بنات ماجستير علم نفس تعالوا هنا بسرعه للاهمية؟!

[فراشة غامد]

الي ربنا كاتبه هو الي راح يصير
انا عن نفسي اتوقع راح استعد لشهر ثلاثه (:

[جوورري1]

المشاركة الأصلية كتبت بواسطة فراشة غامد الي ربنا كاتبه هو الي راح يصير انا عن نفسي اتوقع راح استعد لشهر ثلاثه (:

me too

[امووون3]

يارب يختار لنا اللي فيه الخير
بالنسبه لسؤال الالوان انا اخترت اللون الدخيل الازرق
لان دائما الاحمر والاصفر والاخضر الوان اشارة المرور دا اللي جا ببالي
والسؤال حق مدري مين اللي اخد تلت المبلغ اللي مع صاحبو وهوا اخد تلت المبلغ اللي مع التالت نسيت السؤال
بس الصراحه ماكنت فايقه احسب كنت شايله هم خطة البحث فاخترت 96 على ما اظن
وبالنسبه لسؤال كلمة شائن ايش تعني
احترت مابين قبيح وعائب
واخترت عائب
اما سؤال ام نسرين مررررره بصراحه ضحكني يعني سؤال تركيز بس
بس والله في بنات اختارو رمضان مساكين ما يتلامو بس ضحكوني
الاسئله عموما كانت مسليه
حسيت نفسي العب
صابت صابت
خابت اهي تجربه وعدت
واتعلمنا اكيد منها
بس بنات ايش اجابة السؤال الشبكه اللي زي الويكيبيديا
انا كتبت الويكي احترت مررره
ما راح ازعل كتير لو ما اتقبلت بس راح ازعل لو ما عرفت درجتي
مررره فيا لقافه
الله يسهلكم كلكم يابنات ويديكم لما يرضيكم قولو امييييين

[جوورري1]

أموووووووووووووون صباح الخير بالنسبة لإختيارك الويكي تراه صح
شوفي لمن فريت النت اش كاتبين عنو:
ماهو الويكي Wiki ؟


ويكي (Wiki) هو موقع ينشأ من قبل شخص ويسمح للزوار بإضافة المحتويات وتعديلها بأبسط شكل ممكن.

ويختلف عنBlogs من حيث اتاحة المجال للزوار بالتعديل في محتوى الموقع نفسه والاضافة والحذف، وهو مايعطي الامكانية للتوسع في موضوع معين، وكذلك امكانية تجمع محبي موضوع معين بشكل يختلف عن المعتاد مثل المنتديات أو المجموعات البريدية واشهر مثال على مواقع الويكي هو موقع ويكيبيديا العالمي. تجدر الاشارة الى أن كلمة ويكي تعني السرعة أو أسرع بلغة سكان هاواي الأصليين واخذت هذه المواقع تسميتها من البرامج المستخدمة لانشائها وادارة أنظمة محتواها مما يوضح مدى السرعة و السهولة في التعديل والتعامل معها.


انا اخترت الفيس بوك؟؟؟؟؟
مو قلتلكم جبت أعياد مو بس عيد واحد

[اموره انا]

انا كمان بستعد لشهر 3

بس ياليت لو نعرف الدرجات حقتنا

[كيان أنثى]

اسألتهم الاختيارية كانت سهلة وواضحة الحمدلله..

يعني الي كان له خلفية وخبرة في كل شي تكلمو عنه رح يحل كويس...

يعني ماله علاااقة بمذاكرة ولاشي..

فالي تعبو نفسهم ياحليلهم والله ..

بس الي حااسني السؤال المقالي..

ماكنت اعرف ايش يبغو بالضبط وخبصت الدنيا فيه..

اذا جا على رفضي بيكون بسبب هذا السؤال..


واذا كانو بس فاتحين بس جنائي افضل مااكون ضمن المرشحين مع ان حلمي اربط تخصصي بالبكالوريس بالماستر..



ربي يكتب لي مافي الخير وين ماكان..

[ملكة بلا مملكه]

المرة الجايه ماحتعب نفسي في المذاكرة .. وماحزعل اذا ماانقبلت كله نصيب ..

[فراشة غامد]

تتوقعوا النتائج بكره؟
خلاص مليت الانتظار نفسي اعرف ):

[مشموشة]

الله يوفق كل اللي دخلوا الاختبار ويكتبلهم القبول
انا عن نفسي اختصرت الموضوع ومادخلت وخاصة بعد تحديد عدد المقبولات
فقولت باذن الله شهر 3 طالما راح يفتحوا كل التخصصات يعني في فرصه اختيار اكبر ..

[جوورري1]

كلنا ان شالله لازم نستعد لشهر ثلاثة

<<<<<<<<<< شفتوا الروح الرياضية