تجارب الطالبات (مواد+ أستاذات)

[so0oma]

بنات انا عندي صوتيات مع استاذة ليلى وبصراحة خايفة منها ياليت تقولوا لي هل المادة سهله يعني اقدر عليها حتى لو مع استاذة ليلى وكمان انا عندي نحو وعلم الاصوات هل اقدر ادرسها وانا لسا ماخذه الصوتيات والصرف ولا عادي مافي مشكلة اذا درستها سوى وكمان ابغى اعرف النحو صعب ويعتمد على ايش الفهم والا الحفظ وكمان كيف استاذة مأثر في النحو يعني طريقة شرحها
معليش يا بنات طولت عليكم بس محتاجه تجاوبوني ضروري

[غـــرور]

بنآت آبغآ نصيحتكم إيش آحسن 3 موآآد حـُرَه أخذتووهآآآآ ومع ميـن ؟
أنآ نفسي أخذ 6 موآآد آلترم ذآ بس خآيفه آنضغط بزيآده وأحمل شئ وإللي عندهآ معلومه عن مقدمه اللغويات والأدب تقولي صعبه ولآ لآ ؟

آلله يوفقنآ جميــعآآً

[Reem.A.H]

السلام عليكم
بنات اللي درست ريدنق ولسننق ورايتنق 2 وفرنسي 1 وعندها الاشياء اللي تخصهم من كتب وزي كذا لاتبخل عليا فيهم وترسلي هنا او خاص الله يجزاكم كل خير

[شذى الوادي]

المشاركة الأصلية كتبت بواسطة so0oma بنات انا عندي صوتيات مع استاذة ليلى وبصراحة خايفة منها ياليت تقولوا لي هل المادة سهله يعني اقدر عليها حتى لو مع استاذة ليلى وكمان انا عندي نحو وعلم الاصوات هل اقدر ادرسها وانا لسا ماخذه الصوتيات والصرف ولا عادي مافي مشكلة اذا درستها سوى وكمان ابغى اعرف النحو صعب ويعتمد على ايش الفهم والا الحفظ وكمان كيف استاذة مأثر في النحو يعني طريقة شرحها معليش يا بنات طولت عليكم بس محتاجه تجاوبوني ضروري

حتى أنا مع ليلى بس مافي الا هي و انا ان شاء الله توكلت على الله وراح آخذ معاها

وبالنسبه لعلم الاصوات يفترض انك تآخيه بعد الصوتيات وماله علاقه في الصرف

وبالنسبه للنحو أنا أخذته مع مآثر وكان حلو لانها كل يوم تجيب معاها ورقه أو ثنتين وبس هي اللي تذاكريها في الاختبارات بس يحتاج حفظ كثير وصراحه الشرح مو قد كذا

والله الموفق

[شذى الوادي]

المشاركة الأصلية كتبت بواسطة غـــرور بنآت آبغآ نصيحتكم إيش آحسن 3 موآآد حـُرَه أخذتووهآآآآ ومع ميـن ؟ أنآ نفسي أخذ 6 موآآد آلترم ذآ بس خآيفه آنضغط بزيآده وأحمل شئ وإللي عندهآ معلومه عن مقدمه اللغويات والأدب تقولي صعبه ولآ لآ ؟ آلله يوفقنآ جميــعآآً

مادة الادب واللغويات ماهي مره صعبه بالعكس ممتعه

[so0oma]

شكرا اختي شذى الوادي على الافادة
بس مافهمت يعني احذف مادة علم الاصوات ولا اخليها انا مع استاذة منال التاودي ياليت تردي علية بسرعه
وجزاك الله خير

[شذى الوادي]

المشاركة الأصلية كتبت بواسطة so0oma شكرا اختي شذى الوادي على الافادة بس مافهمت يعني احذف مادة علم الاصوات ولا اخليها انا مع استاذة منال التاودي ياليت تردي علية بسرعه وجزاك الله خير

بالنسبه للاستاذات دائماً بيقولوا انو ممنوع ناخد علم الصوات قبل الصوتيات
في بنات بياخذوها سوا ويعدوا

انا صراحه ما جربتهم لكن راح امشي عالنظام وراح اخذ الصوتيات بس

وفي بنات بيقولوا ان الفونولوجي مع منال سهل جدا

والخيار الاول والاخير لكي

والله الموفق

[بنت شيوخ>>جده]

شوفوا هو لو كانت بالمره ماتجي مع بعض كانو خلوها متطلب صوتيات بعدو علم الاصوات
لمن سألت قالوا انو مع منال احفظي وبس يعني راح اخدها كلها واتوكل على الله ابي اتخرج خلاااااص

[Jasmine Al-Qahtani]

بنت شيوخ خذيها نصيحه منّي من اخت تبغالك الخير

الاصوات تعتمد على معلومات درستيها في الصوتيات والاستاذة مو مطلوب منها تعيد شرح الصوتيات عشان تفهمي الاصوات وبتعتبره غلط منك انو انتي مادرستي الصوتيات وماهي ملزمة تشرح لك المادتين


غير كذا تفتكري الشي اللي اسمو Transcr iption في مقدمة اللغويات
اللي تكتبي صوت الكلمة موالحروف

في الصوتيات .. حتتدربي وتتعلمي كيف تكتبيها بالاصوات مو بالحروف
في علم الاصوات .. المفروض تكوني جاية تعرفي الترانسكربشن مزبوط شي مفروغ منه وتتعلمي اشياء جديده زي السترس ومواطن السكنات واختلاف النطق واللهجات لكل كلمة

اذا عشان التخرج ضيفي مادة بدل الاصوات
لاتضيعي نفسك بس عشان تخلصي بدري

عموماً الله يوفقك ويوفق الجميع لكل خير
بس ماهان عليا انو ما ابين لك الصح

دمتي بود

[مملكة عمري]

بنت شيوخ
الفونولوجي صح حلو مع منال بس ترى راح تظلميه لو مااخذتي الفوناتكس
لو مخلصة الفوناتكس راح تجيبي درجه حلوة في الفونولوجي
حتتعبي كثير لو ماخلصتي الفوناتكس وراح تحسي نفسك ضايعه لين ماتجمعي الماده
المهم لو قررتي تاخذيهم مع بعض حولي تراااجعي قسم الفوناتكس والفونولوجي اللي في مادة اللغويات

بالتوفيق