طلآب وطآلبآت البـآيوكمستري .. نقآش الجدآول هنآآ .. =)

[Glucose ~]

المشاركة الأصلية كتبت بواسطة barbare بنات انا المستوى الخامس من الفيصليه و جدولي ايض 2 - تغذيه - غير عضوي - عربي 2 - ثقافه 2 - معمل احياءء كذا صارو 14 ساعه ابغى اضيف اي ماده و مقههووره كل المواد الاختاريه اللي ابغاهآ تجي تعارض مع جدولي مرا محتاره ايش الحل ساعدوني :'( اللي تعرف ماده حره سهله تعطيني اسمها و رمز الماده . . الله يقدم لنا اللي فيه الخخير <3 انتظركم /*

دامك مستوى خامس اجلي الغير عضوي شوية

وخدي مايكرو او عضوي بدالهآ ..

والموآد الحرة شوفي هنآ ان شاءالله يفيدك :
http://www.skaau.com/vb/showthread.php?t=413239

المشاركة الأصلية كتبت بواسطة lula_aa مرحبا بنات بالله من تعرف كيف منتجات مع كريمه لاني كنت اباخذ جزيئه بس طلعت مع هاله سنبل وانا اتعقدت من هالدكتوره بعد ما اخذت معاها تحليلي نزل معدل بسببها كله عشان الاسبلنق لذلك قررت اخذ بدل الجزيئيه ماده اختياريه فرجاء اللي قد جربت المنتجات تفيدني مع العلم اني شفت في شعب جزيئه مو مكتوب حنبها اسم دكتوره هذه يعني شو؟! الله يجري اللي ترد عليا خير ويعطيها كل ماتتمنى يارب.

بالنسبة لمنتجات مع كريمة كنت حنزلهآ بس مانصحوني فيهآ ..

انا خلقة متعقدة من كريمة , لكن في ناس ماشيه معاهم تمام !

مني عارفة اذا اخدتي طبية ولا لأ ومني عارفة جدولك , اذا ماأخدتيها خديها افضل ..

واحنا حنطلب ينزلولنآ تطبيقية , نعلق ورقة عند رئيسة القسم بالبنات اللي يبغو المادة

انتظري شوية لاتستعجلي

المشاركة الأصلية كتبت بواسطة الشيمآء السلام عليكم ~ بإذن الله خلاص اعتمدت دا : طبية - غير عضوية - سرطانية - مصطلحات - موضوعات - ثقافة 4 - حرة ( أو حاسوبية إذا نزلت الأربعاء من 11 ) دحين لو نزلت الحرة من الأودس أو الشؤون, بعدين ع نهاية الأسبوع نزلوا شعبة الحاسوبية, ببساطة يحذفوها ليا و يحطولي الحاسوبية و لا يقرشوني ؟ الدوام ح يكون متواصل من 8 لـ 2 :"( , بس عزائي إنو ح يكون عندي أوف إن شاء الله xD + أحد يعرف أ. هلا المرزوقي ؟

وعليكم السلام ورحمة الله وبركآته ..

مرة حلو الجدول كدة وخفيف =)

اذا جيتي من البداية ان شاءالله ماحيعقدوهآ معاكي فالشؤون ..

واحلى شي فالدونيا دي يوم الاوف XD

بالنسبة لـ هلآ المرزوقي مو غريب عليا دا الاسم .. ايش تعطي ؟

[samrona]

بنات ايش رايكم ب جدولي طيب

( امن وسلامة مختبرات , كيمياحيوي ععام , احياء عام 2
معمل الاحياء , لغة عربيه ) ؟

[doodle]

بنات عدد الوحدات المطلوبه للمستوى الثالث 17 وحده

وانا بغير بالجدول باخذ الاسهل عشان اجيب نسبه واحول السؤال لمن اغير في مواد المستوى لازم يكون عدد الوحدات 17 ؟؟ ولا اي عدد عادي

[SoOoma~]

المشاركة الأصلية كتبت بواسطة doodle بنات عدد الوحدات المطلوبه للمستوى الثالث 17 وحده وانا بغير بالجدول باخذ الاسهل عشان اجيب نسبه واحول السؤال لمن اغير في مواد المستوى لازم يكون عدد الوحدات 17 ؟؟ ولا اي عدد عادي

مو لازم 17
اي عدد عادي =)
بس بما انك تبغي تحولي الافضل تاخذي ثقافه وعربي لانها مواد عامه
وفي كل الكليات ياخذوها

[احساس طفل]

بنات اشرايكم ف جدولي اخدت عدد ساعات كثير لاني متأخره عن الخطة الدراسيه للقسم مرره
/
ايض 2 /تغذيه/طاقه/تحليليه/مايكرو/ خليه
طبعا اختكم في الله خلصت مواد عامه وحره قضيت عليها :/
المهم انا قلت امكن ماينفع مايكرو وخليه مع بعض
بلييز بنات اعطوني رأيكم واذا عندكم شي اكوس قولولي عليه
عساكم ف الجنة

[الشيمآء]

سمرونا :

إذا تبي تحولي بنهاية الترم أو السنة أضيفي ثقافة1
و إذا لأ أضيفي ثقافة1 و معمل كيمياء ، أو على الأقل المعمل .

15 أو 16 ساعة أفضل :) .

[شـــذاوي]

صبايا كيف مادة الحاسوبية من حيث سهولتها وصعوبتها
والماده أش مضمونهاا يعني أش ندرس فيهاا

[samrona]

ايوه في نية تححويل ..
تسسلميلي والله , من وين اشوف الماده ذي واوقاتها : )

[الشيمآء]

ثقافة رمزها isls و رقمها 101 ,
المعمل رمزو chem و رقمو 281 .

بالتوفيق

[samrona]

ربي يسعدك ويوفقك الشيماء : )
يعني خلااص جدولي كذا تمام
( امن وسلامة مختبرات , احياء عام2 , معمل الاحياء
لغة عربيه , كيمياحيوي عام , ثقافه 1 ) ؟