هيه هيه وناسه وناسه تأجيل الدراسه بالقصيم هذا الاسبوع

[حروفي قليله]

متاكدين انا ماارسلوا لي كيف اتاكد فيه رقم نتصل نسال ؟؟ماهو تشكيك اختي الفاضله فتاة القصيم لكلامك بس انا ماحضرت الاسبوع الماضى وابى اتاكد صعبه اغيب محاضرتين ,,,,,,,,,,,,,,,,,,,,,,,

[الأوركيدا]

ماوصلني شي

[حروفي قليله]

الحين لو فيه رقم او موقع للاعلانات اللي مثل كذا مو احسن

[الشاطف]

المشاركة الأصلية كتبت بواسطة فتاه القصيم استعدو لدوام بكره الله يعينكم بس

الله يعينكن على أسبوعين متتاليين يعني مافيه ويك إند


هههههههههههههههههههههههههههه

[تربية وتعليم]

المشاركة الأصلية كتبت بواسطة تميمية القصيم الصراحة قهر, ليه ضعف التخطيط؟ ليه احنا آخر اهتماماتهم؟ ليه التخلف؟ مع انها جامعة! مو أي قطاع ثاني؟ فعلا قلة حضارة! والعذر مافي حجوزات! يعني أول مرة يصير فيه حج؟ هو بس هالسنة الي صار فيه حج؟ وين هم رايحين؟ ياخذون رواتب وبدلات وما يحللون فلوسهم! إلا هم الي مكبرين الوسادة! المشكلة دراستنا مدفوعة التكاليف! أجل لو مجانية وش بيسوون؟ ليه احنا أمة محمد أمة الرسالة, تعاليمنا تنص على حفظ العهود وبالاخير نصير آخر الأمم! لكن ما أقول إلا الله يصلح الأحوال ويرزقنا البطانة الصالحة! * بالنسبة لقولتك كبري الوسادة! هي مو حزة نوم, والله صدق قلبي متروووس على الجامعة! من أولها واحنا نشوف غرايب, الأول بالتقديم وتسويف نتائج القبول, جلست أشهر كل يوم يا حمد باكر, ثم بدينا الدراسة, بس ندور خبر أو إعلان عن موعد البدء, كل عضو بهالمنتدى يحاول ويجيب خبر من هنا وهناااك جزاهم الله خير على جهودهم! ثم بدينا وأول محاضرننعطى إياها وجلسنا فيها ساعات, وبالأخير طلعت مو ضمن خطة هذي الفصل! بالله عليكم هل فيه تخطيط؟ هل هذي حضارة؟ ثم يوزعون الجداول مليئة بالأخطاء! كلها ثلاث تخصصات! والله ولا مدرسة ثانوية! ليه يعجزون عنها؟ ما نقول إلا اللهم ولي علينا خيارنا! إذا قطاع التعليم العالي يترنح! الي هو يخرج قادة المجتمع! كيف بيكون حال الباقي؟؟؟ * بالله أنا قلت شيء خطاء؟؟

ايه كلامك كله غلططططط

وشو تخلف وقلة حضارة ومايحللون فلوسهم ويكبرون الوسادة ودراستنا مدفوعة التكاليف ؟؟

حشا كن اللي تتكلم طالبة ثانوية اهلية وتقول للمديرة ابوي دخلن بفلوسي

وش قلة هالتهذيب بردك ؟؟

منهي انتي عشان تقيمين الجامعة بأول اسبوع !!!!

احنا دفعة العام الماضي وكانوا ماشين معنا زي الحلاوة ومرة تلخبطوا في الحجوزات وجونا اسبوعبن ورى بعض ومشينا وفق الخطة !!

يعني مايصير لهم ظروف ولخبطة واشياء تصير بدون ارادتهم !!

لاتنسين ان الدكاترة مضغوطين يدرسون في القصيم وجده ويشرفون على رسائل .. ولو يرفضون يجون احتمال يقفل البرنامج !!

والانتقاد اللي جيتي تقولينه هنا قوليها للدكتورة لينا
( القلب الكبير ) ياساكته وكاتمه !!

والعام الماضي ترى ماخرب دفعتنا الا بنات مثل الأخت هذي ..
انواع المشاكل والشكاوى ع الطالعة والنازلة !!

فعلا ناس تدور القلهي !!!!!!


يابنات فعلا اجلوا اللقاء هالاسبوع لكل الاقسام وصلنا مسجين منهم وعلى مسؤوليتي :)

[ام رزان]

المشاركة الأصلية كتبت بواسطة الأوركيدا ماوصلني شي

ولا انا بس اتصلت على الدكتور فيصل اكبر
(مع انه ماهو المسؤول هالسنه عن البرنامج, بس ماعندي غير رقمه)
واكد انه في مشكله بالحجوزات وماراح يجو بكره بس بيجون اسبوعين ورا بعض.
الحمد لله على كل حال

[مغتربه]

ٍِ


أنا أقلكم سر التأخير


عشان صديقتي حولت للقصيم خخخخخ خخخخخخخخخخخ


انواع الأحباط ,,, تشوفونها الاسبوع الجاي ان شاء الله

بس بسألكم كيف الدكتوره إيمان علي .. عشان فجده يدرسونهااا

منال مبارز وسعيده خاطر .... وخايفه من ايمان ماتعرفهاش



ودمتم بود

[drem master]

يعني ما نروح

[فواز الرمالي]

المشاركة الأصلية كتبت بواسطة ام رزان ولا انا بس اتصلت على الدكتور فيصل اكبر (مع انه ماهو المسؤول هالسنه عن البرنامج, بس ماعندي غير رقمه) واكد انه في مشكله بالحجوزات وماراح يجو بكره بس بيجون اسبوعين ورا بعض. الحمد لله على كل حال

ممكن نتأكد هل الجميع مايحضر

[تميمية القصيم]

تربية وتعليم
أقول ما دحدرنا ورا إلا بالمجاملات الي مالها داعي! الحق واضح وضوح الشمس, ما يرده خوف الخوافين! ما عمرك سألتي نفسك ليه احنا نخلف وعودنا مع انا مسلمين؟ بالوقت نفسه النصارى واللادينيين على العهد ماشين! ما عليه نستحمل تأجيل الدراسة وانه ننضغط اسبوعين متتاليين بدون إجازة نهاية الاسبوع وضغط تكاليف, لكن كل الي نبيه مسج يخبرنا بالتأجيل أو اعتذار ولا وصلنا!
بنات يجون من برا بريدة شلون بيدرون بالله عليك؟ كل الي جاهم ثلاث أو أربع بس! والله ما اسميها الا استهانة بنا! الواحد لازم مقابل النت طول الوقت يدور اخبار يمين يسار(القبول, موعد بدء الدراسة, الجدول....الخ)! تقل ماله حاجة إلا كذا, بدل ما يصرف وقته على بحوث وقراءات مفيدة!
أنت وش خايفة؟ خايفة يقرون النقد ويحسون بالذنب ويعدلون أفعالهم؟ عادي ماراح يصير شيء كبير ترى! والنقد أساس البناء يا ماما! لا تصيري خوافة بدرجة سلبية, لدرجة اتهامي بقلة التهذيب! الله يسامحك!