حمله تاجيل الدراسه في الجامعه

[لحن الحياهـ]

المشاركة الأصلية كتبت بواسطة جمالي يكمن في روحي الى كل من يقرء رسالاتنا واصواتنا ارجو منه المساعدة نحن نتكلم عن ارواح عن مسلمين عن اباء عن امهات عن ابناء فليتخيل كل منا لدقيقة واحدة عن بعد شخص يحبه ويعزه ويتخيل بمقدار القلق الذي سيحمله وهو بعيد عنه ياناس هناك قصص وفاجعات نسمع بها وبعضنا من رءاها بعينيه كيف سيكون شعوره الان نحن لا نطلب التاجيل لكسل اوللهو نحن نطلبها من اجل اسرنا واقاربنا مناجل ديننا وبلدنا هناك اناس الى الان لم يستقرو في مساكنهم بعد السيول والفيضانات نرجوووووووو من كل قلوبنا ان يتم الأفضل لنا ولحياتنا

كلام منطقي
بس فين اللي يفهم
فين اللي عندو احساس وضمير ويفهم الكلام دا
طبعا مو موجود لانو عاايش بقصر مو حاس بالناس الضعيفه

[tiiito0o]

وانااا معاكم

[ana-vip]

الله قال : معنا الايه : انو لاتلقو بايديكم الى التهلكه

انتو عارفين انو في علم في ارصاد جويه احنا مانقول علم غيب بس في علم الله اعطانا هواا
الناس تقوول السحب معبااايه اليوم نزل مطر وازا كان خفيف اسمو مطر

بكرا الله اعلم بس يتوقعو مطر مطر

مافرقت لو اتاجلت اسبوووع ماراح تتخرب الدنيا ولا راح تدود الجامعه

بس مو حلو نخسر اكتر من الي خسرناه من ناااس يعزوو علينا

ام واخ وخال وجد مو لازم نعيد نفس السيناريوووو


تقبل

[Woman stone]

ياجماعه الي خايف على نفسه لايدوام

انا ماني مطمنه للمطره اليوم نزلت عندنا

بأبحر شوي غزيره وبالجنوب غبار

وربي شي يخوف الدراسه تتعوض بس العمر مابيتعوض..

[~soso~]

المشاركة الأصلية كتبت بواسطة mela خلاص خذوها مني اوراحكم اهم من كل شي في الدنيا كل شي يتعوض الا روحك ما تتعوض وهم ما شاء الله ما همهم لا روح ولا غيره بس اهم شي يبغو يطلعو قدام الناس ان شوفو فتحنا الجامعه رغم الظروف الصعبه و لا حتى فكرو فيكم يعني هذا وجهي اذا كان عندهم خطة اخلاء لا ما شاء كل ذي السنين ما دربو الطلاب على خطة اخلاء جايين بيدربوهم في يوم و لا امداهم يوفرو طوق نجاة لكل طالب بالجامعه >>>>>> على مين بس اقول اسلمو بأرواحكم اسبوع و خليهم يدو محاظرات للجدران و يختبرو الطاولات هذا اذا جو اصلا

كلامك سليييم


والله اني ابغاها تتأجل مو بسبب الكسل ولا عشان عندي اختبارات
لكن جد الوضع مايسمح ابدا والاجواء متقلبه ومتوقع هطول امطار غزيررره وهذا كلام الارصاد يعني موثوق
زي ماقلتي الجامعه بتبين انه قدرنا نصلح التلفيات والدراسه بتستمر وكل شئ اوكي وتمام
لكن العقل يقول الوضع غير مطمئن والشوارع اصلا معدومه كيف نوصل للجامعه وغير كذا ياعالم الجامعه غررقت وراحت فيها كيف بالله يبغونا نداوم ؟؟؟؟
انا غايبه غايبه هذه مافيها كلام , بس والله مقهورة من عقولهم هذه كيف يفكرو هذه ارواح بشر مو شئ هيّن

[سلطان747]

انا مو معكم مو كل الطلاب عندهم الي تقولو انا من جنوب شرق جده والامور تمشي الحال وماابغى تتأجل الدراسه

والمسؤولين في الجامعة مابيقولو مافي تأجيل من فراغ

واذا بنخاف من بحيرة اش يسوو اليابانين مع الزلازل الي كل يوم

[mela]

المشاركة الأصلية كتبت بواسطة سلطان747 انا مو معكم مو كل الطلاب عندهم الي تقولو انا من جنوب شرق جده والامور تمشي الحال وماابغى تتأجل الدراسه والمسؤولين في الجامعة مابيقولو مافي تأجيل من فراغ واذا بنخاف من بحيرة اش يسوو اليابانين مع الزلازل الي كل يوم

يا بابا تحسب اليبانين زينا
دولا تلاقيهم مدربينهم كيف يتصرفو اذا جا الزلزال مليون مره هذا غير انهم يدو دورات تدريب عندهم كيف يواجهو الخطر
اما عندنا وربي صار لي اربع سنين في الجامعه ماعمرهم دربونا على خطة اخلاء ولا حتى جابوا سيرتها مخلينها كذا اذا جات مصيبه يقولو قضاء وقدر
اقول اهجد بس اذا بتسويها دفرنه زايده و بتروح محد قالك لا اما احنا لا والله ارواحنا اهم

[sweeeeeeeeeeeeeeet]

انت الان في مكان آمن
لكن اذا داومت ونزلت امطار لاقدر الله وانفجرت البحيره
صدقني ماحتكون في أمان ابدا ابدا
خليك في بيتك احسن لك على الاقل لمن تهدى الاجواء والله لاحق ع الدراسه روحك اهم

[*دلوعة جدة*]

انا معاكم في الكلام اللي قلتوه كمان اعرف واحدة من الاستاذات
اللي لها صيتها في كل الانحاء توفت هي وزوجها والشغالة
ياهووووووووووووووه احنا قاعدين نشوف الموتى قدامنا وكمان يبونا نروح ونداوم وفي مكان مو امان
معليش الين هنا وبس *معصبة *

[candi]

المشاركة الأصلية كتبت بواسطة سلطان747 انا مو معكم مو كل الطلاب عندهم الي تقولو انا من جنوب شرق جده والامور تمشي الحال وماابغى تتأجل الدراسه والمسؤولين في الجامعة مابيقولو مافي تأجيل من فراغ واذا بنخاف من بحيرة اش يسوو اليابانين مع الزلازل الي كل يوم

بس الواحد ما يفكر بنفسو بس
معليش على كلامي
ادا انت نفسيتك تسمحلك تداوم
و ما في احد طلعك من بيتك
وخلاك كدا ما تعرف فين تروح
كتييير كدا صار فيهم
وانا وحدا منهم والحمدلله على كل حال
وايش يسوو اليابانين ؟؟
دول اليابانيين مستعدين ومجهزين كل شي ومتعودين على كدا واتعودو على دا الشي وعرفو يتصرفو
ممكن ناسي انك في السعوديه
وسوري ادا كلامي كان تقيل عليك