالرغم إني تعبت كثير في المذاكرة لجامعة الملك عبدالعزيز سواء للتوفل أو لإختبار القبول
اخترت الدراسة في جامعة الملك خالد نظرا لقربها من منزلي وأهلي بالرغم إني كنت أتمنى أن أدرس في جامعة الملك عبدالعزيز (مسار وراثة)
بعد القبول انخطبت لشخص يسكن في جدة فرحت لأني بإذن الله لي أمل إني أحول
لكن في هاجسي هل أستطيع أن أحول عندكم علما بأن الماستر عندنا عام وندرس خمسة عشر مادة في ثلاث مستويات
(يعني عندما أحول يكون قد أكملت بإذن الله عشر مواد وهي الإحصاء الحيوي& البيولوجيا الجزيئية والخلوية& علم البيئة المتقدم& أسس تصنيف متقدم& علم الميكروبيولوجيا المتقدم& التصميم التجريبي& تقانات بيولوجية&
علم الوراثة المتقدم& دراسات حقلية & العمليات الحيوية في النبات والحيوان
فهل عندما أنهي هذه المواد تعمل لي جامعة الملك عبد العزيز معادلة لبعض المواد بالرغم إن أكثرها متعلقة بالوراثة
الله يسعدها ويفرج كربها إللي تقدر تساعدني في الرد لإني والله متوترة وأمنيتي إني أكمل عندكم
وهل تعرفون بنات حولوا من جامعة الملك خالد عندكم لدراسة الماستر؟

[امونه -(لولو سابقا)]

اعتقد نعم ماشاء الله عليك تخصصنا ما ندرس إلا خمسة مواد إجبارية وانا إن شاء الله مسار وراثة ..وإن شاء الله اسألك يوم السبت في الجامعة كذا افضل للجميع اعطيك الخبر الاكيد وما الإجراءات الواجب تنفيذها بالنسبة لوضعك .
ومبارك عليك الوظيفة والماجستير والخطيب ربي يصلح لك هو وييسر لك امرك ويفرح قلبك .
على فكرة انا ماجستير وراثة ..ويارب ربي يسخرلك كل خير.. ومرحبا بك معنا .

[ابتسامة دمعة]

السلام عليكم ورحمة الله ..
كيفكم يابنات ياحلوين ... يارب تكونوا بصحه وعافيه وسلامه ...
بحكيم حكاية حلوة اليوم ......... اليوم رحت للجامعة الموقرة وطبعا مشاوير*مشاوير بس كانت اسهل من يوم السبت واخف ( فرحانه انها عرفت الطريق الى بوابة كلية العلوم )المهم انتظرنا الاستاذه هنادي وجات على 9:45 والحمدلله كانت جدا متعاونه .. على فكرة انا ماعندي اي مشكلة الحمدلله في التسجيل لكن رحت مع صاحبتي عندها مشكلة القبول المشروط ..
طبعا البنات اللي متل كدا سووا اضافة المواد يدويا وسلموها لعمادة الدراسات العليا وقالوا لها انو المشكلة ماانضافت المواد لهم بالاودس ..
قالت لهم بإذن الله تنضاف ولاتشيلوا هم .. والشعب اللي قفلت ولسا في طالبات مااضافوا المواد بنفتح شعبة تانيه ومافي اي مشكلة من ناحية حضورهم للمحاضرات يعني مو شرط يحضروا مع الشعب الاولى لان الشعبة اللي بينضافوا لها حيكون لها استاذ غير احتمال كبير وحيبداوا معاه بشكل طبيعي ..
هذا من ناحية البنات اللي عندهم مشاكل في اضافة المواد ..
قالت كمان انو موعد المحاضرة الاولى واللي كانت بتبدا 9:30 حيتغير الى 11 وتسير المحاضرتين ورا بعض
..
قالت روحوا للدكتورة نعمات واسالوها عن مكان محاضرتها وطبعا اختكم ابتسامة لفت الادوار الثلاثه لمبنى العلوم عشان تلاقي مكتب الدكتورة وبالنهاية المؤلمة وصلت لمكتبها لكنها غير موجوده ( بجد تحطيم)
وحلو يا امونه انك سالتيها وعرفتي المبنى ربي يسعدك ويحميك ..
الاستاذه هنادي قالت بكرة ان شاء الله بننزل لكم اعلان بمواعيد المحاضرات واماكنها تعالوا شوفها لكن للاسف مابروح انا بكرة ياليت اللي تروح تخبرنا كل شي..
واخيرا وليس اخرا سؤال مهم جدا للي درسوا تقنية المجهر الإلكتروني او عندهم خلفية يردوا علي ..
فين ندرس المادة هدي يقولوا بمبنى 25 مدري 125 وكيف نروح للمبنى هدا هل في باصات داخل الجامعة توصل الطالبات والا احنا بانفسنا نروح له ياليت تدونا معلومه مفصله وشكرا لكم
وفقكن الله ورعاكن ..

[امونه -(لولو سابقا)]

خمسة مواد بأول سنة وبعد كذا سنتين او ثلاث حسب المسار الي اخترتيه وحسب توفر الدكاترة الي يدرسوا التخصص ..
وسنة للرسالة ..هذا حسب الي اعرفه وانا لسه بأول ترم في الماجستير احياء وراثة والله ييسر لنا كل خير .
وليس سنة كما هو الحال بجامعة الملك خالد لو دريت كنت فريرة هناك ولكن الحمد لله على كل حال ..جامعة الملك عبدالعزيز احلى (يارب) .
عن نفسي احب اعيش بالتفاؤل .

[امونه -(لولو سابقا)]

إبتسامة دمعة المحاضرتين بنفس المكان الي قلته الي هو الدور الثالث معمل رقم 08 من مبنى كلية العلوم ونفضل فيه المحاضرة الاولى للاحصاء وبعده المواضيع ما ادري عاد بالشبكة ولا لا ؟؟

[سعاد ناعم]

تسلمين امونه على الرد حبيت أوضح لك الماستر في جامعة الملك خالد لازم تدرسين خمسة عشر مادة
إجباري في ثلاث مستويات خمس في كل مستوى
ثم الرساله كل وحده وشطارتها طبعا المسارات التي يتم فيها كتابة الرسالة محددة من الجامعة وطريقة الدراسة واجبات واختبارين فصلية واختبار نهائي لجميع المواد وكلها نظري (مافيه عملي) وأنا مجال وظيفتي كله عملي أما المواد العشر التي ذكرتها سابقا هذي المواد التي سوف أدرسها إن شاء الله هذه السنه وكما لاحظتي ( الإحصاء الحيوي& البيولوجيا الجزيئية والخلوية& تقانات بيولوجية& علم الوراثة المتقدم ) متعلقة كثير بمسار الوراثة عندكم أن شاء الله إنهم يعادلونها لي مع المواد اللي تدرسونها من شأن تخفف علي من عدد السنوات.
الله يسعدك لاتنسين تسألين وتردين علي لأني أجلت زواجي سنه من شأن ماأكون بعيده عن زوجي
إن شاء الله أكون وحدة من قروبكم عاجلاً غير آجل

[امونه -(لولو سابقا)]

خلاص ان شاء الله ما انسى واسألك في الجامعة ...والله يوفقك يا عسل ويسخر لك زوجك يارب .
بس اسألك كم سؤال على اساس لمن اسأل لك في الجامعة يكون الجميع على بينة.. اسم تخصصك في الماجستير ايه ؟؟ يعني مثلا انا اول مستوى لكن اسمي ماجستير وراثة ..وكم سنة درست في الماجستير ,وتخصصك في البكالوريس..اذكريه لي ..وياليت تزويدني بوسيلة إتصال بك(ترسليه عالخاص) على اساس لو استفسروا عن شيء يخصك اتصل بك على طول واسألك لان مش كل يوم اروح الجامعة بس يومين بالاسبوع ...ومبنى العمادة (الي راح اسأل فيه عن وضعك إن شاء الله )بعيد عن مبنى العلوم وانا اضيع كثير في الجامعة ..فاروح مرة واحدة اسأل لك فهمت ..
وإن شاء الله تحصلي الي يرضيك يارب .

[صاحبة الوفاء والاحساس]

المشاركة الأصلية كتبت بواسطة سعاد ناعم السلام عليكم ورحمة الله وبركاته كيفكم يابنات والله إني مرة مبسوطه من هذه الأخوه بينكم أسأل الله أن ألتحق بكم يوما من الأيام أنا متوظفة معيدة في جامعة الملك خالد قسم تقنية مختبرات طبية قدمت لدراسة الماستر في جامعة الملك خالد وجامعة الملك عبد العزيز ولله الحمد جاني قبول في كلا الجامعتين بالرغم إني تعبت كثير في المذاكرة لجامعة الملك عبدالعزيز سواء للتوفل أو لإختبار القبول اخترت الدراسة في جامعة الملك خالد نظرا لقربها من منزلي وأهلي بالرغم إني كنت أتمنى أن أدرس في جامعة الملك عبدالعزيز (مسار وراثة) بعد القبول انخطبت لشخص يسكن في جدة فرحت لأني بإذن الله لي أمل إني أحول لكن في هاجسي هل أستطيع أن أحول عندكم علما بأن الماستر عندنا عام وندرس خمسة عشر مادة في ثلاث مستويات (يعني عندما أحول يكون قد أكملت بإذن الله عشر مواد وهي الإحصاء الحيوي& البيولوجيا الجزيئية والخلوية& علم البيئة المتقدم& أسس تصنيف متقدم& علم الميكروبيولوجيا المتقدم& التصميم التجريبي& تقانات بيولوجية& علم الوراثة المتقدم& دراسات حقلية & العمليات الحيوية في النبات والحيوان فهل عندما أنهي هذه المواد تعمل لي جامعة الملك عبد العزيز معادلة لبعض المواد بالرغم إن أكثرها متعلقة بالوراثة الله يسعدها ويفرج كربها إللي تقدر تساعدني في الرد لإني والله متوترة وأمنيتي إني أكمل عندكم وهل تعرفون بنات حولوا من جامعة الملك خالد عندكم لدراسة الماستر؟

ياهلا ويامرحبا فيكي بيننا
ومبرووك ماشاء الله الوظيفة والدراسة والزوج ويارب يسخر ربي كل خير بحياتك ويسعدك
وان شاء الله السبت صديقتي امونة الله يسعدها ترد عليكي بالاج

[سعاد ناعم]

اسفه امونه كلفت عليك بس ماأعرف أحد في جدة بس الحمد لله لقيت من فيه البركة الله يعطيكم العافية
أنا ماخذه بكالوريس من جامعة الملك خالد تخصص علوم الحياة(عام) ومعدلي 4.61 وخبره في العمل سنتين وعندي دورات كثيرة
- أنا أنقبلت هذا العام في جده واجتزت اختبار البديل-420-
فهذا الترم هوه أول مستوى لي أبدأ أدرس فيه في الجامعة والماستر عندنا عام مافية مسارات
فقط الرسالة نخصصها في موضوع معين وأنا في بالي إذا ماحولت(الله لايقدر) بخصصها في البيولوجيا الجزيئية ويكتب في الشهادة في النهاية ماستر عام في الأحياء وحبيت أسأل هل أبدا أحول عندكم في شهر 3 كما هوا في التقويم؟
وهذا إيميلي h-alamrah@windowslive
ممكن ترسلي لي عليه من شأن ارسل لك رقم جوالي سامحيني امونه والله مستحيه منك الله لايحرمني من جودكم

[سعاد ناعم]

اهلااً بك أختي صاحبه الوفاء والإحساس شكراً على الترحيب
الله يبارك لك في حياتك العلمية والعملية وهنيئاً لك بأمونه الله يجمعني بكن
ويوففكن لكل خير