تجمع للمتقدمين والمتقدمات للدراسات العليا لعام 1432 - 1433 هـ

[درر مكنونة]

شكراً أختي فتاة العصر الله يجزاك الجنة ويكتب لك التوفيق ..

[درر مكنونة]

فتاة العصر والجميع الله يجزاكم خير..
الرابط اللي فوق اللي في مشاركتك يقول على المتقدم حضور الأختبارات المرشحة فيها ..
أنا دخلت ثلاث رغبات منها أقتصاد منزلي تربوي وفنون إسلامية لازم أدخل الإختبارين كلها .. لأني ما أتوقع إني بأكون موجودة في جدة يوم الأحد ..

[فتاة العصر]

هو طبعا لازم تحضري الاختبارين علشان يكمل حساب المفاضلة للرغبات الخاصة فيكي

بس طبعا انتي ممكن تدخلي الاختبار اللي تبغي تكملي فيه والرغبة اللي ماهتدخلي هتنحذف طبعا وهتنلغي من رغباتك ...

[حبي لذاتي قمة أولوياتي ~]

يسعد لي خاطرك ياقمر ~

الله يعطيك على قد نياتك وأكثر \~

روابط هامة :


إعلان للمتقدمات لبرامج ماجستير الكيمياء والأحياء بالفصيلية.

http://graduatestudies.kau.edu.sa/Pa...%8a%d8%a9.aspx


إعلان للمتقدمات لبرامج الماجستير بأقسام الاقتصاد المنزلي


http://graduatestudies.kau.edu.sa/Pa...%84%d9%8a.aspx

[الأمل المجروح]

حابه أسأل عن اللي جاتهم رسالة حالة الطلب مستوفي الشروط هل يعتبر قبول نهائي أو لا

[فتاة العصر]

لا ،،، هذا قبول مبدئي فقط اللين مايخلصوا اللي عندهم اختبارات مفاضلة وموافقة الكليات بعدها ...

[طموح 2009]

بنات معليش انا بقدم على ماجستير علم اجتماع
ايش خطوات القبول بعد التقديم في النت والقدرات واختبار اللغه ايش بعدو ايش المفاضله دي ؟..

[lolo100]

السلام عليكم
انا مقدمة على ماجستير الاقتصاد المنزلي التربوي لهذا العام 1432\1433
و الحمد لله ارسلولي على جوالي موعد الاختبار و هو 19/5 الساعة 2 الظهر بس مكان الاختبار مني عارفته فين موقعه باي حي و اي مبنى و اي قاعة و انا ماني من جدة ارجوكم ساعدوني اختباري بعد بكرا و دقيت على نفس القسم اكثر من مررة ما يردو
و جزاكم الله خيرا

[miss estakoza]

صبحكم الله بالخير ..
الله يخليكم ابا اسأل عن أختبار التوفل .. كنت ابعبص في موقع العمادة من الوسوسة الزايدة و دخلت شرط اللغة و الكلام المكتوب شككني في نفسي قلت أجي أسألكم ..
انا دحين أختبرت التوفل اللي درجته من 120 مو اللي من 600 واسمو toefl ibt وجبت 94 .. سؤالي يعني هما في العمادة عارفين الفرق بين الأختبارين و تحويل الدرجات ولا حيشوفوا درجتي و يعتبروها واطية ؟؟

الله يخليكم اللي عندو معلومة لا يبخل عليا ..

[Areej alrefai]

من جد الله يسعدكـ ماقصرتي يافتاة العصر

صح المقر الرئيسي للجامعة في حي السلمانيه ؟؟؟؟

الله يستر مااتوهـ في هذه الجامعة