{ملتقى الاستفسارات عن الحذف والاضافة وتنظيم الجداول}-طالبـات الإنتساب ّّ

[the elegant]

بنآت أنا جدولي

مقدمة علوم
صوتيات
نحو
علم الاصوات
أدب القصه
مسرحيه

وفي الخطه الدراسيه بدل علم الأصوات حاطين مناهج بحث
تنصحوني أحذف علم الأصوات مع العلم أنو حضور في الجامعه وأحط بدآلو مناهج البحث؟
ولآ أخلي جدولي زي ماهو ..؟؟

مناهج البحث مع مس نجوى
علم الأصوات مع مس ليلى ( كيف شرحها ؟؟)

غير كدآ أفكر أحذف مقدمة العلوم وأخدها الترم الجاي ع أسآس ترفع المعدل
لأنو أتوقع هي آخر ماده حره باقيه

الله يسسعدكم اللي عندهآ خبره تفيدني

[الملاك الأبيض]

المشاركة الأصلية كتبت بواسطة the elegant بنآت أنا جدولي مقدمة علوم صوتيات نحو علم الاصوات أدب القصه مسرحيه وفي الخطه الدراسيه بدل علم الأصوات حاطين مناهج بحث تنصحوني أحذف علم الأصوات مع العلم أنو حضور في الجامعه وأحط بدآلو مناهج البحث؟ ولآ أخلي جدولي زي ماهو ..؟؟ مناهج البحث مع مس نجوى علم الأصوات مع مس ليلى ( كيف شرحها ؟؟) غير كدآ أفكر أحذف مقدمة العلوم وأخدها الترم الجاي ع أسآس ترفع المعدل لأنو أتوقع هي آخر ماده حره باقيه الله يسسعدكم اللي عندهآ خبره تفيدني

علم الاصوات تعتمد على مادة الصوتياات يعني الافضل تكوني ماخدة الصوتيات عشان تفهميها افضل ولكن هذا لايضر انو بعض البنات اخذوهم سوا ونجحوا فيهم .

الفكشن +دراما = دمار شامل ,, المادتين يبغى لهم شغل ودراسة لأنو القصة فيها 3 روايات كل رواية كتاب وممكن ميس شادن تزود علينا كتاب مثل ماعملت الترم الي فات , اما المسرحية 3 مسرحيات + شرحهم يعني يبغى لها شغل ,,, لو تقدري تضيفي بويتري +دراما او بويتري +فكشن ,, والبنات ينصحو في الدراما اكثر من الفكشن عشان الفكشن لازم تكون عندك قدرة في الكتابة الاكاديمية لانو عادة الاسئلة تتضمن كتابة ايساي ومو ايساي واحد الا اربع او ثلاث ^^
فالافضل تاخذي دراما عشان اسئلتها تعتبر اخف نوعا ما وعشان تتعودي على اسئلة الفكشن الاصعب

مادة العلوم تقدري تتركيها للترم الجاي زي ماقلتي ويصير ضيفي البحث مع نجوى لأنو مايتفوت مادام نجوى ماسكيته + انو السيمنار الترم الجاي ممكن يكون فيه بحث لو اخذتيه الترم الجاي واخر ترم بيكون عندك تدريب فخذي البحث دحين وارتاحي من البحث وخلصيه بدري بدري وكمان السنترا بدت بدري هذا الترم وعندك 3 شهور تكتبي فيها بحث براحتك والاستاذة بتمشي معك خطوة بخطوة باذن الله ,

يصير جدولك :
صوتيات +بويتري +دراما +مناهج بحث + سينتاكس + مورفولوجي

لو تحبي طبعا والبنات يشيرو عليك اكثر كمان عشان تاخذي كذا رأي

[مروره]

na3ome
جدولك كذا تمام ...
يلا شدي حيلك واشتري الكتب ...
بالنسبه للثقافه ..مايهم مع مين تاخذيها لأنه أسئلتها اختياري زي السنه التحضيريه ونفس الشي اللغه العربيه ومطلوب منك تحفظي بس ومافي حذف ...وبالنسبه للصعوبه ..بالعكس أبدا مافيها صعوبه وماتاخذ وقت منك ...

s.w
أذكر إني الترم اللي فات بحثت عن كذا ايميل وراسلتهم وأضافولي المواد بس والله مااذكر أي ايميل بالضبط ...عموما انتي راسليهم وشوفي اش يصير
إن شاء الله يكون واحد منهم

رووح ...ياعسل
حاولي تراسليهم ع الإيميلات اللي حاطتها
external2010@gmail.com

nevinecherif@hotmail.com

أعتذر عن اللي ماجاوبتهم لأنه ماعندي خلفيه عن إستفساراتهم ...

ياليت اللي عنده علم يجي ويفيدنا

[مروره]

ايوا صح بالنسبه للكتابه اللي أعرفه إنه مس مايا أفضل ...بالنسبه للتصحيح
مس حنان اللي سمعته إنه دقيقه اشويه في التصحيح...

[#روووح#]

مروره ::تسلمي يا البي..ما قصرتي..

::::::

ملوكــــــــه..:للاسف مو موجوده كلها)=

مره طفشني جدولي..انضافت 5 مواد وكنت ابضيف ماده حره لقيتها مو متاحه..
قلت اضيف الشباب وقيم المواطنه..
ومن امس وانا احاول مو راضيه تنضاااف)=

[the elegant]

يآششيخه قولي آميــــــــــن ...

ربي يسسهل عليكِ كل صععب دنيآ وأخره ،
من جد كنت حآيسه بسس خلآص كدآ رح أتوكل
وربي يسهلها علينآ جميعاً

[the elegant]

في تعارض بين المورفولوجي والبويتري

ومناهج البحث مارضيت تنزل كمآن
يآربي حوووسه

[لصممتي حكممه]

بنات إبغى نصيحتكم مرررا حايسه جدولي بس 4 مواد مورفولوجي ،أدب، سيره ؤفونولوجي إكيد راح يحذفونه لأني لسى مأخلصت فونتكس، وكلمتهم يضيفون لي علوم ،.. الباقي متطلبات الأدب أو متعارضه إقدر أضيف السوسيو بس ، سؤالي لو مألقيت إلا السوسيو تنصحوني أضيفه مع أنه مع د خوله وأنا مجربتها من أول وأسلوبها في الأسئله مإعجبني
أضافه الى اني ماراح أحضر الدوره إش تنصحوني أضيفه ولا ااجله لبعدين ، مررااا محتاااسه .

[ranas]

بنات ابغى اضيف السمنار لانو مع خوله والعلوم الطبيعيه مافي رقمها بلحذف والاضافه كيف اضيفها من الجامعه بناااااااااااااااااااااااات بليز ابغى اروح بكره بس ماني عارفه متى مواعيدهم اخاف يومي يروح فشوش بهذي الجامعه وبكررره ضررروري اروح ردو عليا الله يسعدكم

[ranas]

دوبني شفت موعيد جميله مشطاطي احد وثلاثاء من 11 الى12
طيب في احد يداوم سبت واثنين واربعاء عشان ماابغى السنترا تروح عليا ماابغى المحاضرات تفوت بذات العلوم لانها فهم على مااظن