صور السكن الداخلي للطالبات (السليمانية) ,,,,

[Fatema Alshareef]

المشاركة الأصلية كتبت بواسطة mdmr ياحبيبتي خلينا من الهياط اولا المسبح مقفل معظم الايام وثانيا السرير اللي جامعته لو جو الا شراف وشافوه نشبوا لك والغرف معفنه والصيانه تجيب المرض والاكل يجي لك تسمم منه وملاريا وفقر دم وهذا غير عن المويه اللي تنقطع بالايام وربي انه يفضح ذا السكن الله يلعنه.. وسال مجرب

أختي ,,

هذي فكرتي عن السكن ,, وهذا الواقع اللي أنا عشته بالسكن نقلته كما هو ,,

تكلمت بوجهة نظري وتكلمت بوجهة نظر الغير برضو ,,

وغرفتي ولله الحمد نظيفه زي ماتشوفوا ,,

وما في غرف بالسكن معفنه وغرف نظيفه يعني كذا من نفسها ,, البنت اللي بتسكن الغرفه هي اللي تختار

ياتخليها كذا أو كذا ,,,

[mdmr]

يابنات نصيحه نصيحة
اللي تقدر على سكن برا وربي تنفذ بجلدها
وربي ياثر على نفسياتكم وعلى دراستكم تراه فضيحة عالمية ذا السكن
وانتوا بجاجة للراحة النفسية لانكم سنة تحضيري
وربي تشوفون شي ماشفتوه لامن سجلتوا ونشبتوا ومالكم حد ذاك الوقت تعالي قولي ياليت
وبراااحتكم ..
اللهم اني بلغت اللهم فاشهد.. بكيفكم
وهذا رايي ولو تبون ابخلي صحباتي يكتبون لكم من تجاربهم

[mdmr]

ماقلنا شي فيه سبيل الله في سبيل الله لكن ترا اول الوحده تسجل بالسكن وهي خلاص متخصصه
بس الحين فيه سنة تحضيري وفيه معدل وماتدرين وين بيحذفونك
نصيحتي لكل من يبي يسجل سنة تحضيري لا يدخل السكن الجامعي نصييييييحة
روحوا بس سنة سكن خارجي وبعدها لو تبون باذن الله بعد التخصص بعد سنة ارجعوا للسكن الداخلي
بس وربي ان ياثر بدراستكم
وربي لو سمعت كلام قلبي كان ماصار اللي صار لي لو سمعت شور من كانوا قبلي وماجلست بالسكن وذليت نفسي
كان قدرت اجيب احسن وربي مابيكم تندمون
بليز بليز اسمعوا لي

[ǁ غــلأآإ ، رٍوٍحــي ǁ]

^^
غريبه كنت اسمع بنآت تحضيري لمن كآنوا بدفعتي ..
مآأشتكوآ منوو .. وجآآبوآ معدلآت ترفع الراس :)
كل وآآحد وعلى حسب إمكآنيآتي في تسخير الظروف لصآلحو ..
موفقه =)

[براءة أنثى]

واااااو ماشاء الله
يوم شفت الصور ارتحت شويه
تسلمي يالغلا
ربي يسعدك

[بشائر الفرح =)]

حياكِ الله .. mdmr

شكراً لمحبتك وحرصك يا طيبه .. لكن يا عزيزتي لكل أحد منا قدراته وإمكانياته في التعايش والتأقلم في أي مكان يكون فيه .. ربما أنتي لم تستطيعي العيش في السكن لكن هذا لا يعني قطعاً أن غيركِ لن يستطيع !! والدليل أن هناك الكثير الكثير من طالبات السكن لازالوا فيه لا أقول أنهن يحببن البقاء لدرجة كبيره لكنهن مستمتعات بتواجدهن واستطاعوا التأقلم فيه بكل سهوله ..!!

ومن ثم كان بإمكانك مع كل هذا الحرص الذي آراه منك .. ( حفظكِ الله وأسعدكِ) .. أن تعطينا مثلاً بعض الطرق التي تعيننا على تفادي ماذكرتي من مشششكلات هناك !!... وأظنكِ تعلمين أشد العلم أننا نحن المستجدات نتأثر كثيراً بما نسمع بصفتنا لم نجرب بعد .. وأنا كذلك أقول أن الحياه في السكن يحتاج لها صبر وتنظيم وقت وتحمل للمسؤوليه بشكل كبير .. لكن هذا لا يعني أن نستسلم للواقع ( إن صُدمنا به ) أو نهرب منه ,

هذه وجهة نظري ليس ربما بالضروي أن توافقيني عليها ياصديقتي ..
لكِ شكراً جزيلاً .. وسامحيني إن قسوت قليلاً ..
كل التوفيق أتمناه لكِ وعين الله ترعاكِ ()

[Fatema Alshareef]

بالنسبه للمسبح ,, أنا هنا نقلت صور المسبح فقط ,,,

وما تكلمت عن المسبح ,, يعني ايش جاب طاريه !!!

وأنا ايش دخلني اذا مقفل ,, يا ماما اشكيلهم لا تشكيلي ,, انا طالبه بالسكن ولا غير ,,

وعن الاشراف اذا جوا وشافوا سريري زي الشكل هذا ,, هالشي خاص بيني وبين الاشراف اتفاهم معاهم انا

يعني انا عارفه الشي ذا من قبل لاتقوليلي ,,, بس ولله الحمد ماشفتهم " نشبولي " ,, زي ماقلتي ,,

دايم يمرون على غرفتي وعادي ,,,


والاكل اللي يجيك منو فقر دم وتسمم وملاريا ,, ماحد جابرك تاكلينو ,, يا اختي ربنا اعطانا عقول نختار فيها اكلنا ,,

يعني والله ما انكر انو في اكل كويس بالسكن وما انكر برضو انو في اكل فاسد ,, زي اي مكان عادي ,,

وعن نفسيتك انها بتتعب اول سنه ومحا تجيبي معدل عالي ,,, واللهي هالشي بعلم الغيب مالنا شغل فيه ,,

وكل طالبه اعرف بوضعها ودرجة تحملها ,, يعني انا ما اقول للطالبات لااااااتسكنوا فيه لانكم ماتقدرون تستوعبون

لا ,, هالشي خاص فيها وهيه تقيسه بنفسها ,,, وهيه مختاره مو مجبره ,,,

[Fatema Alshareef]

نسيت حاجه ,,

المويه ,, الفتره اللي عشتها بالسكن من عام 1428 الى الآن

مره وحده بس اللي انقطعت فيها المويه ,,,

لا تتسرعي وتنقلي كلام عن مكان توك عشتي فيه ,,

اتأكدي الاول ,,,

[Haioof]

من طلب العلا سهر الليالي ...

ومن أرادت النجاح والشهادة والدرجات العالية باذن المولى ..
فلتصبر وتحتسب الاجر عند الله ...

ولتهيء لنفسها ظروف العيش
حتى وان كان المسبح مقفلا فليس بالضرورة ان نسبح :)

نحن اتينا وتغربنا كي نعود ونحن حققنا طموحاتنا وآمالنا ........

باستطاعتك انتي ان تجعلي الحياة جميلة ... وباستطاعتك ايضا ان تُفسديها ..

ولكل مكان في العالم ايجابياته وسلبياته .. فلتُظهروا وتتمتعوا بالايجابيات ... واغفلوا عن السلبيات
وان كان بالامكان ان تحولوها الى ايجابيات لصاحكم فهذا أفضل

أعتذر عن الاطالة .. ولكنني وددت أن أوصل لكم معلومة هامة ( انكِ باستطاعتك جعل الشهد حلوا .. وباستطاعتك ان تتجرعيه مُرا سيء المذاق )

فلكِ حرية العيش


شكرا لك بنت جامعتي .. أسأل الله أن يُوفقك ويُلبسك لباس العافية ويُتوجك بتاج التقوى
أختك

[Fatema Alshareef]

المشاركة الأصلية كتبت بواسطة haioof من طلب العلا سهر الليالي ... ومن أرادت النجاح والشهادة والدرجات العالية باذن المولى .. فلتصبر وتحتسب الاجر عند الله ... ولتهيء لنفسها ظروف العيش حتى وان كان المسبح مقفلا فليس بالضرورة ان نسبح :) نحن اتينا وتغربنا كي نعود ونحن حققنا طموحاتنا وآمالنا ........ باستطاعتك انتي ان تجعلي الحياة جميلة ... وباستطاعتك ايضا ان تُفسديها .. ولكل مكان في العالم ايجابياته وسلبياته .. فلتُظهروا وتتمتعوا بالايجابيات ... واغفلوا عن السلبيات وان كان بالامكان ان تحولوها الى ايجابيات لصاحكم فهذا أفضل أعتذر عن الاطالة .. ولكنني وددت أن أوصل لكم معلومة هامة ( انكِ باستطاعتك جعل الشهد حلوا .. وباستطاعتك ان تتجرعيه مُرا سيء المذاق ) فلكِ حرية العيش شكرا لك بنت جامعتي .. أسأل الله أن يُوفقك ويُلبسك لباس العافية ويُتوجك بتاج التقوى أختك

بك وبأمثالك نفتخر عزيزتي ,,,

وجودك نادر بين ممن يهتمون فقط بالتفاهات والسطحيات ,,, شكرا لروحك الراقيه ,,,

وفقك الله ويسر أمورك ,,,


محبتي واحترامي ,,,