فكره عامه عن اختبار المهارات تبع التصميم الداخلي

[fato0o0om]

ويا بنات الي مو عارفه احب اقولكم ان بكرا اخر يوم في التقديم للأختبار
بس السنه التحضيريه لسه

[الطموحه]

بليز قولولي الإختبار للسنه التحضيريه متى ؟

[Roa'a]

امممممممم
انا سمعت انكم حتدرسوا سنه عام بعدين تتخصوا
يعني اول تختاروا الكليات
اذا كان الكلام دا صح
حيكون اختباركم السنه الجيه السمستر الجاي ان شاء الله
بس انت تابعي الاعلانات في مبنى 43
^_"

[الطموحه]

سوري تعبناكي معانا
بس السنه العام في الإقتصاد منزلي هيه سمستر ولا أثنين
صراحه انا تعبت من السنين العامه دي نفسي اتخصص وارتاح
متأكده انو دي مو الخطه القديمه ؟

[Roa'a]

والله دا اللي سمعتوا
يا سنه كامله أو
بس سمستر واحد عام في الكليه بعدين تتخصصوا
ماني مفتكره الصراحه
بس اذا حابه تتأكدي أسألي في الشؤون
^_"

[Roa'a]

باااااااااااااك
وانا بلفلف في النت
لقيت الصوره اللي جاتنا في الاختبار

السؤال عنها كان ايش الخطوط المستخدمه ؟؟
المستقيم والمنحني هوا الجواب

[دانة الجنة]

ياقلبي الصور الي حطيتيها قبل هذي الصورة ماطلعت

ممكن تنزليها

[Roa'a]

امممم
انا ما حطيت صوره قبلها
بس هيا دي الصوره
=)

[missme]

السلام عليكم ورحمة الله وبركاته

أهلاً رؤى
أنا احدى طالبات السنة التحضيرية (علمي)
أكيد أزعجناكِ بأسئلتنا ..
لكن لأن اختيار التخصص اختيار مصيري و عندما نرى من يساعدنا نسعد جدًا ..

قصتي أنني لطالما أحببت التصميم منذ الصغر ، أعشق الرسم كثيرًا
لكن لا أخفيكِ سرًا بأنني منذ أن دخلت الجامعة ، لست أدري إن كانت اهتماماتي قد تغيرت أم أنني قد تشوشت ممن هم حولي فقط!

-أحب أن أسألك ان كنت قد احترت في اختيار التصميم عند دخولك الجامعة ؟
و ماهو التخصص لو وجد ؟

-أيضًا ، هل وجدت نفسك فيه ؟
أي هل القسم كما تصورتيه أم أن هناك أمور فوجئتي بها ؟

-ما هي سلبيات القسم التي واجهتها - بكل صراحة ووضوح ؟

-ما هي خطتك الشخصية بعد تخرجك ؟ (اذا كان هذا تدخلاً فأنا آسفة)

شكرًا

[Roa'a]

^_"
مافيش ازعاق ولا حاقه
خدي راحتك
-أحب أن أسألك ان كنت قد احترت في اختيار التصميم عند دخولك الجامعة ؟
لا الحمد لله من اول ما اتخرجت من الثانوي حسيت انو انا فنون أو تصميم
يعني ماحطيت التصميم فـ بالي عشان لو ماانقبلت ماانصدم يكون عندي البديل اللي هوا فنون
و ماهو التخصص لو وجد ؟
تخصصنا عن العماره الداخليه يعني احنا ناخد المبنى جاهر ونبدأ نغير فيه وفي الفرش ودا الكلام
عشان كدا بنقول انو شغلنا مختلط لأنو احنا ماعندنا مهندسات معماريات بنات كلهم شباب
فما نشتغل لحالنا لازم مع مهندسين =) كمان ندخل في الألوان ندرس شخصيات الناس ومن الشخصيه نطلع اللون حتدرسوا ماده اسمعا نظريات لون
دي حتاخدوا فيها كل شي عن الألوان بالتفصيل وتدرسوا الدائره اللونيه طبعا هذا اللي اعرفوا لاني أنا لسه مستوى رابع
-أيضًا ، هل وجدت نفسك فيه ؟
والله الحمد لله القسم حلو وأنا مبسوطه فيلو بس طبعا لازم من الانهارات والبكى من كترة الشغل
بس تكون فترات اكتئاب وتعدي ان شاء الله يعني مثلا شوفي دفعتنا من بداية السمستر 3 بنات سحبوا
من كترة الشغل لأنو مو أي أحد يقدر يتحمل بس إحنا بنصبر نفسنا وعلى حسب كلام البنات اللي اكبر مننا
اللي انتو بتاخدوا دا ولا شي لسه جاييكم الشغل إحباط يعني بس الصبر حلو ^_"
أي هل القسم كما تصورتيه أم أن هناك أمور فوجئتي بها ؟
زي ما اتوقعتو بس مافي شي فجعني الحمد لله
-ما هي سلبيات القسم التي واجهتها - بكل صراحة ووضوح ؟
امممم مدري بس مااحس انو في سلبيات الحمد لله يعني الوضع ماشي
بس اتوقع انو في الاستديو ما في ترتيب في الواجبات
لأنو احنا شعبتين تكون الاستاذه قالت للتانيه وما قالتلنا وتحسب انها قالت وتجي تطلب الشي
وهوا انقال ليهم مو لنا وكدا دا الشي يصير كتير
بس ماأثر كتير الحمد
-ما هي خطتك الشخصية بعد تخرجك ؟ (اذا كان هذا تدخلاً فأنا آسفة)
يابنت لا تصيري رسميه ماهو تدخل ولا شي
بس بدي أكمل دراستي ان شاء الله
واذا ربنا ما أراد بدور على شغل مع مصمم بإذن الله
اهم شي انت استخيري مره كتير
يعني انا حتى وانا داخله اختبر اختبار القبول حتى التصميم جلست عند الباب استخير
الله يختارلك اللي فبه الخير ويوفقك
^_"