تجمع طلاب الهندسة الصناعية ( Industrial Engineering Students Group )

[الباش مهندس faisal]

^^^
انا تجاوزت ie331
الماده دي متوسطة مادة احصاء وقوانين وجداول بس ماادري كيف مستوى صعوبتها مع شفيع انا اخذتها مع وائل حسنين والحمدلله كان مادة متوسطة الصعوبه بالنسبة ليا. اذا شديت حيلك ممكن تجيب 80 او 85 .

[Hero of San Siro]

شكرا من القلب يا مهندس فيصل على تفاعلك

بس عموما و شفيع كيف ؟!
وطيب الدكتور وجدي كيف برضوا ؟

وشكرا

[mksa]

[motr]فايروس

باتش

لحد يفتح شي من سوســن حسبي الله عليها [/motr]

[الباش مهندس faisal]

^^^
وجدي وزان كويس بس اهم شي التزم معاه واحضر وشد حيلك بالماده لانها 7 اختبارات كل اختبار من 10 درجات و30 درجه مشروع ومافي اختبار نهائي
شفيع مادرست عنده لكن اسمع من الشباب انوا مايفهم مراااا بس يدف شويتين .

[engneer.alprins.ismail]

ارائكم ياشباب في ماده ie453 عند دكتور محمد بالبيد
من ناحيه الشرح والدرجات وطبيعه الماده
وشكرا

[م/ المستقبل]

المشاركة الأصلية كتبت بواسطة engneer.alprins.ismail ارائكم ياشباب في ماده ie453 عند دكتور محمد بالبيد من ناحيه الشرح والدرجات وطبيعه الماده وشكرا

دكتور محمد بالبيد من أروع دكاترة القسم و أطيب قلب يهتم ويراعي طلابه
انا بقلك دا الكلام بحكم إني أخدت معاه ie256 - ie 490 - ie 499
وكلها ساعدني فيها بدرجات ما كنت متوقعها .. فعشان كدا خد الفاسيلتي معاه وانت مطمن شرح ودرجات
بحكم إني أخدت المادة سابقآ مع دكتور رشيد رطبة فهي تتكلم بصفة خاصة أفضل طريقة لتخطيط الإنتاج داخل المصنع وتصميم الديزاين الأمثل للحمولات داخل الشاحنات
وتحديد مركز ثقل الجادبية في المنتجات المصنعة
وكمان توزيع مهام المكائن في الإنتاج بحيث تحديد لكل ماكينة أقصى طاقة إستيعابية لها

ما حطول او اتفلسف عليك .. لكن المادة جدآ كتابها سهل ومسائلها حلوة بس يبغالها مخ نضيف و فهم جيد


بالتوفيق ..

[الباش مهندس faisal]

الله يجزاك خير ياصالح ويوفقك دنيا واخره بالنسبة للecon101 انا اخذتها عشان كذا بحاول اخذ econ 204
يقولوا المادة حلوة وسهلة وسمعت انها اسهل من 101 بالتوفيق ياصديقي العزيز.

[7amody love]

السلام عليكم شباب في احد يعرف ايش المواد ال اليكتف لانو لازم ابدا اخدها وماعرف عنها حاجه ومشكورين ولو في ماده سهله تنصحوني بيها ما تقصرو ان شالله

[Eng:S.T.M]

المشاركة الأصلية كتبت بواسطة 7amody love السلام عليكم شباب في احد يعرف ايش المواد ال اليكتف لانو لازم ابدا اخدها وماعرف عنها حاجه ومشكورين ولو في ماده سهله تنصحوني بيها ما تقصرو ان شالله

وعليكم السلام
عندك هدي المواد اللي نزلت اليكتف هدا الترم:
IE421-IE435-IE457-IE459-IE412

أنصحك تاخذ IE457:Supply Chain Management مو عشانها سهلة لكن لأنها مفيدة جدا في سوق العمل حسب ما سمعت، وبالنسبة لمستوى السهولة والصعوبة ما عندي خلفية عنها لأني لسة ما أخدت اليكتف،ان شاء الله الشباب يفيـــدوك

بالتـــــــــوفيــــــــــــــق،،،

[الباش مهندس faisal]

IE421 مع دكتور احسان الحق
IE435 مع دكتور مصطفى الادريسي
IE412 مع دكتور ابراهيم الضراب
IE457 مع دكتور محمد الكابلي
بصراحة ماني عارف طبيعة المواد دي لكن احسان الحق يركز على الحفظ
الادريسي اظنها حسابات بس مو متأكد
حقت الضراب اتوقع انها شي عن الكمبيوتر .
حقت الكابلي اسمها supply chin لكن يقولوا انها مادة جدا مهمة لنا كمهندسين صناعيين وحتفيدنا كثير بالمستقبل .
ملاحظه : للأيضاح هاذي المعلومات عن دي المواد اجتهاد شخصي مني وليست معلومات اكيده.
لو اني مكانك ممكن افكر بدي المواد بالترتيب دا
1-مادة الكابلي.
2-مادة احسان الحق.
3-مادة الادريسي.
4-مادة الضراب.
دعواتك يالغالي وبالتوفيق ياااااااااااااااااااارب.