هنا تجميع اسئلة القدرات بعد اختبار الأحد 29/7/1431

[جوري31]

فيه سؤال مرره حبيته
يمكن لانه يتكلم عن الحاسب وانا تخصصي حاسب
يجري حاسب الي 500عمليه حسابيه في ثانيتين ويجري حاسب اخر 70 عمليه في 5 ثواني

كم يجري الحاسبين معا في 7 ثواني

وسؤال عن عمر فيصل واحمد .....الخ المهم اتذكر الجواب طلع 80 صح؟؟

ومترادفات الكلمات

احمر:قاني
الخيارات
ابيض:صافي ازرق:باهت اصفر:فاقع وما اذكر الخيار الرابع بس انال اخترت اصفر فاقع

وفيه سؤال الزوايا اللي فيه زاويه قياسها 50 ومطلوب قياس س+ص انا اخترت 230 ايش الجواب؟؟

وسؤال القرود والارانب جننننييي انا اخترت الخيار الثالث ج بس ما اتذكر ايش كان

وفيه سؤال عن علاقة مثلثين متداخلين المثلث الاول داخله مثلث مكتوب فيه 135 وهو عباره عن حاصل ضرب اطوال الاضلاع
والمثلث الثاني يطلع ناتجه 168
وفيه سؤال عن 6عمال يبنوا سور في 6اشهر انا اخترت 7 اشهر ايش الجواب؟؟
وسؤال عن مطعم يقدم 4 اطباق مختلفه من اللحم وخمسه اطباق مختلفه من السلطه و3اطباق مختلفه من الحلوى او شي زي كدى
ماني متاكده من الارقام والمطلوب بكم طريقه مختلفه نستطيع تقديم وجبه تحتوي على الاصناف الثلاثه؟
بس الحل اننا نضرب الارقام في بعض اظن يطلع 60 ماني متذكره بالضبط

الاسئله اللغويه
الحبور: السرور
احجام/اقدام
اخترت اختلف - اتفق

اهمال/فشل
اخترت اجتهاد- انجاز

شعراء/ملحمة
اخترت نمل - قريه

معنى كلمة البطنة
امتلاء البطن

السحنه كتبت الهيئة
وفي سؤال
محل يبيع قطع القماش ب200 ريال وعند شراء 10قطع يبيعها ب1700 ريال
كم نسبه الخصم المقدم؟
انا اخترت 15% ايش الجواب؟؟

الدعه: انا اخترت الانهيار ايش الجواب؟؟ كانت خياراتها الاهمال الانهيار الهدوء الجمود
وفيه سؤال ساعة منور متاخره ربع ساعه ولكنه يظن انها متقدمه خمس دقائق وعندما ساله زميله عن الساعه في ال7:30 كانت الساعه

انا اخترت 7:5
وفي سؤال حق الماكينات ماعرفت له تنتج ثلاث ماكينات ثلاث صناديق كامله فييوم ونص فكم تنتج ست ماكينات تعمل بنفس السرعه
في سبعة ايام؟ ما اتدكر ايش كانت الخيارات

هذا اللي اتذكره واذا تذكرت شي اخر رح ارجع اضيفه

[طموحهـ ولكنـ]

المشاركة الأصلية كتبت بواسطة .. [ حَ ـلمْ لينــا ] .. بربك من فين جبتيها الكلمات ممكن تحطيها لو سمحتي بملف مرفق

اووووك ولا يهمك راح احط لك الكلمات بالمرفقات ,, والله العظيم ماجات الا منهااااا وصدقوني ,, وحملوا الكلمات موجودة في المرفقات وادعوووولي ,, وركزوا على صفحة 5 و 6 و 7 لان الاغلب جاه منها وفي كل الاختبارات وتقريبا شبيه باسئلة الثانوية العامة بس الاختلاف بأسم الاختبار فقط ,, لان اخويا اختبر 3مرات وذاكر منها فقط وكل الكلمات جات منها ومع العلم اخويا ثانوية عامة ,, وعلى فكرة انا تقريبا ذاكرت 400 كلمة لان هي كثييييرة جداَ,, ودعواتكم ليا بالقبول للماجستير ,,

[طموحهـ ولكنـ]

وجاه هذا السؤال ,,

تم خياطة ثوب واحد بقطعة قماش طولها 3.8 متر , كم ثوب يتم خياطتة بـ32 متر ؟

انا ماني فاكرة الخيارات , بس على حساباتي اخترت 9

والباقي ماني فاكرتة,

واللي يقول الاختبار اسهل من اول لان جربتوا وعرفتوا طريقة الاختبار مو عشان الاسئلة سهلة ,,
مو مثل حالتي ادخل اول مرة في الاختبار ,

[co3]

الحمدلله الاختبار يعتبر سهل نوعا ما .........ماعدا الجزء الكمي انا في الرياضياات ما اعرف علشان كذا حليتها عشوائي خخخخخخخخخخخخخ
اما الاسئلة اللفظي والمنطقي والمفرداات رااائعة كانت ........وفيه قسم كله رسومات والله حسيت كأنه العاب الذكاء ومنها سؤال عقدة الحبل مررره حلو
يارب اجيب نسبة فووق التسعين

[co3]

الا بسألكم كيف يحسبون الدرجات ....وهل الجزء الكمي عليه درجات اكثر لاني حست فيه ؟؟؟؟؟؟؟افيدوني

[Brainiac]

مرحبا جوري...

اجابتك صحيحة بخصوص سؤال القماش...

الاسئلة اللغوية ما اقدر اقول اذا صح او لا لانك ما ذكرتي الخيارات كلها...

بخصوص سؤال الحاسب.... احسبي اول شي سرعة كل جهاز بالثانية
الجهاز الاول : 500÷2 = 250 عمليه حسابية بالثانية
الجهاز الثاني: 70÷5 = 14 عملية حسابية بالثانية.

بعدين احسبي مجموع العمليات لكل جهاز خلال 7 ثواني
الجهاز الاول = 250 * 7 = 1750 عملية خلال سبع ثواني
الجهاز الثاني = 14*7= 98 عملية خلال سبع ثواني

المجموع الكلي = 1750 + 98 = 1848 عملية خلال سبع ثواني

[Brainiac]

المشاركة الأصلية كتبت بواسطة طموحهـ ولكنـ وجاه هذا السؤال ,, تم خياطة ثوب واحد بقطعة قماش طولها 3.8 متر , كم ثوب يتم خياطتة بـ32 متر ؟ انا ماني فاكرة الخيارات , بس على حساباتي اخترت 9 والباقي ماني فاكرتة, واللي يقول الاختبار اسهل من اول لان جربتوا وعرفتوا طريقة الاختبار مو عشان الاسئلة سهلة ,, مو مثل حالتي ادخل اول مرة في الاختبار ,

هلا طموحة...

ما ودي اضيق صدرك بس ما اعتقد ان سؤال الخياط اجابته 9.......... لانك لو قسمتي 32 متر على 3.8 متر..... بيطلع ثمانيه وشوي... يعني الاجابة المفروض تكون 8

[@ نغم @]

موضوع ممتاز الله يعطيكم العافية

[طموحهـ ولكنـ]

المشاركة الأصلية كتبت بواسطة brainiac هلا طموحة... ما ودي اضيق صدرك بس ما اعتقد ان سؤال الخياط اجابته 9.......... لانك لو قسمتي 32 متر على 3.8 متر..... بيطلع ثمانيه وشوي... يعني الاجابة المفروض تكون 8

عز الله جبت احلى خبر ,, يؤ قهر جوابي غلط ,,

لان هذا كان عندي اااخر سؤال وخلص الوقت وماحسبت صح ,,

ان لله وانا الية راجعون ,,

[Brainiac]

المشاركة الأصلية كتبت بواسطة أبو سلطان (سمو الروح ) اشكر الجميع والله على تجاوبه في هذا الموضوع اللي يهم كل شخص ناوي يكمل الدراسات العليا [/color] 5- احمد اللي ابوه يعطيه على كل جواب صح 4 ريال وكل جواب خطا يخصم ريالين فاذا حل احمد 21 مسالة فكم عدد المسائل الصحيحة الي حلها اذا كان رصيده النهائي من الريالات صفر ؟؟ لي عودة

اسمح لي احل السؤال...
نفرض ان عدد المسائل الصحيحة = س
عدد المسائل الخاطئة = ص

اذاً: س +ص = 21

وبناءاً على المعطيات اللي في السؤال.. راح نعمل المعادلة التالية
4 س - 2 ص= 0 ( نضرب 4 ريال بالجواب الصحيح ، 2 ريال بالجواب الخطأ)

4س = 2ص ( ننقل 2ص للطرف الثاني)
2س = ص ( نقسم الطرفين على 2 )

الحين نقوم بتعويض النتيجة الللي وصلنا لها بالمعادلة الاساسية اللي سويتها أول شي
س + (2س) = 21
3س = 21
س = 7

عدد المسائل الصحيحة = 7