حلمك بعد دراسة الطب العــــــام .. (2)

[mo3tz_bam]

امممم انا ان شاء الله يا اطفال يا جراحة
اطفال عشان مراا احب الصغار << اهم شي لا يبكو
وو مادري لو اتخصصت جراحة حدخل جراحة ايش بالزبط
بس اللي خلاني اقول ابغا جراحة انو كل ما اقول لاحد عالجراحة
يقولي طوييل و صعب و محا تقدر
و انا لما احد يقولي ماتقدر اسوي الي قال عليه عناد
بس احس لسى بدري عالتخصصات
لما نبدا ندرس ممكن بعدين حنقدر نحدد ميولنا ايش
و ايش حبينا اكثر شي
يعني حتى ممكن اتخصص حاجا غير التخصصين دول
و شكرا عالموضوع الحلو

[mo3tz_bam]

المشاركة الأصلية كتبت بواسطة no_0ne انا نفسي بباطنه تخصص اورام سرطانيه :) <<< و ياليت نذكر السبب :) سبب اختياري لتخصص ذا ان الوالده الله يرحمها ماتت متأثره بمرض السرطان الله يرحمها و يسكنها فردوسه الاعلى يااارب و يصبرني على فراقها :( و اتمنى اصل لمستوى البرفسور محمود شاهين الاحول ( عميد كليه الطب )و اكون احسن منه باذن الله رغم اني متأكده اني و لاشي مقارنه بيه <<< هو الي كان ماسك حاله الوالده ...

الله يرحمها يغفرلها يارب :(:(
و مراا حاجا حلوة فيكي انك داخلة التخصص لدى السبب
يعني ناس كثير ممكن حيتحسسو من التخصص دا لو صرلهم نفس الموقف
الله يسعدك و يوفقك و نشوفك احسن دكتورة في التخصص دا و احسن من البروفسور محمود كمان

[Majed7]

إن شاء الله جراحة مخ وأعصاب .. هالتخصص جدا صعب ونادر وإن شاء الله أتعب عشان أوصله ^_^

[彡yS❤Ry彡]

I Have no Idea

انا شايف اغلبكم يقولون نبغا تخصص معين وهو لسى مادرس شي في الطب
ترى فيه ناس سنه خامس وسادس ولاحددوا ايش يبغون لسى
هو شي حلو انه يكون عندك فكره مبكره عن التخصص اللي بتدخله

بس فكروا في التخصص من كل الجهات
يعني مثلا تخصص طب اطفال
فكر زي كذا اولا شخصيه المريض بما انهم اطفال بتلقى صعوبه في التعامل معاهم شويه اذا كان يبكي ولا خايف ولا شي زي كذا بنفس الوقت حلو لما تعالج طفل ويجيك اليوم الثاني مبسوط وينطنط قدامك شعور حلو
وفكر كمان دراسة الاطفال كيف بتكون وماراح تعرف هذا الشي الا لما تجرب تدرس شي عن الاطفال


تخصص اورام سرطانيه مثلا
حلو انك تحاول تعالج واحد من امراض خبيثه زي كذا بس
كمان شوف كيف بتتعامل مع شخصيه المريض يعني بتتعامل م مرضى احتمال انهم يموتون بعد فتره بسيطه
او كيف تقنع واحد يقطع او يستئصل جزء من اعضائه عشان ماينتشر المرض عنده ع سبيل المثال

وقيس ع هذي المثالين باقي التخصصات
وكمان حاول دايم تختار الشي اللي تحبه وتحس انك تميل له وتبغا تمشي فيه
لاتختار شي لمجرد انه سهل او صعب لآن كلها تختلف من نظر شخص لآخر
اختار الشي اللي انت تحب تدرسه وتحب تكون فيه ركز ع " تحبه "


ماقصد من كلامي تثبيط همه احد او تخريب عليكم
بس برضوا الواحد يحب يساعد اصحابه بعض الاحيان

معليش كلامي مراااا طويل بس لاني ماكتب مواضيع عن شي معين اصلا الا نادرا
فلما شفتكم تتكلمون عن هذا الشي حبيت اكتبه في رد احسن من اني اكتبه في موضوع مستقل

<< داااايم يتفلسف مادري ليه

[محمد الداود]

بِـعُـون الله ،، عِـلـمُ الأمـرَآض
لأن فِـي نَـفـسِـي هَـدَف أسـأَل الله أن يُـيَـسـرَهـ
،

[Beeshoob]

كلامك حلو د ياسر ومهم
بس من جد مو حاط في بالك اي تخصص هو صح بدري مرره بس برضو كـفكره يعني

بالنسبه لي
ماما تبغاني اخش اسنان بس انا اكرهو مررره
وبابا يبغاني اخش اورام سرطانيه هوا حلو
بس انا ابى جراحة قلب اللي هوا اهم عضو طبعا << مين قالت مخ خليني اضارب

وطبعا هوا دا اهم تخصص وانا من جد عاجبني رغم اني لسه ما درست عنو
بس مررره حابتو شفت كم عملية في اليوتوب خصوصا beating heart surgery or opening heart surgery
و وكمان في كتاب اخدتو من المكتبه من تاليف واحد الماني مررره اتعلقت فيه اكتر

[د. هدّولا]

أورآم سرطآنية ..
وقآبل للتغيير =)


يعطيكِ العافية ياقمر

[MeeNo92]

المشاركة الأصلية كتبت بواسطة Beeshoob كلامك حلو د ياسر ومهم بس من جد مو حاط في بالك اي تخصص هو صح بدري مرره بس برضو كـفكره يعني بالنسبه لي ماما تبغاني اخش اسنان بس انا اكرهو مررره وبابا يبغاني اخش اورام سرطانيه هوا حلو بس انا ابى جراحة قلب اللي هوا اهم عضو طبعا << مين قالت مخ خليني اضارب وطبعا هوا دا اهم تخصص وانا من جد عاجبني رغم اني لسه ما درست عنو بس مررره حابتو شفت كم عملية في اليوتوب خصوصا beating heart surgery or opening heart surgery و وكمان في كتاب اخدتو من المكتبه من تاليف واحد الماني مررره اتعلقت فيه اكتر

على طول تبي تتضاربي هاا

هههههههههههههه عشان كذة متسوية التخصصات.. عشان كل واحد لو رأي وكل واحد لو شي يحبو

د.يااسر صح كلامك.. احنا من جد حتى ما بدينا اول سنة طب حتى

بس انو هذا اللي حاسين انو نفسنا في حاليا.. وأكيد نصنا راح يكون رأيو مختلف تمااااما بعد ما يخلص الستة السنين اللي باقية <<

مستوعبين اننا حنكون آخر ناس من دفعتنا تتخرج من الجامعة؟


المهم.. الله يكتبلنا اللي في الخييير يا رببب


the hill

بلا فلسفة وإحراجات كح كح

[الأمير المدريدي]

ـHematology تخصص نادر في المملكة وعدد الاطباء الموجودين في الممكلة قليل جدا

[فتى تثليث]

بحول الله..
Pediatric
وحاط هالهدف نصب عيني..
دعواتكم لي بالتوفيق..