تجميعة لاستفسارات دكاترة و دكتورات Med11 :)

[ρяĭиcǝšš нɑ̝̚đọ]

المشاركة الأصلية كتبت بواسطة frfosha آكييد .. غير الكتب الالزاميه عند كل الدفعة زي الاناتومي و الهستو و الامبريو .. انا كان عندي كتاب snell للاناتومي هوا مكتوب من المقررات علينا بس مو كثير جابوه لانو كبير .. بس انا مرررررا حبيتو .. الكتاب يكلمك باسلوب جدا رآئع غير الصور اللي فيه .. ناهيه عن حجمه اللي يفجع شويتين ^^" .. بس و الله الاشياء اللي ذاكرتها منو رآسخة في مخي .. كمان في كتاب للباثولوجي اللي جبناه للثلاثه الاوائل في الكورس للكاتب robbins .. كمان مرا حبيتو الصور اللي فيه نفسها يحطوها الدكاترة في العرض حقهم .. الأغلب كان يذاكر من الشيتآت بس القرآءة من الكتب فرقت بالنسبة ليا و لصحباتي .. في ناس في المنتدى يقولوا لا تشتروا كتب راح يضيع وقتكم و ما اعرف ايش .. عن نفسي عمر القرآءة من الكتاب " اول باول " ماتضيع الوقت .. تضيع لو كانت في ليله اختبار و جايه تذاكري من كتاب !! هنا الكارثه .. معليش كلامي كثير مرآ انا عارفه اي استفسار ثآني انا بالخدمة :)

يب تسلمي فكرتك وصلت .. مشكوورهـ قد الدوونياااا

[د.مشبب]

شكراً جزيلاً لكم أخوي ريال سعودي وأخوي واثق الخطا
على مساعدتكم لي ..

[د.مشبب]

المشاركة الأصلية كتبت بواسطة frfosha آكييد .. { الأغلب كان يذاكر من الشيتآت بس القرآءة من الكتب فرقت بالنسبة ليا و لصحباتي .. } { عن نفسي عمر القرآءة من الكتاب " اول باول " ماتضيع الوقت .. تضيع لو كانت في ليله اختبار و جايه تذاكري من كتاب !! هنا الكارثه .. } معليش كلامي كثير مرآ انا عارفه

أسعد الله أوقاتك بكل خير أختي الفاضلة ..
كلامك ماشاء الله جميل وأفادنا .. بس عندي كم استفسار الله يسعدك ,,

... ذكرتي إن القراءه من الكتب أفادتك ..
* من أي ناحيه أفادتك ..
* وهل كنت تذاكرين منها " أي الكتب " ولا فقط الأمر مطالعه أو قراءه ..
* هل كنت تذاكرين للإمتحانات من الكتب والشيتات ..
* ممكن تعلمينا بأسعار الكتب ..

واعذريني على أسئلتي الكثيره .. وشكراً

[د.مشبب]

عندي سؤال ثاني ..
من وجهة نظركم ووجهة نظر الطلاب الي في سنة رابع وخامس
أي سنة أسهل ... سنة ثاني طب ولا سنة ثالثة طب ؟
فقط مجرد سؤال ..

[واثق الخطا]

عن نفسي ما اشتريت ولا كتاب غير كتب قسم الأناتومي

SNELL حق الأناتومي استعرته من المكتبة وكنت اذاكر منه الكتاب مرة حلو وفيه جداول وصور واشياء حلوة ترسخ المعلومة وهو الكتاب الوحيد اللي كنت اذاكر منه بشكل كامل يعني بدون شيتات

ROBBIN حق الباثولوجي استعرته من المكتبة واستفدت منه كثير طريقة الشرح حلوة ومبسطة كنت اذاكر من الشيتات ولو صادفت حاجة ما فهمتها أو حسيت فيها لخبطة اراجعها في الكتاب

Lippincott's حق البيوكيمستري زي اللي قبله لكن أقل بكثير

من الغلطات اللي غلطتها السنة الماضية اني ما اشتريت اطلس اناتومي فحاول انك من بداية السنة تستعير اكثر من اطلس من المكتبة وتشوف ايهم ناسبك اكثر وتشتريه

في النهاية احب انوه على نقطة مرة مهمة :
لا تحاول ابدا ابدا ابدا انك تفك كتاب قبل الإختبار باسبوع لأنك حتضيع وقتك على الفاضي قبل الإختبار باسبوع لا تفك غير الشيتات والملخصات و MCQs
الكتب المفروض في المذاكرة اليومية أو الأسبوعية تستفيد منها وتذكر دائما ان الهدف من الكتاب انك تفهم مو تحفظ


:)

[FrfoSha]

المشاركة الأصلية كتبت بواسطة د.مشبب أسعد الله أوقاتك بكل خير أختي الفاضلة .. كلامك ماشاء الله جميل وأفادنا .. بس عندي كم استفسار الله يسعدك ,, ... ذكرتي إن القراءه من الكتب أفادتك .. * من أي ناحيه أفادتك .. * وهل كنت تذاكرين منها " أي الكتب " ولا فقط الأمر مطالعه أو قراءه .. * هل كنت تذاكرين للإمتحانات من الكتب والشيتات .. * ممكن تعلمينا بأسعار الكتب .. واعذريني على أسئلتي الكثيره .. وشكراً

القراءة من الكتب تثري اللغة الانجليزية عندك بشكل ملحوظ .. و هذا شيء مرا مفيد لك لمن تجي و تقرا الشيت .. غير ان الشيت يحتوي على " زبدة " الموضوع .. و بقرآءتك من الكتاب حيكون عندك فكرة شاملة ..

انا ماكنت اقرء كثير من الكتب كثير في البدايه للاسف لسوء تنظيمي .. بس بعدين صرت اقرأ .. و كانت قراءة للاطلاع لا اكثر مو مذاكرة .. المذاكرة تكون من الشيتات ..

اسعار الكتب تختلف من كتـآب لكـتاب و من مكتبه لمكتبه .. و من كاتب لكاتب

يعني الكتب اللي كاتبيها دكاترة الجامعة اسعارها جدا رخيصة .. ما تتجاوز 60 او 80 ريال

اما الكتب اللي من برا زي روبنز و سنل في المكتاب اللي جنب الجامعة ماتقل عن 150 او في هذي الحدود .. بس في جرير و المكتبات الكبيرة راح تلاقيه بضعف السعر ! انا غلطت غلطة عمري و اشتريت سنل من جرير بـ 250

المشاركة الأصلية كتبت بواسطة د.مشبب عندي سؤال ثاني .. من وجهة نظركم ووجهة نظر الطلاب الي في سنة رابع وخامس أي سنة أسهل ... سنة ثاني طب ولا سنة ثالثة طب ؟ فقط مجرد سؤال ..

من كلام الدفعات اللي اكبر مننا بحكم اننا لسا ماجربنا سنة ثالث يقول انها اسهل ..

سنه ثانيه ما تكمن صعوبتها في المواد .. لا بس حكايه انو الجو كلو راح يكون جديد عليكم كـ"أول سنة تخصص"

المشاركة الأصلية كتبت بواسطة واثق الخطا في النهاية احب انوه على نقطة مرة مهمة : لا تحاول ابدا ابدا ابدا انك تفك كتاب قبل الإختبار باسبوع لأنك حتضيع وقتك على الفاضي قبل الإختبار باسبوع لا تفك غير الشيتات والملخصات و mcqs الكتب المفروض في المذاكرة اليومية أو الأسبوعية تستفيد منها وتذكر دائما ان الهدف من الكتاب انك تفهم مو تحفظ :)

طبعآ و هذا اللي بقوله من اول محد يغلط و يضيع وقته اسبوع الاختبارات و يذاكر من كتب !

[د.مشبب]

شكراً جزيلاً لك د.فرفوشا على مساعدتك الطيبه ولا حرمك الله الأجر ..

معليش بخيت الشغله كل يوم طالع بسؤال ..
ألحين إذا بدأت الدراسه لازم آخذ معي للمحاضرات النظرية والعملي دفتر أو ورق علشان أكتب مع الدكتور
وأتابع معه ولا مو لازم .. لأني العام رحت كلية الطب وشفت طلاب كثير يدخلوا ويطلعوا من الكلية
بس ما معاهم إلا الشيتات .. ونادراً يشوف الواحد طالب أو طالبين شايلين معاهم شنط .

[FrfoSha]

المشاركة الأصلية كتبت بواسطة د.مشبب شكراً جزيلاً لك د.فرفوشا على مساعدتك الطيبه ولا حرمك الله الأجر .. معليش بخيت الشغله كل يوم طالع بسؤال .. ألحين إذا بدأت الدراسه لازم آخذ معي للمحاضرات النظرية والعملي دفتر أو ورق علشان أكتب مع الدكتور وأتابع معه ولا مو لازم .. لأني العام رحت كلية الطب وشفت طلاب كثير يدخلوا ويطلعوا من الكلية بس ما معاهم إلا الشيتات .. ونادراً يشوف الواحد طالب أو طالبين شايلين معاهم شنط .

هذا شيء راجع لك بس الافضل يكون معاك دفتر تكتب فيه ملاحظاتك .. و اذا كانت الشيتات متوفرة لكم من قبل المحاضرة جيبها معاك و اكتب فيها مع الدكتور " بس هما نادرا مايعطونا الشيت قبل المحاضرة "

[د.مشبب]

السلام عليكم ..
ممكن توضحوا لنا من هو { الريزيدينت }
وما طبيعة عمله ؟؟

[واثق الخطا]

الريزيدينت هو الطبيب المقيم

يعني الطبيب اللي خلص من سنة الإمتياز وقاعد يشتغل في مستشفى , في الغالب يكون اختار تخصص وقاعد يدرس اثناء عمله على اساس يصير اخصائي وبعد كذا استشاري

سلم العمل في الطب:
طالب السنوات الأساسية > طالب السنوات الإكلينيكية > طالب سنة الإمتياز > طبيب مقيم > طبيب أخصائي > طبيب استشاري