::هنا ضعي استفسارك.. عن جدولك وموادك:: .. *_^

[E7sasBanota ~]

المشاركة الأصلية كتبت بواسطة احساس فنانه ثانكس ياعسل الله يسهل لكي كل عسير ياااااااااااااااااااااارب ويسعدك دنيا واخره يارررررررب تنجحي وتخخرجي من جامعه زي ماريحتيني شكررررررررررررا

امييييييييييييييييييييييييييييييييييين يارب

الله يسمع منك ويوفقك ويوفقكم اجمعين

[دودي--]

صباااح الخيير صبايا
كيفكم مع الجداول
الله يوفقكم ياارب
بناات تكفى انا محتااجة لاي نصيحة حتى لو صغيرة انا في حاجتها الله يحققلكم اماانيكم ياارب
انا الحين مستوى ثالث وحاايسة مااني عاارفة احسن دكااترة وكيف المواد وناوية اخذ صيفي باذن الله
ايش تشوروا عليا يعني ايش المواد اللي اخذها صيفي وايش الي اخذها االحين والف شكر لكل اللي ترد
محاسبة 101
قانون
ادراة عامة
علوم سياسية
عربي 102
ثقافة 102
اقتصاد جزئي
وبث
اسفة ع الاطاالة << متعووب ع الكلمة خخخ

[Back Back]

المشاركة الأصلية كتبت بواسطة دودي-- صباااح الخيير صبايا كيفكم مع الجداول الله يوفقكم ياارب بناات تكفى انا محتااجة لاي نصيحة حتى لو صغيرة انا في حاجتها الله يحققلكم اماانيكم ياارب انا الحين مستوى ثالث وحاايسة مااني عاارفة احسن دكااترة وكيف المواد وناوية اخذ صيفي باذن الله ايش تشوروا عليا يعني ايش المواد اللي اخذها صيفي وايش الي اخذها االحين والف شكر لكل اللي ترد محاسبة 101 قانون ادراة عامة علوم سياسية عربي 102 ثقافة 102 اقتصاد جزئي وبث اسفة ع الاطاالة << متعووب ع الكلمة خخخ

أهلين صباح النور =)

من رأيي لاتأجلي شي للصيفي إلا للشديد القوي، لأنو المواد دي أحسن تاخديها دحين

بالنبسة للمواد، فكلها تهون ومقدور إن شاء الله عليها
باستثناء المحاسبة يبغالك تدي فيها من كل قلبك

حقلك المواد تاخديها مع مين من ناتج تجربتي

مبادئ قانون << إكرام وانتي مغمضة،
تعيد وتزيد في الشرح لمممن تحفظيه وتفهميه وانتي في المحاضرة، وشرحها
مررة تمام ماشاء الله
وأسئلتها مافيها صعوبة، صح وخطأ مع التصحيح "بس للخطأ"، اختياري ومقالي
ومقالي على قولتهم أي كلام، يعني شي مررة بسيط، عددي وعرفي، مجرد رؤوس أقلام
"بس أنا كنت أكتبلها كل إللي اعرفو خخخ"
واختباراتها والله إنها سهلة، بس المادة لازم ترجعي تزاكريها لأنها دسمة شوية بس حلوة

علوم سياسية << زينب وانتي مغمضة
هادي تحسي أسلوبها تبع كبار، بس تفهمي ترى مو تجلسي متننحة خخ
نزلي محاضراتها من صفحتها وجيبيها معاكي لأنو في ساعات كلام تقولو مايكون مكتوب،
وتجيب منو في الامتحانات، فلازم تكوني مصحصحة وتكتبي معاها واجلسي قدام لأنها مررة هادية وصوتها واطيييي
وتراها تسمع كتير <<حاطة 5 على المشاركة
أسئلتها والله تمام، بس كم فقرة تكون صعبة شوية ويبغالك تكوني فاهمة المادة وكلامها عشان تحليها، كم فقرة مو كل الامتحان طيب خخخ

مبادئ إدارة << اخدتها مع خديجة الحربي، ووالله ماتنذكر إلا بالخير، ولكن <<ركزي وحط خط ولكن
بعض أسئلتها فيها نوع من الدقة ترى فركزي للمادة
والمادة أصلًا...كتير هرجها بس ترى في حاجات محذوفة وفي فصول محذوفة
إحنا انبسطنا في امتحانها الأول برغم وجود كم فقرة دقيقة
بس في التاني مررة خبصنا، ماذاكرنا زي الأوادم وأصلًا الجزئية إللي كانت داخلة معانا
كلها غم ععع
بس في النهائي، والله كان جناااان ماشاء الله وجابت فقرات كتييييييييييييرة

التلاتة المواد دي ترى هرجها كتير وفيها نوع من الدسامة عشان كدا خدي معاها:

ثقافة مع دكتورة رشا، اقري كلامي عنها في الصفحة إللي قبل دي أو إللي قبلها

والاقتصاد الجزئي خدي مع دكتور هدى، برضو اقري كلامي عنها في الصفحة إللي قبلها
أو إللي قبلها

ونصيحة لاتزيدي مواد عن دي الخمسة لأنو كدا تمام

موفقة =)

[Diana]

هااي بناات بلييز ابغا اعرف مبادئ ادارة عامة سهلة ولا صعبة لاني باخدها مع قانون اداري واخلاقيات عمل وثقافة 2 ومحاسبة حكومية
؟؟؟

بليز ردولي انا طفشت ناس يقولو سهلة وناس يقولو صعبة :(

[Back Back]

المشاركة الأصلية كتبت بواسطة diana هااي بناات بلييز ابغا اعرف مبادئ ادارة عامة سهلة ولا صعبة لاني باخدها مع قانون اداري واخلاقيات عمل وثقافة 2 ومحاسبة حكومية ؟؟؟ بليز ردولي انا طفشت ناس يقولو سهلة وناس يقولو صعبة :(

تبغي الحق، من ناحية صعبة، فماهي صعبة

لكن تحسيها مليانة كلام

بس مافيها صعوبة ترى

يعني ذاكريها اول بأول عشان ماتحسي بضغط من كتر الكلام

=)

[Back Back]

بنات لاتطنشوني زي أول =(

أنا رسبت في تحليل كمي سنة أولى، ولمن راجعتهم قالولي إنو سار بدلها رياضيات math 111
فكيف الرياضيات..؟؟ مررة خايفة

والشعبة إللي فاتحة 1ة وإللي تعطيها اسمها بدرية القثامي، تعرفو عنها شي...؟

ساعدووني الله يخليكم

[miss noony]

المشاركة الأصلية كتبت بواسطة back back بنات لاتطنشوني زي أول =( أنا رسبت في تحليل كمي سنة أولى، ولمن راجعتهم قالولي إنو سار بدلها رياضيات math 111 فكيف الرياضيات..؟؟ مررة خايفة والشعبة إللي فاتحة 1ة وإللي تعطيها اسمها بدرية القثامي، تعرفو عنها شي...؟ ساعدووني الله يخليكم

الرياضيات يبغالها مذاكره اول باول
انا كنت احل في الاختبار بس اتفاجئ بدرجاتي >>ماابغى اخوفك بس يمكن انا ماكنت اظلل كويس ..بس اهم شي اني نجحت فيها
بالنسبه للاستاذه مااعرفها.. انا اخذت عند هتون شعيب شرحها حلو
انتي توكلي على الله وخذيها و شدي حيلك وذاكريها اول باول عشان تسهل عليكي ..ولو حسيتي انك مافهمتي روحي لمدرسه
موفقه يارب

[*زهرة السوسن*]

المشاركة الأصلية كتبت بواسطة Back Back بنات لاتطنشوني زي أول =( أنا رسبت في تحليل كمي سنة أولى، ولمن راجعتهم قالولي إنو سار بدلها رياضيات math 111 فكيف الرياضيات..؟؟ مررة خايفة والشعبة إللي فاتحة 1ة وإللي تعطيها اسمها بدرية القثامي، تعرفو عنها شي...؟ ساعدووني الله يخليكم

^
^
الرياضيات 111 أغلبه معاد للي درسناه في الثانوي مرررة سهل والكتاب في اسئلة من ورى مرة مفيدة ...درجتي ولله الحمد فيه كانت +a

[Back Back]

بنات آسفة للي مارديت عليهم، بس موادكم لسا ما اخدتها

المشاركة الأصلية كتبت بواسطة miss noony الرياضيات يبغالها مذاكره اول باول انا كنت احل في الاختبار بس اتفاجئ بدرجاتي >>ماابغى اخوفك بس يمكن انا ماكنت اظلل كويس ..بس اهم شي اني نجحت فيها بالنسبه للاستاذه مااعرفها.. انا اخذت عند هتون شعيب شرحها حلو انتي توكلي على الله وخذيها و شدي حيلك وذاكريها اول باول عشان تسهل عليكي ..ولو حسيتي انك مافهمتي روحي لمدرسه موفقه يارب

الله يسعدك ماقصرتي والله
بس أنا أصلًا بيني وبين دي المادة حماار ميت،
عشان كدا شايلة همها هيا والمحاسبة الحكومية...

والمادة ماهي نازلة إلا مع بدرية، شعبة 1ة بس...=(
الله ييسر لي والله خايفة =/

المشاركة الأصلية كتبت بواسطة amoon al back back و @أنين الصمت@ back back اناآ آخذت الانجليزي كل المستويين ^^ مشكووووورين وما قصرتوو ع الرد خلاص جدولي بيكون كذاآآ ان شاء الله : مبادئ محاسبه 101 تحرير كتابي 201 مبادئ اقتصاد جزئي101 ثقافه 101 اخلاقيات عمل 201 اداره الخدمه المدنيه 311 وبس ودي اخذ قانون اداري او نظريه التنظيم ايش رايكم ولا كذاآ الجدول تمام ^_*

آها طب كويس الحمد لله

أنا أشوف جدولك كدا تمام بالمرة ولاتزيدي عليه، دا مجرد رأيي فقط، والاختيار يرجعلك

لأنو المواد ماشاء الله صحيح كتيرة بس دا يشيل دا، ماهي كلها صعبة مرة ولا كلها موية، يعني كوكتيل خخخ

بالتوفيق =)

المشاركة الأصلية كتبت بواسطة محبة لغموضي مسسسـٍـًــآء الخيـٍـًـر يا بنوتـٍـًــآآإت وآلله الجدآول طلعو قلوبنـًٍـآ خآصة في الحذف والآضـٍــًــآفه كل شوي يعلق جنني تهي آنا هـٍـًــآدا جدولي ..~ محآسبة 101 ~> د/ سحر جبروني ما عمري سمعت عنها بس كتير بنات يمدحونها وربي خآيفه مع انو كان نفسي يفتحو شعبه للآستآذة / آنيسة تركستآني بجد خطيرة ماشاء الله عليها بس للآسف مافي غير شعبتين لـ د / سحر & د/ حمدية بآقي الموآد آلدكتورآت مجهولآت آلهوية هههههههه يعني آنتي وحظك وآلله يستر ومنزله مبآديء قآنون 101 ومبآديء آدارة عآمة 101 ومبآديء علوم سياسية وعربي 2 وثقآفة 2 وبسسسً ..~ حسيت آني ضآغطة ع نفسي بس لآزم آمشي ع الخطة وآجلت الآقتصاد آلجزئي للـ صيفي آن شاء الله :( آيش رآيكم حلو كدا :$

إيوا حلو، إزا تقدري تاخدي ستة مواد وتشدي حيلك في الستة المواد،
اتوكلي لأنو كوتيل جيد والله

الله يعينكم باللي تاخدو بالستة، ماشاء الله عليكم =)

المشاركة الأصلية كتبت بواسطة دودي-- back back مشكوووور يااعسل الله يوفقك ويسعدك ياارب مااقصرتي

أبدًا، إحنا المفروض نكون لبعض =)

المشاركة الأصلية كتبت بواسطة *زهرة السوسن* ^ ^ الرياضيات 111 أغلبه معاد للي درسناه في الثانوي مرررة سهل والكتاب في اسئلة من ورى مرة مفيدة ...درجتي ولله الحمد فيه كانت +a

كمااااااااااااان !! من الثنوي !!

أنا باايزة في الرياضيات

فااشلة جدًا

طب تحديدًا معليش لو تقدري تفتكري الفصول أو محتويات المنهج...؟

صراحة خوفيتيني لمن قلتيلي من الثنوي ب_ب

+

شكرًا ماقصرتي والله وماشاء الله عليكي الله يحميكي
=)

[نوف اليافعي]

حوسة الجداول لازم :d

انا نزلت اقتصاد جزئي و ادارة خدمات مدنيه و نظرية تنظيم و

اخلاقيات عمل و وسلوك تنظيمي و مبادئ علوم سيآسيه ,’

يقولو نظرية تنظيم صعبه صح ولا لا ؟؟ مع مين اخذها اللي تعرف تقولي