التحويل من التمريض للعلوم الطبية ؟

[Dr.candy]

المشاركة الأصلية كتبت بواسطة صانعة المستحيل يالباااكم كللكم يسلمووووووووووووو بجد ريحتوني الله يريحكم دنيا وآخرة مش قصة مانبي هالتخصص بس أمنيتي وحلمي علاج طبيعي واللي عنده افادة بخصوص التحويل ياليت يفيدنا

زي ما قلتلك اول اسبوع لمن يتم الفرز طالبات الكلية للاقسام الباقية..
اذا في مكان لكم الشؤؤن التعليمية تبلغكم بالاماكن الشاغرة وتكتبي ورقة بأسمائك واذا ربنا كتبلك الخير تدخلي..

المشاركة الأصلية كتبت بواسطة Doaa T اختي Dr.candy انا ما كنت متوقع اتخصص تمريض بس اتخصصت والحمدالله ومرررررره متحمسه لهتخصص وان شاء الله خير يارب ينفع بس ادا ممكن تشرحيلي ايش وظيفتي بالضبط يا قلبي

اهلن وسهلن بيكي ومبرووووك عليكي التخصص
يس يس تصير اول ما تتخخرجي
أخصائية تمريض ..
وباقي المعلومات تلاقيها في دا الموضوع
http://skaau.com/vb/showthread.php?t=592506
وحياكي ..

المشاركة الأصلية كتبت بواسطة صانعة المستحيل حبيت أسأل لمن ابي احول وين أروح بالضبط ومين أكلم وكذا يعني ؟

هوا النظام زي كده كل سنة..
زي ما قلتلك اول اسبوع لمن يتم الفرز طالبات الكلية للاقسام الباقية..
اذا في مكان لكم الشؤؤن التعليمية تبلغكم بالاماكن الشاغرة وتكتبي ورقة بأسمائك واذا ربنا كتبلك الخير تدخلي..

المشاركة الأصلية كتبت بواسطة خجول الورد حتى الي كآن أمنيتها شيء ثآني وربي ماكتب لها تحول من التمريض صدقوني حتحبوا التمريض .. ويصير هو قضيتكم بالحياة :) الله يوفقكم يآرب

من جد يسعددددددك ربي ....

المشاركة الأصلية كتبت بواسطة Ms.Glamor لازم كذآ كل سسنة :) ربي يوفقكم ويكتب لكم آلي فيه الخير يآآآرب آلي معدلهآ عآلي حتقدر تحول من آول آسبووع لآ تخآفوآ ولآ تقلقوآ الكلآم آكيد والله يسهلكم يارب

شايفة كيف كل سنة نفس الازمة ...:)

نورتينا ياشيخة ..؟؟!! فينك قاطعة كده !!!

المشاركة الأصلية كتبت بواسطة First Lady طيب انا قالوا لي انو انتي اجتزتي المعدل ولكن مافي مقاعد متاحه هذا الي رغبة كلية العلوم الطبية التطبيقية مختبرات !! ووقدر الله وانقبلت تمريض يعني لو اطلب تحويل يحولوني للمختبرات ؟؟؟ وشئ ثاني متى اطلب التحويل هل الحين الايام هذي ولامع بداية السنه الجديدة ولا كيف :(:( ساعدوني ارجوكم

اولا : مافي تحويل داخلي في الكلية عندنا .. يعني اذا كنتي مختبرات ما راح يتم تحويلك للتمريض بس اول اسبوع من الدراسة .. الشؤؤن التعليمية تبغلكم اذا في اماكن شاغرة يتم ابلاغ باقي الاقسام وياخذو على حسب االمعدلات العالية وكثير منهم حولو .

ثانياَ : تقدمي التحويل من بداية السنة الدراسية الجديدة

اتمنى اكون افدتك ..

تحياااتي

المشاركة الأصلية كتبت بواسطة دره جده نفففففففففس سؤالي << لا اله الا الله وش فينا مانبغى التمريض !! اخوااتي الله يسعدكم طمنونا التحويل دحين نرحلهم ولا مع اول يوم ف الدواام .. ؟؟ وعند مين بالضبط ؟؟ والله لايحرمكم من الاجر

والله مدري ايشبكم على تخصصنا والله اننا نجنن وحبوبين وطيبين << مش وقتك ابداَ

المهم .. زي مارديت على الباقين ..

ومع اول يوم في الدوام ..

وربنا يكتبلك الي فيه الخير ..

[besho-1414]

طيب حبيباتي الممرضات ممكت تشرحولنا التمريض لانو ممكن يعجبنا و ما نحول منو و شكرا

[Dr.candy]

المشاركة الأصلية كتبت بواسطة besho-1414 طيب حبيباتي الممرضات ممكت تشرحولنا التمريض لانو ممكن يعجبنا و ما نحول منو و شكرا

ولا يهمك دحين انزلك موضوع عنه :)

استني بس علينا ... :d

[Ms.Glamor]

المشاركة الأصلية كتبت بواسطة dr.candy شايفة كيف كل سنة نفس الازمة ...:) نورتينا ياشيخة ..؟؟!! فينك قاطعة كده !!!

هلآآ والله كآندي :)
النووور نورك يآ عسل
ههههههههه والله الدرآسه والاختبارات قطعت
ودحين سمعت ان التخصصات نزلت وقلت آشوف المنتدى والدفعه الصغنونه الجديدة المقبله

[Dr.Shaikhah]

المشاركة الأصلية كتبت بواسطة صانعة المستحيل يالبى بس انتي روحي الله يسهلك دربك ويوفقك ويجعل الجنة مثواك زي ماريحتيني ان شاءالله انتي أول وجده ابشرك لو اتحولت وه بث حبيتك

ياحياتي انتي

الله يبشرك بالقبول وتجي تبشريني

[julia.jay]

التمريض مو من كلية العلوم التطبيقية ؟
وليش معظم البنات الي كانوا يبوا يتخصصوا طب يكون خيارهم التاني مختبرات اوتغذية او.. او ..
يعني التخصصات دي احسن من التمريض من حيث الوظيفة و الدراسة ؟

انا كنت ابا طب و انقبلت تمريض لاني احس انو اقرب شي للطب ولا انا غلطانة
ودحين بدات اشك واتردد ليش الكل يبا يحول من تمريض هل الاشياء التانية احسسن؟ الي هيا مختبرات وو كدا ؟

عارففة كترت كلام بس مررة احس ضايعه...

[Dr.candy]

المشاركة الأصلية كتبت بواسطة julia.jay التمريض مو من كلية العلوم التطبيقية ؟ وليش معظم البنات الي كانوا يبوا يتخصصوا طب يكون خيارهم التاني مختبرات اوتغذية او.. او .. يعني التخصصات دي احسن من التمريض من حيث الوظيفة و الدراسة ؟ انا كنت ابا طب و انقبلت تمريض لاني احس انو اقرب شي للطب ولا انا غلطانة ودحين بدات اشك واتردد ليش الكل يبا يحول من تمريض هل الاشياء التانية احسسن؟ الي هيا مختبرات وو كدا ؟ عارففة كترت كلام بس مررة احس ضايعه...

اهلين يا الغالية ..

الا التمريض من ضمن كلية العلوم الطبية التطبيقية وتعتبر من احد اقسامها الخمسة
( العلاج والتغذية والمختبرات والاشعة )

شوفي كل واحد على حسب ميوله .. انتي شفتي ميولك انو اقرب شيء للطب " التمريض" ورحتي رتبتيها في التسكين تبعك ..

وزيك البنات كل وحده حطت على حسب الي ترتاح فيه ..

بس في التسكين .. فصلو كلية قسم التمريض عن باقي التخصصات

لانه يكون مبين في الصورة ومحدد للرغبات الطالبات

شوفي اغلب البنات يبغو يحولو من قسم التمريض لعده اسباب :
اولا : في بنات خايفة من نظرة المجتمع
ثانيا : ميولها مش تمريض
ثالثا : رفض الاهل او الاسرة

عشان كده كل سنة عن سنة بنلاحظ هذا الشيء واحنا بدورنا نغير النظرة دي ونحلها ..

[weddah]

أنا مادري ليه تحطوه رغبتكم بعدين تزعلوا اذا انقبلتوا فيه

كآندي ما قصرت شرحتلكم اش ممكن تسووا
موفقين كلكم ان شاء الله وربي يختارلكم الخير ^_^

[abdullah.f]

اولا اتمنالكم التوفيق في اختيار التخصص واتمنالكم اجازه سعيده والله يباركلكم فيما تبقى من شعبان ويبلغكم رمضان
ثانيا احب اذكركم انو قسم التمريض احد اقسام كلية العلوم الطبيه التطبيقيه الخمسه في جامعتنا ولا يوجد اي فرق بين الاقسام كلها لا من ناحية التوضيف ولا الراتب ولا من ناحية الاهميه ولا حتى المكانه بل على العكس التمريض مهنه عظيمه وشريفه وهامه جدا, بل ان في بعض الأحيان احنا نفسنا كمرضى نحكم على مستشفيات بأنها سيئه او جيده بسبب التمريض.
والممرض/ه عنصر فعال في الفريق الطبي. والخدمه الطبيه والمستشفيات لايمكن ان تستغني عن هذا التخصص . ولكن احيانا قلة تثقيف المجتمع تضلل علينا الطريق . فأنا عن نفسي انصح جمييع الطلاب سواء الي اتسكنوا تمريض ولا علوم طبيه تطبيقيه (معنهم نفس الشي) انهم يثقفوا نفسهم ويقروا عن كل التخصصات الخمسه , ويقروا الخطه الدراسيه ورسالة القسم واهدافه (والكلام دا تلقوه في موقع الكليه الرسمي) ويشوفو ايش الي يناسبهم او بمعنى آخر ايش القسم الي ارتحتلو و أستخيروا ربكم (انا لا ادعي الخبره والمعرفه ولكن نصيحه اخويه وما تضر احد)
:شكرا:

[ضحكة بريئه]

المشاركة الأصلية كتبت بواسطة weddah أنا مادري ليه تحطوه رغبتكم بعدين تزعلوا اذا انقبلتوا فيه كآندي ما قصرت شرحتلكم اش ممكن تسووا موفقين كلكم ان شاء الله وربي يختارلكم الخير ^_^

جبتيها ع الجرح من جد نفسي أعرف الاجابة؟؟؟؟!!!!
الله يوفق الجميع ويكتبلكم الخير يارب