طالبات المستوى الثالث والرابع سابقاً شاركونا خبراتكم

[ام حمدان]

المشاركة الأصلية كتبت بواسطة الزيتونة كيف حال الجميع أم حمدان بالنسبة للمعلمات واختيارهم فحتى لو كان اختيارنا للمعلمات عن طريقهم ماهي مشكلة لانه سواءا كنت عند فلانة ولا علانة فمسبوق في الكتاب المحفوظ ماهي نتيجتي ودرجتي البطاقة والمعلمات وكل هالامور اشوف انها ماهي قضية كبيرة القضية انه كيف نعرف الكتب الصحيحة اللي راح ندرسها القضية كيف ممكن نعمل مجموعة تحاول تبدأ في شرح اول درس وفهمة القضية في انه نجتمع كل يوم ونحدد كم حفظنا واش حفظنا نفكر باللي في ايدنا الحين ونستغله بقدر المستطاع أم حمدان طريقتك عجبتني في التحري ومحاولة جمع المعلومات لكن اشوف خط الخوف بدأ يزيد !! ويشغلك عن الموضوع الاهم وهو تعلم اللغة بشكل متقن وكبير اتمنى لك التوفيق حبيبتي وانتظر انه نبدأ مع بعض فعلا الله يحفظكم

حبيبتي اشكرك على اهتمامك
بس ترى حكاية اختيار الاستاذات برضو مهمه وتفرق كثير لمن ادرس عند وحده شرحها حلو وتراعي بالدرجات عن وحده شرحها مو حلو لا وتظلم في الدرجات
بس اذا كنتي قريتي ردودي السابقه كلها بتلاحظي رغم اهمية النقطه هاذي الااني مو مره متخوفه منها لاني سألت قبل كذا بنات الانتظام وطمنوني انه استاذات المستويات الاولى بالقسم كويسين بشكل عام
ولاني متوقعه انه من الطبيعي مو كل شي اتمناه القاه يعني موشرط اسجل كل موادي عن الاستاذات الي اتمنى اكون معاهم يعني هذا مقدر ومكتوب ان صار ولا ماصار مايهم المهم اني اجتهد واسوي الي علي والباقي على ربي لكن طالما في فرصه اني اروح لافضل الاستاذات ليه مااستغلها هذا هو قصدي من الموضوع كله ياعزيزتي والي كاتبه ربك بيصير
بالنسبه لحكايه بدأ المذاكره الفعليه للمواد طيب لازم نعرف بالاول احنا مع اي استاذه مسجلين عشان نروحلها للجامعه ونسألها عن الكتب الي نشتريها بالضبط ووين ممكن نلاقيها وبعد كذا ننزلها للبنات هنا في المنتدى لان فيه بنات من خارج جده ومايقدرون يروحون بنفسهم للجامعه ويتاكدون
فعن نفسي انتظر حكاية اسماء الاستاذات واذا عرفت منهم الي انا عندهم إن شاء الله بنزل كل المعلومات الي عن الكتب هنا بموضوعي عشان البنات الي مسجلين عندهم يستفيدون
اسفه عالاطاله بس حبيت اوضح الي ناويه اسويه
موفقه ياعزيزتي

[my-nana]

المشاركة الأصلية كتبت بواسطة ام حمدان اش هي الي نزلت في الجدول الدراسي ؟

أم حمدان ركزي الله يخليك أقصد طلب التسديد نزل بدل الجدول في صفحتي
وكمان نزلت موضوع خاص بهذا الشي

[الزيتونة]

فهمت عليك أم حمدان الغالية
لكن الكتب عند كل المعلمات سواء مافيه فرق
ماهي معقولة عاد كل وحدة بتحط كتاب من عندها
انا جالسة اتصل على المعلمة ريم فطاني واسألها
بس يارب ترد على اتصالي
تحياتي

[ام حمدان]

المشاركة الأصلية كتبت بواسطة my-nana أم حمدان ركزي الله يخليك أقصد طلب التسديد نزل بدل الجدول في صفحتي وكمان نزلت موضوع خاص بهذا الشي

هههههه ادري شفته ونسيت مااقولك اني فهمت قصدك سوري
بس ياشيخه في وحده منزله موضوع تقول اجلو التسديد لبعد اسبوعين
وماني عارفه ايش الحكايه عموماً إن شاء الله بكره اروح واشوف الحكايه ذي

[ام حمدان]

المشاركة الأصلية كتبت بواسطة الزيتونة فهمت عليك أم حمدان الغالية لكن الكتب عند كل المعلمات سواء مافيه فرق ماهي معقولة عاد كل وحدة بتحط كتاب من عندها انا جالسة اتصل على المعلمة ريم فطاني واسألها بس يارب ترد على اتصالي تحياتي

والله ماادري يالزيتونه بس اعتقد الي يختلفون فيه يمكن الرايتنق على مااعتقد بس انا مابغى اتسرع
واندم عندك مثلاً يوم كنا تحضيري اتغيرت مناهجنا في نفس السنه انا كنت خطه ب ودرست الترم الثاني مواد خطه ا وعلى حظنا غيروا منهج الرياضيات والتحليل الكمي مع الفرق ترم بس والسنه هاذي كمان تغيرت من جديد فما استبعد يصير معانا نفس الشي فليش العجله الصبرجميل
عموماً قوليلنا اذا ردت عليك اوكي
موفقه

[ذكريات حزينه7]

المشاركة الأصلية كتبت بواسطة ام حمدان حبيبتي تدرين وش مشكلتك وايش السبب الي يخوفك ويغير نفسيتك من التفائل للتشاؤم بكل بساطه النك نيم او الاسم المستعار ذكريات حزينه ههههه حبيبتي لاتزعلين مني بس حبيت امزح معك بس من جد هونوها وتهون يعني تبغون تفهموني ان التخصصات الثانيه اسهل وماتحتاج مذاكره يابنات مافي شي يجي بالساهل اجتهدوا واعملوا بالاسباب وتوكلوا على الله وربي ماراح يضيع لكم تعب موفقين إن شاء الله ياعزيزاتي

تسلمين حبيبتي على كلامك
الحلو اللي مثل قلبك وأكيد نتوكل على رب العالمين
والله يوفقنــا ..

[ام حمدان]

بنات دوبي شفت موضوع في ملتقى المنتسبين
يقول انه موعد السداد للرسوم من يوم 17/10/1430 الى 2/1/1431
والمصدر عمادة خدمة المجتمع بس غريبه ليه مانزلنا في التقويم

[ذكريات حزينه7]

المشاركة الأصلية كتبت بواسطة ام حمدان بنات دوبي شفت موضوع في ملتقى المنتسبين يقول انه موعد السداد للرسوم من يوم 17/10/1430 الى 2/1/1431 والمصدر عمادة خدمة المجتمع بس غريبه ليه مانزلنا في التقويم

مشكوره أم حمدان على هالخبر ..
وإن شاءالله ينزلوا موعد الدورات التأهيليه عشان نستعد من بدري ..

[ام حمدان]

المشاركة الأصلية كتبت بواسطة ذكريات حزينه7 مشكوره أم حمدان على هالخبر .. وإن شاءالله ينزلوا موعد الدورات التأهيليه عشان نستعد من بدري ..

شكلك ماشفتي ردي امس انا رحت امس الجامعه وشفت اعلان معلق في كليه الاداب مكتوب انه الدوره حتبدأ يوم 5/11
موفقه ياعزيزتي

[ذكريات حزينه7]

المشاركة الأصلية كتبت بواسطة ام حمدان شكلك ماشفتي ردي امس انا رحت امس الجامعه وشفت اعلان معلق في كليه الاداب مكتوب انه الدوره حتبدأ يوم 5/11 موفقه ياعزيزتي

لا والله ماشفت توني أعرف عالعموم تسلمي والله يعطيك العافيه على هالأخبار وماشاءالله دايما سباقه
وعسى الله يوفقنا وإن شاءالله نلتقي على خير ..