تجمع للمتقدمين والمتقدمات للدراسات العليا لعام 1432 - 1433 هـ

[لين الورد]

بنات في احد مارسلولهم

انا ااكدت طلبي من يوم الاحد واللى الان مارسلو شيء هل طلبي مستوفي ام لا

[أم أسيل]

المشاركة الأصلية كتبت بواسطة ليان؟عبدالله؟ ردوووووووووووووووا عليه لي عندها فكره وش اخر نسبه تنقبل في الدرجه الموزونه

والله ماعندي فكرة ياقمر
الله ييسرلك امورك

[أم أسيل]

المشاركة الأصلية كتبت بواسطة لين الورد بنات في احد مارسلولهم انا ااكدت طلبي من يوم الاحد واللى الان مارسلو شيء هل طلبي مستوفي ام لا

انا ارسلت الاحد واليوم الفجر جاني الرد غير مستوفي الشروط

[الورود البيضاء]

المشاركة الأصلية كتبت بواسطة فتاة العصر صباح الخير ياقمامير في اخر يوم تقديم أختي بنت الحمايل نتائج المقبولين يوم 29 - 6- 1432 اختي ليان؟ عبد الله ؟ اتكلي على الله وباذن الله خير ،،، وشكرا لدعواتك لي وطمنينا ايش بيصير معاكي ... أختي miss_jeje نتيجة الاستيب ممكن تجيبها بعدين وممكن تدخلي الدورة البديلة لو كان تقديرك جيدا جدا ومافوق ... أختي الورود البيضاء العفو حبيبتي وبالنسبة لقسم علم المعلومات او ادارة المعلومات تقدري تسالي الدكتور عماد الحسن هو ادرى مني بده القسم لأنو بيحضر فيه الدكتوراه حاليا ... وبالنسبة لمراجعة حسابك يعني قصدهم شيكي على حسابك بين الفترة والتانية علشان تشوفي رد العمادة ايش بيردولك وخليكي متابعته على طول اللين لما النتائج تطلع ... اختي خجولة اختبار اللغة ليست له نسبة مفاضلة فياتي لديكي صفر وانما اهميته في اجتياز مرحلة القبول لا اكثر ... ولايوجد كلية او قسم لايشترطوا الاستيب كلهم لابد من وجود اختبار اللغة ... اخواتي sarouna وغدا نلتقي يوجد بالصفحة الأخيرة لمراجعة الطلب جميع بياناتك اللي سجلتيها وفي اخرها مربع مكتوب فيه ( اضغط هنا لإرسال البيانات وتدقيقها ) اضغطي عليها هتجيلك صفحة مكتوب فوق فيها انو الطلب اتاكد وجاري الارسال للعمادة ... أخي طالب الهمة العالية غالبا علم الإجتماع لاياخذ غير خريجيه أما علم النفس فلا ياخذ غير خريجيه ... ممكن عند الأولاد يختلف الأمر ... انتظر نتيجة رد العمادة ... تحياتي

مشكوووووووره ياقلبي ..

ماشاءالله طيب وشلون اسال الدكتور عماد الحسن ...!!

وش قصدك تابعي حسابك !! قصدك الايميل ولا بنفس موقع الجامعه ..!!

وهل اذا تاخر الرد وانتهت فترة التسجيل يلغى تسجيلي ولا؟؟؟

والله يوفق الجميع يارب ..

[kimora]

فتاة العصر الله يبراك فيك .. حبيبتي فتحت حسابي في نظام القبول و فتح معاي عادي ..

[أم أسيل]

طيب بنات انا دحين حطيت الرغبة الاولى مهارات اتصال والثانية تقنيات تعلم والاخيرة ادارة عامة
وفوق هذا ولا تخصص يناسب تخصصي الاصلي ( الانجليزي )
طيب مو حرام انا انجليزي وجيد جدا ونسبتي حلوة اختبر كفايات ويخسفوا بدرجتي ومايقبلوني عشان كدا؟؟
اش هذا ليش ضيعت عمري على دراسة اللغه ولما اجي اكمل فيها يقولولي درجتك في الاستب ماتأهل؟
ولا الماستر للواسطات واعضاء هيئة التدريس واقاربهم ونحن بس واجهة انه في تقديم ومفاضله وكلام من دا وهو بس مجرد تسكييييييييييييييييييت وندفع فلوس على قدرات وتوفل ومدري ايش ولا حتى لنا الخيار انه نقدم على التخصصات اللي نحبها ونرغبها ونبدع فيها
ادري انكم تقولوا انه لا كلامي خطأ ومو هذا اللي صاير لكن بصراحة من فترة اتابع المواضيع والردود في المنتدى واشوف حرقه البنات والشباب على الماستر
ماانحطت الشروط التعجيزية ( التعقيدية ) الا عشان تبلع فلوسنا وعقولنا
لكن مااقول غير حسبي الله ونعم الوكيل
بلا ماهو مستوفي الشروط بلا كلام فاضي
هذا علم منفعه المفروض يساعدونا نتعلم ونكمل احلامنا مو يحطمونا كدا
اعتذر عالاطاله بس من حرة قلبي كتبت هذا كله
والله يعوض كل اللي ماقبلوهم هالسنة خير
يعني حرام

[overseas5]

عزيزتي فتاة العصر انا قدمت دكتوراه رغبه اولى احصاء وثانيه علم المعلومات وثالثه علم اجتماع

واكدت الطلب من يوم الاحد والى الان لم يرسل لي شي

عند استيفاء الشروط وانا اريد الرغبه الثانيه هل ادخل اختبارها فقط ام لابد من دخول اختبار الرغبه الاولى ايضا

وهل الاحصاء دكتوراه يقبلوا الاستيب او الدوره البديله؟؟؟

[فتاة العصر]

أختي أم اسيل
مو لوحدك اللي بيعاني سعوديين واجانب كمان وكل يوم راي وقرار بس مافي قدامنا شيء حاليا الا الشيء المتاح لنا واللي له نصيب في شيء هيشوفه وصديقيني حتى لو فيه واسطات وربنا مو كاتب ماهيخش لو ايه صار ... المهم انك عدلتي رغباتك فهل ردوا عليكي ؟؟؟ ...والله حاسه فيكي ...





اختي ليان ؟ عبد الله ؟
لايوجد حد أدنى للنسبة الموزونة كل ماكانت اعلى كان احسن والماستر الخاص بياخد 20 % للسيرة الذاتية تحسب من قبل الكليات عند المفاضلة بعكس الماستر العام ...





أختي لين الورد
لاتقلقي هيردوا عليكي حتى لو قفل التقديم ...






اختي الورود البيضاء
تقدري ترسلي رسالة باستفساراتك عن القسم
والقصد انك تراجعي حسابك بموقع الجامعة
وهيردوا عليكي حتى لو قفلوا التقديم ...






أختي oversaes5
لو اهملتي اختبار احد الرغبات بيتلغي قبولك فيها لعد اكتمال شروط المفاضلة فيها وهيا الاختبار الخاص بها ...
اما الاستيب فيجب اجتياز 83 في الاستيب او 500 بالتوفل ولو تخصصات كلية اداب فيمكن لكي اما اجتياز شرط اللغة او الدورة البديلة لو كان تقديرك جيد جدا ومافوق ...



تحياتي

[همسة ورد]

صبأحكم ورد

ارسلت طلب , وجاني ع الإيميل
عزيزى المتقدم للدراسات العليا بجامعة الملك عبد العزيز تم تدقيق طلبكم من قبل عمادة الدراسات العليا
حالتك غير مستوفى الشروط وعليك استكمال اوراقك خلال يومين من تاريخ الرسالة من خلال حسابك على موقع العمادة فقد تم فتح البرنامج لك من جديد لاستكمال المرفقات

ودخلت العماده كل اوراقي تمام ماني عارفه اش المشكله

بليز قولوا لي اش الحل .:(

[غيم تايه]

المشاركة الأصلية كتبت بواسطة همسة ورد صبأحكم ورد ارسلت طلب , وجاني ع الإيميل عزيزى المتقدم للدراسات العليا بجامعة الملك عبد العزيز تم تدقيق طلبكم من قبل عمادة الدراسات العليا حالتك غير مستوفى الشروط وعليك استكمال اوراقك خلال يومين من تاريخ الرسالة من خلال حسابك على موقع العمادة فقد تم فتح البرنامج لك من جديد لاستكمال المرفقات ودخلت العماده كل اوراقي تمام ماني عارفه اش المشكله بليز قولوا لي اش الحل .:(

اقرئي زين اختي انا جتني نفس الرساله ووضحوا انه اختيار الرغبة الثانية خطا لأزم محددين لك الخطا .. الان وحتى هذه اللحظه لم يتم الردعلى والله يستر ،،،