اش شعوركم وانت انقبلتو في كلية الطب << ابغى مشاااااعر دفعه 2010

[ESAM AQEELI]

الحمد لله والشكر لله إني إنقبلت في الكلية (((((هذا من فضل ربي))))))

[تركي..]

الله يوفقني ويوفقكم

[mnonna]

انا عن نفسي كنت ف السيارة مع بنات خالتي متجهة الي المكان الي حتفرج فيه المباراة وكانت بتمطر والدنيا زحمة ودهيك وقعدت قلك ادعي ف المطره يارب انقبل ..
ومره كده منهمكه ف الدعاء الا والبي بي حقي فجاه بس يطنطن طليت لقيت صاحبتي بيقولولي انو التسكين نزل ...
وقبلها وحده صحبتي قالتلي انها حلمت انو نزل التسكين وماقدرت اشوف فهيا شافتلي وطلع طب
فقلت عشان الحلم يتحقق حتصل عليها هيا تشفلي.. واخدت ارقامي وقالت ادق عليكي لمن اشوف
واستنييت دقايق حسيت كانها سنين المهم اتصلت ولعبت باعصابي شوية .. بعدين قالتلي ترا شفت زي ما شفت ف الحلم انو الكلية طب
قعدت اصرخ ف السيارة واتصلت على ماما وبابا ورحت اتفرجت المباراة في سعاده ..
ومنجد كان يوم حلو انو انقبلت و مطرت واسبانيا فازت وكلو كلو ولله الحمد
وسوري ع الاطالة ..

[Mr.Mohanned]

صح إني كنت خايف جدا بس كنت متفائل بنفس الوقت

وكنت عارف ان ربي بيكرمني ومابيضيع تعبي سبحانه ..

اللي صاااااااااار

رمييييت نفسي في المسبح لا شعووووريا وقلت ياهووووووووو

بس بعد ما سجدت سجود شكر لرب العالمين

لولا فضله وكرمه ومنته ما كنا انقبلنا في التخصصات اللي نطمحلها ونحلم فيها :)

وطبعا بعد ما بشرت أمي وحضنتني وقبلت راسي وقبلت راسها

وبشرت أبوي وكل أخواني وكل أصحابي والكل باااركلي

بس المباركة اللي من جد انبسطت فيها

كانت من اختي الاستشارية

قالتلي مبروك يادكتور المستقبل

اللهم لك الحمد كما ينبغي لجلال وجهك وعظيم سلطانك

Mr.Mohanned

[المتشايئمه]

بصراحه انا كنت بالصاله جالسه مع ابوي وامي واخواتي ودقت علي وحده وقالت نزل التسكين وابدا انا ماني حاطه براسي اني طب حاطه الرغبه بس كذا وبعدين فتحت الاودوس وانا ارتجف مادري ليه ولقيت الكليه الطب وبعدين رحت اصيح في الغرفه وقفلت الاودوس وفتحته مره ثانيه طبعا ماني صاحيه ولقيت الكليه الطب انجنيت ورحت الصاله قلت انقبلت طب ورحت ابكي وراحوا اهلي يضحكون مدري ليش ودقيت ابارك لصاحبتي ورجعت الصاله وقلت لاهلي بحول علوم والله العظيم هههههههههههه

[روزاليندا&MJ]

^^^^^^^

ههههههههه والله ضحكتيني الله يسعدك
بالنسبة ليا كنت بشيك في المنتديات وفجأة سبحان الله كأنو شي قلي روحي ترا التسكين كأنو نزل >كأنو هههه

وسبحان الله فتحت المنتدى لقيت موضوع التسكين حسبتو مزحة زي المواضيع اللي قبلو وإلا لقيت عضو منزل نسبه وكليتو
عرفت انو أكيد الكلام ورحت شيكت والله من التوتر كنت حاطة يدي على شاشة اللاب توب وأنزل بشويش ههههههههه كأني في
فيلم رعب وبس لقيت طب وجراحة طب موازي خطة جديدة سرت أرجف وقلبي يدق بقوة عجيبة لأول مرة في حياتي ورحت أجري
عالصالة لقيت ماما بتسوي شغل وأوراق وما انتبهتلي إني واقفة من أول أرجف وحاطة يدي على فمي لمن طلت فيا قالت
اشفي ايش صار قلتلها نزل يا ماما نزل ههههه تقولي ايش هوا اللي نزل قلتلها انقبلت يا ماما طب وحصير دكتورة يا الله ضمتني
وسرنا نبكي فيلم هندي

وصارت تدور في الصالة مهي عارفة ايش تسوي ولا ايش تقول وصارت تبشر كل اللي البيت والله فرحتها هذي تسوى عندي
الدنيا وما فيها ودقيت أبشر أخويا كان في طريق سفر المدينة نازل من هناك عنجد يوم خطير مطر على فرحة قبولي وبس
عارفة إني كتبت قصة حياتي بس كل الكلام طلع من قلبي على طول وكتبتو ربنا يفرح أيامنا على طول ويساعدنا ونرفع راس أهالينا الله لا يحرمنا منهم

[Dr.Pure]

بالنسبه لي أنا من الشرقيه وكان عندي أمل قوي إني بنقبل طب في الدمام وأنا انقبلت في جامعة الملك عبدالعزيز بس قلت لا بنتظر نتايجنا بالدمام وافتح صفحة النتايج صاااااااااااااااااااااااااااااااعقه تمريض وظليت أبكي 3 أيام
إما اسلم ملفي بالدمام او إني أروح جده واعتبر من المتأخرات وأسلم امري إلى رب العالمين إما يقبلوني وإما لا<<وهذا من حقهم لأني متأخره<< بس سبحان الله كان في عدد كبير من البنات سحبوا ملفاتهم وربي قدر إني أنقبل في جده وكان آخر يوم في القبول<<< على فكره كان أخذ القرار صعب يعني غربه وبعيده عن أهلي بس مادري ايش صار لي وقلب عقلي ديك اللحظه <<<
و الحين الحمدلله رب العالمين بقدرة رب العالمين وجهدي وإصراري انقبلت طب
انا كنت متوقعه ان النتايج حتطلع يوم الأربعاء اللي هو أمس وانا أصبر نفسي و أقول أنا سويت اللي علي والباقي على رب العالمين بس ياربي أنا اتمنى الطب وإن كان فيه خير لي أكتبه لي ياربي, دقت علي وحده من صديقاتي وقالت النتايج طلعت وانا قلبي يدق بقوه وأهلي كانو مجتمعين معنا في البيت وشفت النتيجه * طب *
حضنت الوالد والوالده وباقي الأهل وطبعاً لا تنسوا دموع الفرح
<<< قصة حياتي >>>
إن شاء الله ماطولت عليكم وكل اللي اتمناه إن نبدا مشوار جديد مكلل بالتوفيق والنجاح بإذن الله

[Man Of The Love]

بالنسبة لي أنا شفت النتايج الساااعة 12 باليل
دخلت المنتدى وشفت موضوووع عن التسكين انو نزل طبعااا ماصدقت قلت اكيد من مواااضيع المزح الي ماله داااعي بس لمااا فتحتوا وشفت كل وااحد يبااارك قلبي صااار يدق بسرعة
وارووح للأودوس على طوووووووووول وافتحة وحط على نتاايج الفرز
مااااااااااكنت متأمل اني بدخل طب
واشووووووووف حققت له رغبة اووولى طب بشري
واروووح اركض واصاااااارخ في البيت ههههههههههههههههههههه
واشوووف اخوويا قااعد يمشي في الصااالة ماااقدرت اتكلم ناديته وخليته يشووف النتاايج بنفسة من الصدمة ماااصدقت عيني ويقووولي مبروووك وبعدين اروووح ابشر كل البيت كلهم
بالله مو فلم هندي
بس الله يعين تونااا في بداااية المشوااار
ومبرووووووووووووك للكل

[abal]

طبعا انا كنت واثق ومو واثق بس قلت نخليها ليوومها فطبعا طلعت من البيت وانا نفسيتي متقلبه رايح اشوف المباراه

ورحنا استاجرنا غرفه في المقهى عشاان المباراه وانا جالس اضاارب مع الشباب يجيني رسالة من واحد من اصحابي <<<الله يبشره بالخير

وانا صررررت ارجف بعد الرساله وماعندي نت بس فتحت الاويوس من البي بي تبعي ولقيت التخصص طب وجراحة خطة جديده؟؟!!!!!!!!!!

زادت الرجفه وصرت معصب من الخوف

ولحد دحين مابلغت احد حتى اهلي هههههههه

[AmOoOoON]

^^^^^^^^^^^
هههههههههههههههه
باختصاااااااااااااااااار :: شعووووووووور لا يووووووصف