ملتقى الاستفسارات عن الدكتورات ( plan A + B )

[دانه الكويسه]

انا مع ضحى من 11 ل 12 احد و ثلوث و خميس *
في فرع الشرفيه
الفيزياء
احسن شي من ناحية الشرح ليلى جعبور و ميمونه ابو طالب
بس الاء امام اللي درستني كانت مسويه سلايدات و تحل عدد كبير من الاسئله و مره تساعد كنت اشوفها الافضل عندها افكار و كذا ..
و كانوا صحباتي من السليمانيه يفتحوا نماذج من موقعها ة سلايدات و يذاكروها ف حتى لو ما نزلك عندها ذاكري منها جدا مرتبه ..

الرياضيات انا ما حضرت الا لعواطف و هي التوب
تحل بطرق مختصره و سريعه و ما تسيب تمرين في السيلبوس الا تحله في السكشن

عكس الباقيين
مدحوا رانيه الغامدي و اماني السلمي بعد

انا كنت عند مريم اليامي مو كويسه

جربي بنفسك افضّل ..

[وفاء حلواني]

أحد يعرف كيف مريم بخاري فيزياء وجيهان البار رياضيات؟؟

[LujainH]

السلام عليكم
انا خطة ب
و حقولكم عن الدكاترة

الاحصاء : دكتورة عبير بالبيد
مرررةةة يييننااسسس و عففووييية ومررررة طيبة
تشرح من قلبها و تتمنى كل طالبتها يكونو فاهميين و تتأكد مهي عصبية ابدًا و ترتاحي معاها و هيا ترا مرررة سريعة و تسوي مراجعة قبل كل اختبار ب تحل معانا اسئلة و لو في اي سؤال مو فاهمتو ترحب فيكي بس الاحصاء يعتمد عليكي كتير اهم شي انتي تفهمي

بس كتير يمدحو سماح سندي لانها بتديكي الزبدة من كل شي و تخلص فنص ساعة او اقل
ودعاء بوقري تشرح لك بالتفصيل المكل ما قد حضرت معاها بس صحباتي بيقولولي كدا
السكشن احضرو عند سماح و انتو مغمضين


الكيمياء :
كنت عند دكتورة أمل باصالح
بالله اللي جاتها دي الدكتورة تغيرها ولا تشوفلها مدرسة ولا اي شي
ما كنت افهم معاها والله
احضرو عند دلال زين العالدين او نهى وزان دولا كويسين ومعرف ازا في احد كويس تاني


انا الاحياء
الاحياء يعتمد عليكي انتي اولًا و ثانيًا و ثالثًا
كنت عند دكتورة أمل منسقة المادة
صح طيبة و يناس و تحتول تفهم يعني ممشين حالنا
وكانت احيانًا تحضر لنا حنان الشاذلي
شرح حنان يدخل المخ ما يحتاج انتي تربطي المعلومة خلاص تديكي هيا جاهزة
لا تخشو الاختبار الا و انتو حافظين السلايدات زي اسمكم
ترا اول مرة بيكون صعب وما تفتكري شي بعدين بيسهل عليكي ومرة بعد مرة حتثبت المعلومة وما حتصدقي نفسك انو خلاص حفظتيه
اسهل اسئلة اسئلة الاحياء


دحين دوركم
انا رياضيات عند اسيا زقزوق و فيزياء عند ريم درويش
اضمن a+ بعد ربنا عندهم ولا احول؟

[حلم Dream]

ريم درويش كنت معاها فيزياء شرحها يعجبني وكويس وتعطي سلايدات تجيبيها معاك وتشرح عليها

[-raf]

اهلاً لجين

ريم درويش زي ماقالت حلم
شرحها مفهوم
تشرح على سلايدات وتكتب ع السبورة برضو
كل محاضرة تراجع اللي اخذتيه المحاضرة اللي قبلها وتربط لك المعلومات
واهم شي لو سألتيها تعيد لك الف مره المهم الطالبة تفهم
تعاملها مع البنات مررراا كويس، تهتم بطالباتها
شخصياً حبيتها :)

آسيا زقزوق شرحها كويس، تعطي امثلة كثير وتحل تمارين كثير
عندها ملزمة تشتريها من خوارزم كثير طالبات اعتمدوا عليها حتى من الشعب الثانية
اللي ماحبيته تاخذ محاضرات اضافية
كانت تجمع ال3 شعب من 12 ل 1 وتجلس تشرح وتحل :/
بس تقول لو مااخذنا اضافي ما حنخلص المنهج :/
احيانا اسلوبها ينرفز واحياناً تحسيها طيبة مدري كيف


طيب استاذة الهام شفيق اعظم - كيمياء ؟

[فاتحة]

يب أ.آسيا زقزوق مرة كويسة ملزمتها تحل كثثثثثثثثثثثثثثثير و شرحها يمكن يعجبك ويمكن لا .. أحيانا تقرأ من ملزمتها بس ما حضرتلها اضافي ابدا الا كم مرة

الحين أحس الكيميا وضعه غريب جدا الأغلب طلع مع د.الهام أعظم سواء يومين أو 3 ايام .. فشكلو مو هي ..

[Iarwa]

بنات بليز اللي عند حنان الشاذلي احياء تقول اوقات المحاضره والايام
واللي عند ليلى الحربي كيمياء
وعبير بالبيد احصاء

[mo_mo_135]

بنات بليز الي عند دكتوره عايشه مباركي او تعرف متى وقت محاضراتها تقول الله يسعدكم 😢😢😢😢

[حلم Dream]

المشاركة الأصلية كتبت بواسطة iarwa بنات بليز اللي عند حنان الشاذلي احياء تقول اوقات المحاضره والايام واللي عند ليلى الحربي كيمياء وعبير بالبيد احصاء

حنان الشاذلي أحد وثلاثاء وخميس من الساعه 9 - 9:50

[N.H.J]

طيب شفاء العامودي كيف فالرياضياااتتت؟

الاغلب مامدحوها .. لهالدرجه يعني مو كويسه :( ؟!