جميع مايخص بعثة الملك عبدالله الابتعاث الخارجي

[bullet4myvalentine]

المشاركة الأصلية كتبت بواسطة new1momo أخواني الأفاضل الله يجزاكم كل خير على ردودكم المفيدة و أسأل الله أن نكون كلنا من المقبولين في البعثة عندس سؤالين : 1- أنا كتبت في الرغبة الأولى للبلدان : أمريكا ، و الرغبة الثانية : كندا و أنا دحين ما أبغى أمريكا ، أنا أبغى كندا هل بإمكاني أغير الدولة ؟ و ما هي الإجراءات ؟ 2- أنا طالب إنتساب في جامعة الملك عبدالعزيز ، وطالع بعثة مع زوجتي ، باقي لي سنة إن شاء الله و أخلص الدراسة ، هل أقدر أسحب أوراقي و أكمل اللي باقي لي من الدراسة في بلد البعثة ؟ يعني لو باقي لي ترم ( خمس مواد ) مثلاً ، هل أقدر أسحب ملفي من عبدالعزيز و أكمل الخمس مواد اللي باقية لي في دولة الإبتعاث ؟ يا ريت تفيدوني و جزاكم الله كل خير

الله يجزاك الخير

آمين يارب العالمين

اجوبه بالنسبه للأسئلتك:

1-تقدر تغيير بلد الابتعاث ازا جبت قبول من معهد او جامعه من كندا وان شاء الله يوافقوا وازا ماقبلوا انتا اشرح لهم السبب ليه تبى تغيير البلده وان شاء الله يوافقوا

2- والله يا أخويا دا الموضوع مو مره سهل التحويل يبالك تدور جامعه بنفسك ما أعتقد الوزاره راح يسووها لك وتشوف جامعات فيها تخصصك لانو مو كل جامعات بره عندهم كل تخصص وكمانه تدور جامعات فيها تخصصك وتخصص زوجتك عشان تكونوا مع بعض بعدها راسل الجامعه من ايميل او مكالمه تشرح لهم وضعك وتشوف ازا يعادلوا المواد حقك ولا لا ولا يشوفوا امكن بعضها يتعادل ولازم تدرس مواد غير اللي تدرسها ، الافضل لا تسحب كمل دراستك وقدم اساس ماستر وزوجتك تكمل نفس المرحله

والله يوفقك في الخير

[bullet4myvalentine]

المشاركة الأصلية كتبت بواسطة زهورر اللي عند علم ومعرفة انا ارسلولي موقع الوزارة رسالة غريبة نوعا ما وهي dsfd -------------------------------------------------------------------------------- اللي يعرف والللي ارسل لة مثل هاذي الرسالة علما ان هذة الرسالة ارسلت على الايميل قبل موعد مقابلتي

ايوه الكل اللي راسلهم الوزاره من المقدمين ارسلوا دا الرساله تجربه يتأكدوا ازا الايميلات اللي قدموا بيترسل ولا ما بيترسل لانو البعض اللي قدموا كتبوا الايميل اللي مايترسل الرساله عندو

[bullet4myvalentine]

اعلان هام

اشترطت وزارة التعليم العالي على المبتعثين ضمن المرحلة الخامسة لبرنامج خادم الحرمين الشريفين للابتعاث الخارجي الالتحاق بالدورة التأهيلية للغة الانجليزية التي ستنظمها الوزارة لاحقا.

وقال وكيل وزارة التعليم العالي لشؤون البعثات الدكتور عبدالله بن عبدالعزيز الموسى، ان الدورة ستشمل المتقدمين لمراحل البكالوريوس والماجستير والدكتوراه، مبيناً أن هذه الدورة تؤهل المتقدمين والمتقدمات للابتعاث الخارجي في اللغة الإنجليزية لمدة فصل دراسي واحد قبل أن يتم إبتعاثهم.

وأضاف الموسى أنها المرة الأولى التي يتم فيها إلحاق مبتعثي مرحلة الماجستير والدكتوراه لهذه الدورات، حيث كانت في السابق تقتصر فقط على المبتعثين لمرحلة البكالوريوس، مشيرا أن الدورة التأهيلية تتكون من جزءين: الجزء الأول يشمل توضيح الثقافة الغربية وطريقة التعامل، ومعايشة الثقافات الأخرى في بلاد الابتعاث، حيث تركز على توصيات تجنب المناطق الخطرة وبيان الملاحظات؛ التي يجب على كل مبتعث تجنبها، والتركيز على الأمر الذي ابتعت من أجله، كما سيشمل الجزء الثاني على منهج اللغة الإنجليزية على المصطلحات الطبية لدارسي بكالوريوس الطب.

وبين الدكتور الموسى بأن الدورات ستخضع لضوابط دقيقة لتحقيق الغرض من هذه الدورات بدء باختبار تحديد مستويات الطلاب والطالبات، مرورا باشتراط كون المحاضرين ممن لغته الأم هي اللغة الإنجليزية، مع الالتزام بإجراءات الحضور والغياب والمتابعة؛ كما سيتم تشكيل لجنة فنية متخصصة لمراجعة المناهج التي يدرسها الطلاب والطالبات، بالإضافة إلى إرسال فرق عمل من الأساتذة والمتخصصين لحضور المحاضرات ولقاء الطلاب، ومقابلة الأساتذة والإطلاع على سيرهم الذاتية، والإشراف على اختبارات قياس المستوى.

يذكر أن الدورات السابقة التي نفذتها الوزارة لمرحلة البكالوريوس؛ قد حققت نجاحا ملموساً، مما عمل على استمرارها واعتمادها من ضمن متطلبات الابتعاث للفوائد الجمة التي حوتها والنتائج الملموسة التي حققتها، وكانت دافعا لاشتراطها على متقدمي مرحلة الماجستير والدكتوراه.

[$$$$$]

السلام عليكم
اختي مشكوره على جهودك بس عندي سؤال بسيط هل في مرحله سادسه لانهم اعلنوا انو البرنامج دا(برنامج خادم الحرمين للابتعاث) يتبع خطه خمسيه وهذي هي المرحله الخامسه فما ادري عندك علم بالموضوع وشكرا

[bullet4myvalentine]

المشاركة الأصلية كتبت بواسطة $$$$$ السلام عليكم اختي مشكوره على جهودك بس عندي سؤال بسيط هل في مرحله سادسه لانهم اعلنوا انو البرنامج دا(برنامج خادم الحرمين للابتعاث) يتبع خطه خمسيه وهذي هي المرحله الخامسه فما ادري عندك علم بالموضوع وشكرا

وعليكم السلام ورحمة الله وبركاته
لا تشكرني يا أخويا كان من دواعي سروري مساعدة اخواني واخواتي في الابتعاث
بالصراحه انا جاوبت دي السؤال ماأدري كم مره بس جوابي زي ماهوا الله أعلم البعض يقول امكن اخر مرحله بالنسبه لبكالوريوس وراح يكمل البرنامج بس يبتعثوا اللي يبو يكملوا ماستر او دكتوراه والبعض يقول دا آخر مرحله وراح يكملوا بعد 5 سنوات لانو دا كا الوقت خلاص كل اللي ابتعثوا من المرحله الاولى الى الخامسه انتهوا واتخرجوا دحينه امكن يقولوا خلاص وعلى السنه الجاي يسير مفاجأه في مرحله السادسه الله أعلم

[east flower]

المشاركة الأصلية كتبت بواسطة bullet4myvalentine ايوه الكل اللي راسلهم الوزاره من المقدمين ارسلوا دا الرساله تجربه يتأكدوا ازا الايميلات اللي قدموا بيترسل ولا ما بيترسل لانو البعض اللي قدموا كتبوا الايميل اللي مايترسل الرساله عندو

مشكورة ياعسل الله يوفقك يارب

بس الرسالة اللي بتتكلمو عنها ماجاتني ليييييييييييش؟؟؟

[bullet4myvalentine]

المشاركة الأصلية كتبت بواسطة east flower مشكورة ياعسل الله يوفقك يارب بس الرسالة اللي بتتكلمو عنها ماجاتني ليييييييييييش؟؟؟

الرساله مو مره مهم هوا بس كده 4 ولا 6 احرف من عندهم بس المهم انو يرسلوا لك رساله تم ترشيحك في بلده كده وتروحي الملتقى

[uhood]

السلام عليكم
اولا جزاكي الله خير على جهودك
ثانيا عندي كم سؤال
1- لازم احنا اللي نجيب القبول من الجامعات او المعاهد بالخارج او من الوزارة نفسها؟؟
2- في ناس طلعوا بعد سنة وفي ناس اقل على اي اساس تتأخر البعثة؟؟ عشان الفيزا او القبول في المعاهد؟؟
3- ازا انا اخدت التوفل هنا هل دا حيساعد اني اطلع بدري او في ايش حيفيدني؟ لاني بصراحة محتارة اخدوا هنا ولا هناك
وشكرا

[bullet4myvalentine]

المشاركة الأصلية كتبت بواسطة uhood السلام عليكم اولا جزاكي الله خير على جهودك ثانيا عندي كم سؤال 1- لازم احنا اللي نجيب القبول من الجامعات او المعاهد بالخارج او من الوزارة نفسها؟؟ 2- في ناس طلعوا بعد سنة وفي ناس اقل على اي اساس تتأخر البعثة؟؟ عشان الفيزا او القبول في المعاهد؟؟ 3- ازا انا اخدت التوفل هنا هل دا حيساعد اني اطلع بدري او في ايش حيفيدني؟ لاني بصراحة محتارة اخدوا هنا ولا هناك وشكرا

وعليكم السلام ورحمة الله وبركاته

الله يجزاكي الف خير

الاجوبه بالنسبه لآسئلتك:
1-بالنسبه لاحضار القبول من المعهد او الجامعه الوزاره امكن تجيب قبول تقريبا 5% من المبتعثين والباقي يحضروا بنفسهم ، اول الشي ان شاء الله وقت الملتقى يدوكي الضمان المالي عشان تيجيبي قبول من معهد او جامعه عشان تخلصي بسرعه وانتي عارفه البلده اللي انتي رايحتها ازا استنيتي قبول منهم امكن يحطونك في بلده وتخصص مو من اختيارك دا التعهد دي السنه.

2- دا التأخير انو هما استنوا القبول من الوزاره ، وكمانه تختلف وقت الدراسه في الجامعات في ناس مايقدروا يلحقوا يدرسوا على شهر الاول من 2010 يمديهم يلحقوا يدرسوا على شهر 5 من 2010.

3- بالصراحه يا أختي انتي راح تقدمي اساس انتي من (international student) الجامعات في بريطانيا و ايرلندا واستراليا يبالك IELTS اما الجامعات في امريكا وكندا من طلبات القبول في الجامعه يبالك يا SAT او ACT او TOEFL
عشان تنقبلي في نوعين توفل (paper based test, internet based test)
على حسب في جامعات ازا جبتي في( paper based test) اعلى من 600 - 500 تكوني مقبوله بس النتيجه حقها يطلع بعد 5 اسابيع من اختبارك
او ازا جبتي في (internet based test )اعلى من 100-200 تكوني مقبوله ان شاء الله بس النتيجه يطلع بعد 15 يوم من اختبارك جربي اختبري فيها.

معلومه البرنامج 5 سنوات ( سنه لغه و4 سنوات بكالوريوس) ، ازا اجتزتي اللغه راح يبقالك 4 سنوات نصيحتي ازا تبي تسافري بدري سجلي في معهد راح تدرسي فيها وتقوي لغتك بزياده وتتأقلمي وراح تختبري توفل مره تانيه ازا حسيتي درجتك مو طيبه اللي جبتيها اول الافضل من ضياعك في اول يومك في الجامعه والمعاهد يبدأ الدراسه منها 20-25 من الشهر 1 2010 اما الجامعات تبدئي تدرسي امكن على شهر 5 او 6 او 7 من 2010 لانو الجدول الدراسيه عندهم غير عندك تقريبا 4 عندهم spring , fall , summer a , summer b مو زي هنا خلاص مالحقتي عندكي السنه الجايه .

ان شاء الله فهمتي المعلومه زي الناس لاني حاسه امكن كتبت طلاسم ههههههههههههههههههههه
والله يوفقك في الخير

[زهورر]

المشاركة الأصلية كتبت بواسطة bullet4myvalentine الرساله مو مره مهم هوا بس كده 4 ولا 6 احرف من عندهم بس المهم انو يرسلوا لك رساله تم ترشيحك في بلده كده وتروحي الملتقى

الله يعافيك اختي ماني فاهمة ليش هم طلعو الترشيحات النهائية والا ايش