تجمع استفسارات ؟ ♥ ♥ #تحضيري_15 ♥ ♥

[Somaiah Yousef]

المشاركة الأصلية كتبت بواسطة asma. انا ابغا اعرف الاختبار النهائي كيف اذاكر 12 باب كيمياء و مدري كم باب احصاء يعني الاسالة تجي 20 سوال من الدوري و 20 الشابترات الجديدة ولا كيف ؟ و مدري برضو كيف بذاكر يعني قلت اذا مرا ضغط نفسي بخلص الاحياء في 6 ايام و 6 ايام كيمياء و بين اختبار الكيمياء و الاحصاء 5 ايام يارب انها تكفيني للاحصاء و برضو الكيمياء دا سببلي عقدة نفسية يعني انا احتاج 20 درجة على النجاح يعني إن شاء الله اقدر اجيبها بس انا والله نفسي ب 80 بس مدري المادة دي اشبها يعني كلنا نذاكر و فاهمين السلايدات تمام بس اسئلة الاختبار مدري تحسي شي غريب يعني من جد في اشياء ما انشرحت حتى الاحصاء اللي كان عندي امل فيه جبت 20 الدوري دا و 24 الاول مع اني فالاختبار كنت ماشية على القوانين صح بس مدري الاجوبة تطلع كلها مقربا مو بالظبط الوحيد اللي ماشي تمام الاحياء مع اني كنت اكرهو اكثر شي فالثنوي اللي درجاتهم حلوة قولولنا كيف تذاكرو بالذات الكيميااا

تطبقوا ع التست بانك ؟ :(

تطبقوا يعني تحلوا بنفسكم .. مو تشوفوا الحل وتحفظوه .. تفرق :|

احس اسئلة التست بانك اصعب من الاختبار يعني لو عرفتي تحليها بيكون الاختبار سهل لك

مهم جدا إنكم تراجعوا اجوبتكم في الاختبار

لازم تعرفوا ايش المشكلة في مذاكرتكم !!

لازم تعرفوا أخطاءكم !! احيانا غلطة بسيطة تعطيك اجابة ثانية .. واحيانا ذي الغلطة تلاقيها متكررة في كل الاسئلة .. ولو ماعرفتيها بتستمر معاك للنهائي

[Somaiah Yousef]

المشاركة الأصلية كتبت بواسطة hindghx فيييييوووووووووننننننننننكككككككة تدرين اني سمعت كلامك وضغط على نفسي شوية في الدوري الثاني و ذاكرت من قلب :) اخرتها نقصت مازدت >< والله الرياضيات قعدت اذاكره اسبوع و اخرتها جبت 24 و الفيزياء يمكن 5 ايام او 4 مافتكر والله و جبت 20! قولي لي من وين تذاكري المواد المخلصات و الملازم يعني كل المصادر الممتازة بالنسبة لك ؟ لاني راح ابدأ اذاكر لنهائي وانا بس ابغى اسمع شوية نصايح :)

ههههههههههههههههههههههه

ليش يآخي قسم بالله المناهج سهلة ومافيها شي .. آكيد بتتوتروا في الاختبار

انا إنسانة ما امشي على ملخصات وملازم صراحة

كل اسلوبي تدريب في تدريب

في جمييييع المواد

إذا انتي متدربة على اسئلة كثير وتعرفي تحلي .. ليش في الاختبار تخبصي ؟؟

مثلا الرياضيات .. اقرا الدرس مزبوط وافهم نفسي .. بعدين امسك مثال مثال واحله بدون ما اشوف حل الكتاب

وأتاكد من الناتج النهائي بس .. وبعدين اروح للتمارين خلف كل درس .. واحلها .. ولو شفت فيه تمرين ماعرفت احله من اول نظرة

أحط عنده إشاره وارجع له اخر شي بعد ما اخلص مذاكرة

يعني إذا عرفتي تحلي امثلة الكتاب والتمارين .. لييييش ماتعرفي تحلي في الاختبار؟ والله مايختلف لذي الدرجة :(

وبعدين لازم ترجعي تشوفي اخطاءك في الاختبار عشان تعرفي إيش المشكلة في مذاكرتك


والفيزياء أساسا جزئية الدوري الثاني من أصعب الجزئيات .. انا اخذت فيها اسبوعين وانا اذاكرها واحاول افهمها من الجذور

ومذاكرتي للفيزياء كانت من فيديوهات زويل .. أفهم الدرس وبعدين أقرا ملخص هناء ثم أروح أحل التست بانك تبع هناء فرحان .. إذا عرفت أحل يعني تمام أنا فاهمة

اذا ماعرفتي تحلي .. يعني مو فاهمة !! ف لازم ترجعي وتفهمي الدرس مرة ثانية

الجزئية دي لا يستهان بها

بعد ما اخلص من الدروس والتست بانك .. اروح لملزمة هناء للدوريات

وربي لو عرفتي تحلي الاسئلة السابقة بيدكككك بدون ماتشوفي الحل !! مسستحييييل ماتحلي في الاختبار

ياهو الاسئلة نسخ لصق منها مع تغيير الارقام !! وقليل ما يجيبوا افكار جديدة ويدمجولك قانونين في سؤال وكذا

أقلها تجيبي 29 لو إنتي تعرفي تحلي ملزمة السنوات السابقة

أو إنكم تذاكروا حفظ مو فهم

ولا تنسوا تسوولكم ملخص بنفسكم .. كل المعلومات اللي تحسيها تفيدك في المراجعة .. اكتبيها في ورقة

زي القوانين مثلا .. او الاسئلة اللي فيها افكار غريبة كمان !

ممكن تستعيني بملخصات أشرف بركات .. شخصيا ماعجبتني لكن يمدحوها وممكن تناسبك


الرياضيات ماكان ياخذ مني 4 ايام .. الفيزياء كنت اطول فيه :(

قولولي إنتو كيف تذاكروا بالزبط ؟؟؟؟؟

[Somaiah Yousef]

يعني م اظن فيه مصادر ثانية ممكن تفيدك :(

امثلة + هوم وورك + نماذج لو ككنتي تبغي تغطي كل شي

والفيزيا مافي شي مفيد قد ملزمة هناء فرحان للدوريات :(

[إنتظــآر]

المناهج مره سهلة ووقت المذاكرة و التطبيق أسهل ما يمكن
لكن بالاختبار أحس اني أحل بمخ غير مخي اللي كنت اذاكر به :)

الحمدلله ع كل حال

[Somaiah Yousef]

المشاركة الأصلية كتبت بواسطة إنتظــآر المناهج مره سهلة ووقت المذاكرة و التطبيق أسهل ما يمكن لكن بالاختبار أحس اني أحل بمخ غير مخي اللي كنت اذاكر به :) الحمدلله ع كل حال

كله بيد ربي .. الله يعوضكم خير

اهم شي العمل بالاسباب والباقي على ربنا

الله يفرحكم ويجبر خواطركم بنتايج التسكين

[noha hassan q]

السلام عليكم .... يا جماعة ابغا احد يساعدني في الرايتينق فاينل حق لفل 2 انو نكتب عن وظيفة ؟ اللي تعرف كيف نتجهزلو ونذاكرو قولوا بليييييييييييز

[Modi_L]

كم شابتر في الكيمياء !!

في الموقع التفاعلي موجود 9 بس !

الشباتر الباقيه وش وضعها

[دانه الكويسه]

فيونكه انا ليفل فور وما قد درست ثري
المهم حابه اسألك كيف الفاينال رايتينق ؟

و اش جابوا لكم موضوع العام و كيف اذاكره و ع ايش اركز
لاني ضعيفه شوي ف التعبير : )

[Somaiah Yousef]

المشاركة الأصلية كتبت بواسطة دانه الكويسه فيونكه انا ليفل فور وما قد درست ثري المهم حابه اسألك كيف الفاينال رايتينق ؟ و اش جابوا لكم موضوع العام و كيف اذاكره و ع ايش اركز لاني ضعيفه شوي ف التعبير : )

سهل مرة لا تشيلي همه ..

الموضوع اللي جابوه عن الأجهزة الذكية أظن.. فوائدها استخداماتها أهميتها .. مممكن تتكلمي عن تكلفتها وكدا

الرايتنق سهل لأنه يعطوك مثلا 4 أسئلة .. وانتي تجاوبي على دي الاسئلة في القطعة

يعني حتى تفكير مايحتاج تفكري :)

بس كل اللي عليك إنك تطولي الجمل عشان توصل لـ 150 كلمة

انا تعبت نفسي في المذاكرة وقعدت اكتب تعبيرات عن مواضيع اعطتنا هي الدكتورة ع اساس بتجي في الاختبار

بس ماجاء ولا شي منها

والحمدلله حسيتو سهل برضو :)

[SoJust]

نصيحة الانقليزي اقرا كثير وتفلسف كثير وروح اكتب هههههه انا ما اذاكر لاني عارف اني بضيع وقت بلا فايدة اهم شيء تختبرون وانتم مفتحين وعندكم نشاط عشان تعبرون زين او حتى محادثة لا تكتبوها بس فكروا ورتبوا افكاركم لان لو كتبتوها راح تلتزم فيها وممكن تنسون عشان كذا انتم فكرو بس ورتبوا عشان لا غيرتم رايكم وعلى حسب ...