مـوعـد التجمع لطالبات الأنتساب أمام مبنى "شؤؤن الطلاب" للمطالبة بـ -ترم صيـفي-

[박 마리야]

المشاركة الأصلية كتبت بواسطة ام حمدان وعليكم السلام ورحمة الله وبركاته حياك الله اختي الكريمه الصيفي لاشك بيحل ازمه كثير من الطالبات قبل اكثر من عام تواصلت مع رئيس قسمنا السابق د/محمد الغامدي حين كان يشارك معنا هنا فالقسم وطلبت منه يدرسوا موضوع فتح صيفي للطالبات المنتسبات واقترحت عليه وقتها لو حتى ندرس مع دكاتره شبكه او يدرسونا نفس استاذات الانتظام في اوقاتهم او حتى اضعف الايمان لو تتسجل مواد بدون مايكون فيه دورات وفقط نعرف المنهج المطلوب ونختبر مثل ماهم قبل فتره اقترحوا علينا وقالوا ان حصل هالامر بيكون الصيفي بدون رسوم المهم هذا كان رده علي عالخاص طبعا ومثل ماتشوفي للان مافتح الصيفي لنا رغم اني متاكده وصلتهم مقترحات وطلبات كثيره لكن يبو انهم ماعندهم استعداد وللعلم قبل اكثر من عام افتكر خلال الدورة التاهيليه مرت علينا مرشده القسم أ/جميله مشطاطي بنفسها وقالت بتمر عليكم ورقه للصيفي الي عندها رغبه تدرس بالصيفي تكتب اسمها والمواد الي ترغبوا بدراستها واحنا بنرفع طلبكم لادارة الانتساب وهم يدرسوا الطلبات ويشوفوا لو فيه امكانيه بنفتح لكم صيفي بدون دورات وبدون رسوم فقط تسجلوا المواد وتختبروا وفعلا الاغلبية سجلوا اسمائهم لكن صدمونا فالاخير بان الطب تم رفضه ونجهل السبب حتى الان! عموما عن نفسي ظروفي ماتسمح بالدراسه في الصيف ابداً لكن إن شاء الله يتجاوب معك الراغبات في الصيفي وإن شاء الله تنحل ازمه الصيفي على يدكم انتوا حاولوا والله معكم

أختي الفاضلة - أم حمدان -
الشكر موصول ليكي و للجهد البذلتيه في سبيل هذي الأزمة , و أنا حابه نضيف جهد الجماعة لجهد لأني زي ماقلت ز الجماعة له تأثير أكثر من الجهد الفردي ..
أشكرك عزيزتي و أتمنى منك فقط إنك لو تقدري تطالبي بتثبيت الموع علشان يكون واضع للبنات و يقدروا يتجاوبوا بسرعة .. و كمان لو تمديني بأسمك االرباعي و رقمك الجامعي لمن نوصل لخطوة عمل القائمة ..
دمتي ..

المشاركة الأصلية كتبت بواسطة MeZaJya من جد احنا محتاجين الصيفي لازم يشوفولنا حل لأنو من جد ضغط علينا الصيفي حيخفف كتيير ويسهل لنا من جد محتاجين نتخرج بأقل من 4 سنوات :/ ان شاء الله دي المره نلاقي احد يعبرنا

عزيزتي - MeZaJya -
إن شاء الله رح نلقى اللي سمعنا بس إحنا كل اللي علينا أننا نوريهم و إن شاء الله تقدري تساهمي في التجمع ..
دمتي ..

المشاركة الأصلية كتبت بواسطة little Angel [b]أتمني يكون في صيفي حتي نخلص والله أصابنا ملل مو طبيعي.. أنا باقي لي سنة وأتخرج..كيف ممكن أسجل أسمي؟؟؟ b]

عزيزتي - little Angel -
شدي حيلك عزيزتي أنا كمان بقالي سنة و نتقدر إن شاء الله تخرج بسرعة بس الحين لازم نكون كلنا مع بعض .. لمن نحدد الموعد بإذن الله رح أبدأ بأخذ الأرقام و الأسامي و ياريت تقولي لزميلاتك اللي عندهم الرغبة كمان ..
دمتي ..

المشاركة الأصلية كتبت بواسطة لمارمبارك الله يسعدك والله الموضوع هذا شاغلني من زمان نفسي القى تجاوب ويالله انا معكم باقي لي سنه على التخرج ان شاء الله والله يفرحنا جميعا

عزيزتي - لمارمبارك -
و أنا كمان تعب من كثر ما أسأل عنه في الجامعة .. لا بس إن شاء الله المرة هذي أخر مرة و إن شاء الله رح نكون في ترم صيفي للأنتساب .. أتمنى أنك تقدري تساهمي في الموضوع ..
دمتي ..

المشاركة الأصلية كتبت بواسطة الحجازي موفقين إن شاء الله .. هالطريقة نفعت وجابت نتائج (فورية) في جامعة الملك خالد! مطلوب حركة مماثلة في جامعة الملك عبدالعزيز..

اخي - الحجازي -
أنشالله يارب تكون النتائج (سوبر) فورية و مشكور اخوي على دعمك ..
دمت سالم ..

المشاركة الأصلية كتبت بواسطة احلى الأسامي انا اتمنى من كل قلبي انه يكون في ترم صيفي بجد لكن المعضله الوحيده هي الرسوووم يعني اشوف كثير ثلاثه الاف على تسع ساعات بس

عزيزتي - احلى الأسامي -
كلنا عندنا نفس الأمنية , نتقدر نحققها بمساهمتكن في الموضوع .. بالنسبة للرسوم زي ماقلتي يعتبر ظلم منهم أنو ياخذوا 3000 على 9 ساعات , لذا من الأشياء اللي رح نطرحها هي الرسوم .. أحتاج مساهمتك في تحديد الموعد و نشره ..
دمتي ..

المشاركة الأصلية كتبت بواسطة dudi ياليت يصير في ترم صيفي ،، خلاص ابغا اخلص .. باقيلي سنه بس مع رسوبي بمادتين شكلي لسه مطوله ،، ابغا اضم اسمي للبنات لاني ما اقدر اجي الجامعه ،، كيف ممكن ؟!

عزيزتي - dudi -
يمديكي عزيزتي تضمي أسمك للبنات فقط لمن نحدد الموعد يمديكي ترسليلي أسمك الرباعي و رقمك الجامعي و إن شاء الله تتخرجي السنة الجاية ^^ ..
دمتي ..

المشاركة الأصلية كتبت بواسطة zizou~ يا ريت فيني كون معكن بس مسافرة هاليومين على كل رح خبر كل يلي بعرفن .. و ان شالله ينفذو طلباتنا .. تحياتي .

عزيزتي - zizou~ -
درب السلامة في سفرتك إن شاء الله .. حاولي تنشري الموضوع للي تقدري توصليلو و إنت كمان لمن نحدد الموعد إن شاء الله أرسليلي إسمك الرباعي و رقمك الجامعي حتى نضمك للقائمة ..
دمتي ..

[박 마리야]

المشاركة الأصلية كتبت بواسطة ام سجو خساره لي فتره مادخلت المنتدى ....ياترى رحتوا يابنات او لسى ابغى اروح معاكم حددوا الوقت بالظبط وياليت يكون بكره او بعده بالكثير متحمممممممممممممممممممسه بجد

عزيزتي -ام سجو -
غاليتنا أم حمدان -الله يحفظها لأهلها - كل كلامها درر و أنا أحس كل الكلام اللي قالته منطقي 100% بس وين الواقع؟؟ كل المقرحات اللي قالتها للدكتور ولا واحد منها إتنفذ .. ليه ؟؟
لأنوا الدكتور سمع منها هي بس لكن لمن يسمع من 600 بالإضافة ليها ,, رح يتحرك في الموضوع و بأسرع ما يكون ,,
تخافي عزيزتي لسه ما ررحنا .. أنا ألحين أبغا نحدد يوم في ذا الأسبوع و نشررره بأسرع ما يكون ..
دمتي ..

[박 마리야]

المشاركة الأصلية كتبت بواسطة ѕυрзя пıdσ انا معاكم و كلنا نحتاج ترم صيفي لكن اعتذر عن اسم مظاهره وشوشره و بلبله بدون فايدة هما وصلهم الخبر اننا نطالب بترم صيفي و الاساتذه اعتذرو انهم يرتبطو معانا بترم صيفي لذلك اقل طلب انهم يضمونا لشعب الانتظام يعني نفس المقرر ونفس الدكتوره وهما كدا كدا مداومين صيفي وبرضو جاري الانتظار ، ممكن تكتبو لسته اسماء رباعيه و ارقام الاي دي عشان يعرفو ان الموضوع جدي وبس ويفضل الغاء فكره مظاهره او تجمع ( مجرد اقتراح لا اكثر ) برأيي نفتح على نفسنا باب احنا مو قدو

عزيزتي - ѕυрзя пıdσ -
إقتراحك مقبول .. و بالنسبة للفكرة إلي طرحتيها عليهم كمان جميلة .. بس بالنسبة لكوني أنا جالسة احشد لمظاهرة || معلش بس فهمتيني غلط || !!!
كل اللي انا كنت جالسة أشرحة أنو لمن تجي كم بنت و معاهم ورقم فيها اللأسامي و الأرقام .. العمادة مارح تنظر للموضوع بشكل جدي لأنو إنطباعهم رح يكون "" كم بنت دافورات جمعوا أسماء بنات دافورات زيهم "" و ممكن الورقة رح يكون مصيرها التكدس و بعدين الله يكرمك القمامة ..
كل اللي أنا اتمناه أنوا البنات يتفقوا على موعد و يجوا و يقدموا الورقة على أساس أنوا المفروض يكون في - ترم صيفي لطالبات الإنتساب - مو بس دفرنه !!
كلنا نتجمع بعدديه كبيرة و نقدم لهم العريضة تكون فيها اسماء أكثر مننا ,, بكل هدوء و إحترام ,,
و بعدها نتتظر الرد .. نكون على الأقل - حاولنا بكل جدية و سمعناهم كلمتنا - و بس .. أتمنا مساهمتك معانا ..
دمتي ..

[박 마리야]

مسائكم خير عزيزاتي ..


أتمنى أننا نقدر نبدأ تحديد يوم التجمع من الأن ..


من خلال الأسبوع الجاري أختاروا اليوم اللي يناسبكم ؟؟

[박 마리야]

uppppppp

[박 마리야]

الرجاء أخواتي شاركوا و حددوا يوم .. عسى يفتك همنا و تنفرج كربتنا و نـــتــــخـــــــــــــــرج !!!

[لمارمبارك]

ان شاء الله بس انا ما اقدر بحك اني اجي وقت الاختبارات لاكن اقدر ارسلك اسمي الرباعي والرقم الجامعي والله يعطيك العافيه

[박 마리야]

[align=center]الرجــــــــــــــــــــــاء
من الأخوة و الأخوات المراقبيييين خدمة تقدموها للموضوع و هو تـــثـــبـــيـــتــه ..
بتثبييتكم للموضوع تكونوا وضحتوه أكثر و يكون في تجاوب أفضل و أكثر من الطالبات .. و ينفرج همنا !!
لــــذا ... الرجــــاء تثبيت المــــوضــــوع @.@[/align]

[박 마리야]

المشاركة الأصلية كتبت بواسطة لمارمبارك ان شاء الله بس انا ما اقدر بحك اني اجي وقت الاختبارات لاكن اقدر ارسلك اسمي الرباعي والرقم الجامعي والله يعطيك العافيه

^^ مشكوووووره أختي - لمارمبارك- و يعطيكي الف عافية ^^

[وصـــــآيــف]

انا كمان ابي ترم صيفي مستعده اروح معاكم والا ارسل رقمي الجامعي واسمي الرباعي