قروب خاص للمنطقه الشرقيه خطه (ب) انتساب للـطـلاب فقط ..

[ابونوراة]

وانا معكم من الجبيل

[FAAHAAD]

انا الباب ألأول ضيعت فيه شوي هههه الله يستر بس

[هقاوي الجبيل]

ياهلا فيـك أخوي ابو نوارة بين اخوانك القروب
وإن شاء الله تسفيد وتفيد

[صقر الشمال]

السلام وعليكم ورحمه الله -- مسائكم عسل مراحب بالجميع هلا والله اخونا ابونواره وجمال ,, مع اخوانكم وخواتكم اهل الشرقيه .. طبعا مثل مانتم شايفن نبدا في ماده الاحصاء عسي الله ان يوفقنا جميعا ... نكمل عن ندرس الموضوع اللي بدينا فيه تكمله لدرس السابق---بيانات كميه متصلة: هي البيانات التي لايمكن عدها إنما يتم الحصول عليها عن طريق القياس وتأخذ أي قيمه داخل مدى معين سواء كانت صحيحة أو كسريه.
يعني زي الدخل الشهري ممكن يجي فيه نص ودرجات الحرارة مايجي دايما عدد صحيح .


قياس البيانات: تنقسم لأربعه قياسات
1- المقياس الاسمي : مجموعه من الأوجه والصفات التي يأخذها المتغير الوصفي ويمكن أن تعطي الصفات أرقام تعكس مدلول الصفة ولكن ليس لها معنى رياضي في مفهموم اكبر أو اصغر.
يعني أشياء ماتترتب زي الجنسية أو فصيلة الدم أو الجنس ذكر أو أنثى بس أشياء اسميه.

[صقر الشمال]

رقم (2) هذي طبعا القاعده تجي بصح والخطا لازم تفهمها وتركز عليها -,, 2- المقياس الترتيبي (التفضيلي): مجموعه من الأوجه أو الصفات التي يأخذها المتغير الوصفي مع أمكانيه ترتيبها ويمكن إن تعطي الصفات أرقام تعكس مدلول الصفة ولها معنى رياضي في مفهموم اكبر أو اصغر ولكن لاتعكس معنى حقيقي للفروق .
يعني أشياء نقدر نرتبها زي التقدير ممتاز وجيد جدا ومستوى الذكاء .


3- مقياس الفترة: مجموعه من الأعداد أو القيم التي يأخذها المتغير الكمي وتعطي الصفات أرقام تعكس مدلول الصفة معنى حقيقي أي إن المتغير إذا كان مساويا للصفر فلا يعني هذا انعدام الصفة .
يعني للصفر معنى حقيقي لمن نقيس درجه ذكاء الطالب وحصل على درجه صفر معناه انه مانعدم من الذكاء بس درجه منخفضة من الذكاء وكمان درجات الحرارة لمن نقول درجه الحرارة صفر مو معناه مافي درجه حرارة باختصار الصفر لايعني انعدام الصفة ولكن انخفاضها.
4- مقياس النسبة: مجموعه من الأعداد والقيم التي يأخذها المتغير الكمي وتعطي الصفات أرقام تعكس مدلول الصفة ولها معنى رياضي اكبر أو اصغر وتعكس معنى حقيقي للفروق والصفر له معنى حقيقي أي إن المتغير إذا كان مساويا للصفر فهذا يعني انعدام الصفة . - هذا اخر درس الليله وغدا إن شاء الله نكمل الباقي ,, مثل ماقلت لكم لايفوت درس الا وحنا فاهمينه زين ----الله يوفقكم جميعا 0

[ناصر الشيحي]

السلام عليكم
مساء الخير عليكم ياشباب اعذروني ماحضرت الحصه الليله لاني الحين وصلت من الخفجي قادماً من الدمام بخصوص التسجيل باختبار المناطق لاني رحت اكمل الاجراءات الباقية الي هي دفع مبلغ الف ريال لمعهد العالمية وخلاص ان شاء الله اخبتاري معكم زملائي شباب الشرقية.
ولكن انا بذاكر الي فاتني الحين معكم والله يوفقنا جميعاً يارب

[هقاوي الجبيل]

وعليكم السلام أخوي انا بصراحه مارحت ادفع لهم الرسوم عادي اجي وقت الاختبار وادفع ولا لازم الحين

[ناصر الشيحي]

هلا فيك لا والله ياخووك رح لهم الحين وخلص امورك احسن عشان ترتاح نفسياً للمذاكرة اول شي واخاف يسكرون التسجيل بعد وهاذي ماهي غريبة الحق الحين احسن. بالتوفيق ان شاء الله

[ناصر الشيحي]

والضاهر مافية دفع وقت الاختبارات لازم قبل الاختبارات

.

[هقاوي الجبيل]

المشكله الراتب بعد العيد يعني ماينتظرون هههههههه