بنــــــــــــات الانتساب

[سهر]

من جد خبر حلو ان ناريمان شكسبير الله يحلي ايامك داانه طب قوليلي ياحلوه اش حتاخذي مواد الترم هذا توي ادري انك تخرج ماشاءالله
اش كمان في شي جديد مين حيعطي بقية المواد
دانه اذا اخذتي البراكتكم 1 بليز نوريني كيف الماده واش المطلوب واش الكتاب وكيف كان الاختبار لاني ناويه اخذها وطبعا مافي الا سوزان فكهاني ومررره خايفه منها
انتظركــ

[LAURA H]

سوري بنات ادري ان سؤالي غبي بس شو هي مادة التدريب العملي.. لاني انا لسة مستوى خامس..

[سهر]

تدريب عملي اللي هو البراكتكم مااادري يقولوا زي الترجمه بس ايش هوا بالضبط ها اللي ابغى اعرفه من البنات

داانه وينك؟؟!!!

[غنوج]

التدريب العملي هو طبعا مادتين براكتكم 1 وبراكتكم 2

ا

لاول هو عبارة عن منهج نظري يعني معلومات كيف ترجمي كيف تدرسي كيف تكتبي cv اللي هو سيرتك الذاتية
وهي بشكل عام حلوة ومعلوماتها سهلة لكن فيها مجموعة تكاليف تطلب منك الدكتورة تسويلها عمل ترجمة سوء كان من انجلش الى عربي او العكس انتي تختاري الموضوع وكمان كتابة cv وطبعا الفاينال ....

وبراكتكم 2 طبعا حيكون تطبيق عملي تروحي تدربي في مستشفى ، جريدة ، مدرسة ، البنك ، الخطوط أو داخل الجامعة في المكتبة او مركز اللغة ومدة التدريب 90 ساعة وطبعا اختبار فاينال ....

وان شاء الله تكون وصلت المعلومة

[غنوج]

بنات من ناوية تدرب بداية شهر اربعة انا ريحة الاحد الجامعة عشان اخذ الاوراق من د.سوزان واخذ الok منها

وعلى فكرة احد اتم اجراءات التخرج لانه انا عملتها الاسبوع الماضي ولازالت حالتي مستمر في الدراسة ......
ايش الحل برايكم ............

[الإمبراطورة]

المشاركة الأصلية كتبت بواسطة غنوج بنات من ناوية تدرب بداية شهر اربعة انا ريحة الاحد الجامعة عشان اخذ الاوراق من د.سوزان واخذ الok منها وعلى فكرة احد اتم اجراءات التخرج لانه انا عملتها الاسبوع الماضي ولازالت حالتي مستمر في الدراسة ...... ايش الحل برايكم ............

حتى أنآ كذآ..
سويت الطلب في النت..وكمآن مآزآل "مُستمر في الدرآسة" :(

العجيب انو في بنآت اتغيّر من أول اسبوووع لمآ أرسلو الطلب في الــ odus


وأنآ لسآ


مآ يبغووني أتخرج زعلآنينْ

[سهر]

اخت غنووج اش ناويه تاخذي مواد هذا الترم؟؟

[غنوج]

ان شاء الله الترم هذا تخرج وحيكون معاي خمس مواد باذن الله :
فونوتكس
فونولوجي
بويتري
ابلايد
براكتكم 2
بس ...

[داانه]

اهلين سهوورا

زي ما قالت غنوج

براكتكم ون ( التدريب العملي فالترجمه)

كتاب مصور(ملزمه) تجميع دكتوره سوزان مقسم تقريبا لاربعه اقسام

جزئيه1 تتكلم عن الكريتكال ثينكينق
جزئيه 2 عن تيتشنق سكيلز
جزئيه 3 ترانسليشن
جزئيه 4 سي في

طبعا انا اخدتو السمستر الي فات ما كان مطلوب مناا اي شي غير الفاينال علي ميه

بس السمستر الي قبلو

طلبت منهم يسو السي في وترجمه قصه قصيره واعتقد برزينتيشن بالبوربوينت

احنا ولا شي من دا الكلام كلو كان ع الاختبار

وو بس

بالنسبه لمين حيعطي والهي ما بعرف باقي المواد

انا سألت عالمواد دي عشن ابا ابدأ اشتغل عليها

لا نو اخاف ابدا ازاكر وتطلع مو هيا دي المفردات المطلوبه

انا باقيلي 4 مواد

وباذن الله اتخرج ادعوووولي

فونولوجي

شكسبير

بوتري

وبراكتكم تو

غنوج حبوبه الله يوفقك يارب

انا لسى ماحددت فين ابا ادرب

ولا حقدر اروح دي الفتره الجامعه

قوليلنا اي يحصل معاكي ياعسل



الله يوفقنا جميعا ويسهل لنا طريق النجاح

قولو اميــــــــــــــن

[سهر]

دانه انا وانتي نفس المواد اللهم انا براكتكم 1
يعني قوليلي اش تقييمك للماده اللي هي البراكتكم واقدر اجيب فيها درجه عاااااااااااااااليه لو شديت حيلي؟؟

غنووج حبيبتي يقولوا ماينفع الفونتكس مع الفونولوجي!!!