تجمع لـمتابعة اجراءات المرشحين و المرشحات بـ رابغ

[حافظة الود]

مساء الخير زملائي الأعزاء كيفكم وكيف اجتهادكم في هذه الأيام العظيمة. اسأل الله أن لا يحرمنا أجرها..
عندي سؤال ساذج بس والله أنا ما اعرف إجابته برغم كذا.. الان بعد صدور الرقم الوظيفي المحاضر على اي مرتبة يتعين والمرتبة هذي فين مكانها في سلم الرواتب لأني لمن أفتحه الاقي كلمة محاضر: 1 2 3 4 5 ..... الخ وتحتها رواتب طيب أنا رح أخذ الراتب اللي تحت الرقم 1 او 2 او 3 او أيش؟ وبناء على أيش؟
وفيه سؤال اخر: في وحدة من الاوراق كان فيه خانة تحط فيها عدد سنوات الدراسة صح؟
طيب أنا عدد سنوات دراسة الماستر الفعلية 4 سنوات في جامعة عبدالعزيز. بس أنا خلصتها في 5 سنوات يعني احتجت سنة إضافية في الرسالة. طيب أيش المفروض اكتب السنوات الفعلية او السنوات اللي استغرقتها في الدراسة؟
وهل لها تأثير في تحديد المرتبة آو الراتب؟
أسفة جداً عالاطالة بس خذوني على قدي... ههههه ... وشكرا لكم مقدما

[Mashail Ahmad]

هلا حافظة الود .. اللي أعرفه ان المحاضر يتعين على المرتبه 1 اذا كان قضى 4 سنوات بالدراسه
وكل سنه يدخل ع المرتبه اللي تليها


أما اللي قضى 5 سنوات يتعين على المرتبه 2.

يعني انتي أتوقع تدخلي ع طول ع المرتبه الثانيه
بس إن شاء الله يجي الرقم اللي طاآاآل انتظاره أنا مرشحه منذ مايقارب 9 شهوور .. بس ماباشرت وكل المجموعه اللي معي كذلك بسبب هالرقم قالو نستنى للميزانيه ...

[الإستااذة]

والله كان عندي نفس السؤال تبع سلم الدرجات بس للمعيديين ، قرات افكاري :) ياليت اللي يعرف يجاوب
بالنسبة لسنوات الدراسه كان كتبتي بالتفصيل يعني 4 سنوات + سنه رساله ..
والله اعتقد لها تاثير .. بس كيف ما ادري ...
موفقه حبيبتي

[Reflection]

^
بخصوص المعيدين

اللي دراسته 4 سنوات في البكالوريوس يتعين على الدرجة 1
اللي دراسته 5 سنوات يتعين على 2
.
وماشاء الله ماقد شفت ماستر 4 سنوات الا في تخصصات طبية

[أبوأحمد الشنقيطي]

مالفرق بين الدرجتين

[Reflection]

^
الراتب يفرق 415 ريال بالنسبة للمعيد
و 510 بالنسبة للمحاضر
و كل سنة خدمة لك تزيد درجة طبعا

[حافظة الود]

اخي ريفليكشن الماستر في عبدالعزيز حقنا 4 سنوات حتى في تخصصك انت سنتين دراسة مواد و سنتين رسالة.. واذا بحث علمي سنتين وفصل دراسي تسوي فيه البحث لكن بالرسالة 4 سنوات انا احتجت 3 سنوات في الرسالة يعني السنتين المقررة علية وسنة إضافية انا طلبتها.
والدرجة هذي اللي تقصدونها موجودة وين في سلم الرواتب عند الأرقام 1 2 3 4
ولا وين؟
وليش 9 شهور انتظار للرقم مرة كثير؟؟؟
الله ييسرها من عنده يارب.
بس انا عموما باشرت لانه فيه احتياج لتخصصي
في الكلية الين ما يطلع رقمي الوظيفي. الله يسهل لكم ويسهل لي يارب يا كريم.

[optimistic lady]

يالله مرة كثير دراسة خمسة سنين سبحان الله في بريطانيا تسعة شهور ماستر بس!!!
ياررربي ايش قصة الارقام الوظيفية والله اختلفت الاراء عليها بس ان شاءالله ربي يكتب لنا الي في الخير

[Reflection]

المشاركة الأصلية كتبت بواسطة حافظة الود اخي ريفليكشن الماستر في عبدالعزيز حقنا 4 سنوات حتى في تخصصك انت سنتين دراسة مواد و سنتين رسالة.. واذا بحث علمي سنتين وفصل دراسي تسوي فيه البحث لكن بالرسالة 4 سنوات انا احتجت 3 سنوات في الرسالة يعني السنتين المقررة علية وسنة إضافية انا طلبتها. والدرجة هذي اللي تقصدونها موجودة وين في سلم الرواتب عند الأرقام 1 2 3 4 ولا وين؟ وليش 9 شهور انتظار للرقم مرة كثير؟؟؟ الله ييسرها من عنده يارب. بس انا عموما باشرت لانه فيه احتياج لتخصصي في الكلية الين ما يطلع رقمي الوظيفي. الله يسهل لكم ويسهل لي يارب يا كريم.

اها فهمتك ×_×

يب عندك الدرجات من 1 لـ 15 ... 9 شهور انتظار ؟!
الله يعينك مره كثير ×_× ،، هو اللي اعرفه انه ارقام المحاضرين عموما تطول اما المعيدين ارقامهم لا .. و السبب اجهله بصراحة .. الله يووفقك و يجي رقمك بسرعه .. آمين.

[حافظة الود]

انا ترشحت معاكم اخي ريفليكشن في نفس الوقت وسويت الكشف الطبي زيكم الاسبوع الماضي. وعلى كلام د رحمة انه مادام فيه كشف طبي يعني فيه أرقام وظيفيةوواحد من الموظفين في الشؤون قال انه رح يتصلوا على محرم عشان تغيير المهنة!هل تغييرها بعد صدور الرقم ولا ايش؟
انا اقصد ب 9 شهور انتظار الأخت مشاعل احمد اللي تقول ان لها 9 شهور ما طلع لها رقم عشان الميزانية!! المحاضرات اللي معاي في رابغ قالوا اكثر شي 3 شهور وطلعت ارقامهم؟! غريبة كل هذي المدة يا اخت مشاعل هل انتي مرشحة في كلية من كليات رابغ ولا ايش؟