أبغى مشورتكمـ في هالقرآر .. لو تكرمتوا :) ..

[بيو كيميائية ^_^]

O_o

بصراحة ماتوقعت كنت أشوف ردودكـ واحد متحمس وحاب الشيء من قلب مو داخل بس كذا

بس شوف لو فعلًا ماتقدر إطلع لا تكذب على نفسكـ وتقول أقدر وبعدين تنسحب في سنة خامسة أو رابعة ترا فيه ناس كذا طلعوا وهم مابقى لهمـ إلا سنة أو سنتين وضاع المستقبل

وفيه ناس تخرجوا لكن كل مايختبرون إختبار الهيئة يرسبون ويظلون بدون وظيفة

عادي تحول وتصير مهندس بس مو عادي تدرس طب وبعد كم سنة تسحب أو تتخرج وماتنجح في إختبار الهئية أو يتمـ تحويلكـ إلى كلية العلوم الأساسية بسبب كثرة الرسوب

فلا تضيع مستقبلكـ بسبب مكابرة لازمـ تجلس مع نفسكـ

والله يوفقكـ ويكتب لكـ الخير سواءً في الطب أو الهندسة

كلا التخصصين حلوين ورائعين ومافرقت بينهمـ أهم شيء الواحد يبدع ومايضيع مستقبله

[Beeshoob]

امممممممم ما ادري ايش اقولك بس ابى اذكرك بكلامك

انت قلت لي كان اسوا قرار اخدتو في حياتي اني سحبت من سعود

وانا قلت لك لا ياماجد راحة البال هيا الاهم بس وقتها انت على ماافتكر كنت وصلت لنص الترم

يعني اخدت فكره عن الموضوع ومع ذلك ما ارتحت وقررت قرار انت شايف انو غلط

نظرتي انا للموضوع مو مهمه لاني مستحيل حتى لو حاولت اكون مكانك

فاابى اقولك حاجه وحده بس لاتعمل شي تندم عليه بالذات ادا كان بانسحابك

حاجه تانيه انا احب برضو مواد الفهم ومييين قالك انو الطب بس حفظ ترى مررره لا على فكره

الطب يبغالو ذكاء وحنكه صح انها كميييييه كبيره جدا جدا من الحفظ بس بدون الفهم مع احترامي

راح يكون زيك زي القاموس الطبي ... اممم لو بدك اتفرج هاوس وراح تفهم فين الذكاء فيه

يب يب انا برضو كنت كااااارهه مواااد الطب كره العمى رغم انو التخصص جدا جدا عاجبني

بس لما حضرت الدوره مررره حبيتها رغم اني كنت متنحه اغلب الوقت بس اتغيرت نظرتي ليها

واليوم محاضره الانتومي انبسطت فيها بقوووه رغم انو مافي مايك وكنت واقفه طول الوقت

المهم

انت ادرى بوضعك مني وانت شخصيه ليها رايها المستقل وشاورت دي ارائنا

ف اللي يريحك يا عمي

<< ان شاء الله افدت احد هنا خخخخخ

[Иiтяσgεи✿]

اول شي السلام عليكم
ثاني حاجة انا انا بكتبلك ردي من واقع تجربة مو بعيدة ابدااااااا عن تجربتك
بحكم انو اتقدملي الطب ع طبق من ذهب .. وطيرتو من يدي
ونفس الاحساس اللي انت حاسو تبع الشطااارة اوالتفوق وضياع السنة والندم كلو موجود عندي

بس اللي يفرق انو اخذت دروس حلفت ايمان وعاهدت نفسي ما ارجع اكرر غلطتي مرة ثانية

اهمها لما اكون من زماااااااان ابغى حاجة ونفسي فيها " زي الطب " اسويها وانا مغمضة عيوني ..لانو مافي اي بديل ح يرضيني .. لانو انا متاكدة تمااااااااام التأكد انو وقت اتخاذ القرار بتجي ببالك 10000 شغلة تثني من عزيمتك .. والعجيب انو سبحان الله تلقى نفسك بدون تفكير انجريت ورا المحبطات

وكمان لما اكون قدام قرارات مصيرية لازم استشير واستشييييير بعد الاستخارة طبعا.. اهم حاجة ماما وبابا اقولهم قولولي الاحسن بدون كلمة "القرار لكي " واهم حاجة لا تقول المحبطات اللي بتدور ببالك قدامهم ..

واخر نقطة ..انا متأكدة انو عمرك ما رح تنسى احساس الندم بعد الانسحاب من سعود .. فمهما كانت الاسباب اللي بتوسوسلك الان .. فكر انو انا ح اعيش اللحظات هذيك من جديد

وعشان اكون صريحة معاك اعتقد لو غيرت هذي المرة كمان لاسمح الله .. عمرو ما ح يكون عندك ثقة في قراراتك بعد كذا .. وهنا ح تكون المصيبة

انت ماشاء الله .. صلاة ع النبي .. قادر وناجح ومثابر .. ابدا مو صعب عليك الطب .. وانت عارف كذا ..وهذا المهم

اما حكاية التأقلم والتكيف مو عذر انك ترجع تعيد نفس السيناريو القديم .. اذا ع الراحة والله اليوم الكل خرج مكتئب

ممكن تكون الحالة النفسية اللي انت فيها عشان الغربة وبعدك عن اهلك .. بس لازم تفكر انو في بنات اتغربوا عن اهاليهم عشان يدرسوا .. ولاخرجة ولاطلعة محبوسين زي السجن .. قارن نفسك فيهم .. وتعرف النعمة اللي انت فيها

انت ليك فوق السنتين مهيأ نفسك طب طب طب .. لاتفكر انو لما تحول هندسة ح تتأقلم بسهولة

نصيحتي لك .. لا لا لا تفكر بالموضوع .. اتفرج ع مسلسلات طبية اهمهااااا er ح يحمسك بقوة <<قصدي يعيد حماسك
فكر انو بعد سنة ح تنزل المستشفى .. وهنا تعرف معنى الطب

انا عارفة انو كلامي كان قاسي .. بس والله بكتب كأنو بنصح نفسي

الله يكتبلك الخير وييسرلك طريق الصواب

[Qotaiba HBK]

ماجد ما شاء الله الاعضاء كفو ووفوا أتمنى انك تستخير وتشوف ربي ان كتبلك تجلس فيها فهي خيرة والعكس صحيح وربي يوفقك ..

[Majed7]

في البدايــــه ما توقعتـ أحط موضوع وألقى تفاعلـ كبير زي اللي شفته منكمـ .. أخجلتمـ تواضعيـ

أولـ ما حطيت الموضوعـ نمت بعدهــا وقمت العشـــاء ..

لقيت 6 اتصالاتـ من أمي - أنا كلمت أبوي الله يحفظه عن موضوع التحويل الظهر وقالـ انتظر لمن أرجع البيت وكلمنا وقتها - فـ وصل أمي خبر وكانت على أعصابها ..

قمت على طولـ واتصلـت وردت ..

قالت كلامـ كثير وكيفـ كانـ وضعيـ بعد ما فصلت من الجامعه قبل سنتيــن وإنها شافتـ ردة فعليـ كيف ومرحلــه الاكتئاب اللي مريت فيها ..

بس قلت لها أنا برتاح لـ طبيعة دراسه الهندســه .. قالت بس إنت ما تبغى تصير مهندس ولا إنت متحمس لهالشيء ..

أولـ ما تخرجت من الثانويه كانـ قداميـ خياريـــن إما الملك سعود - تحضيرية كليات صحيه - .. أو هندسة بـ جامعة البترول

وقالت إنيـ ما احترت وقتها واخترت الملك سعود ..

بعد ما فصلت من الجامعه جبت قبولـ من جامعة كآمبردج في بريطانيا - هندســه مدنيـــه - مشروط بـ فاونديشن في معهد تابع لها .. وبس مجرد ما لقيت البعثات مقفله رجعت وهذا الشيء يثبت عدمـ تمسكيـ بهالتخصص ..


كلمتنيـ ساعه ونص وبعد كلامـ كثيـــــر قالت إذا تبغى رضايـ ورضا أبوكـ .. إنت ولدنا ونحنا أدرى فيكـ

لا تحولـ وهذي المرحله راح تعديـ بسرعه .. بسـ خليكـ قريب من ربك ودروسك وخليك على نفس اجتهادك , ولو حولت هندسه راح تنصدم صدمه أكبر من فصلك من الجامعه العام لأنكـ إنسانـ يطالع ورا كثير :) ..

قبل لا تقفلـ قالت اتصلـ على خاليـ محمد - هذا ولد عم جدتيـ استشاري أطفال - وقالت هوا ينتظر اتصالك ( كلمته في الموضوع لمن كنت نايم ) ..

اتصلت وكلمته .. أولـ ربع ساعه قاعد يسألنيـ عن أشياء مالها أي علاقه بالدراسه وأنا على أعصابي
وبعدها قالـ أبغاكـ تطلع من جو التوتر وإنت تكلمنيـ ما حبيت أبدأ على طول في الموضوع ..

يقولـ كلنا واجهنا صعوبات في البدايــه لان الجو جديد علينا وطبيعة المواد مختلفه عن التعليم العام .. وإنت ما شاء الله قدراتك تأهلك تدرس إلى ما تصير إستشاري في أي تخصص تميل له ..

وتكلمـ عن تجربته وعن الصعوبات والمواقف اللي واجهته وكيف عدت عليه .. وإنه راضيـ الحمد لله عن اللي سواهـ وعن النتيجه اللي وصل لها :)

قبل لا يقفلـ قالـ شوفـ دفعتك بتلقى أغلبهم نفسـ الشيء مصدومينـ في البدايه لكن ما يفكروا بالتحويل لانهم دخلوا رغبتهم .. إنت إشـ رغبتك في الدراسه ( قلت له ما عندي شيء محدد أنا ممكن أدرسـ أي تخصص لانه ماليـ ميول مسبقه لـ تخصص معين ) ..

قالـ بعد 10 سنوات إشـ تبغى تصير :-

أخصائي في مستشفى .. مهندس في أرامكو ولا سابك .. ولا تتخصص حاسب وتشتغل بشركة ولا بنك ..

قلتـ له أخصائي بيكونـ شيء راضيـ إنيـ أوصل له ..

قعد يضحك .. قالـ وليه محتار طيب شوفـ إنك تبغى تصير أخصائي وبعدها استشاري ولكنـ عندك حساسيه من طبيعة المواد .. وترا 90 % من اللي كانوا يدرسوا معايـ جاتهمـ هالمرحلــه !

لا تحولـ واستخير ربك وشوفـ رأي أصحابك في الطب - ما أعرف غير واحد من التحضيري و 3 من المنتدى فـ عشانـ كذا كتبت هالموضوع في البدايه لانيـ ما أبغى أتخذ قرار إنفراديـ وأبغى أشوف أقرانيـ من الطلاب والطالبات ونظرتهم للموضوع - ..

قفلت منه ..

وعلى طولـ بعدها فتحت اللاب توب وعلى الموضوع ,,

والله - وما أجاملـ أحد فيها - إنه ردودكمـ هيا سبب راحتيـ واتخاذيـ قرار الإكمالـ .. وكلامكم خلانيـ أقطع الشك باليقين

أبغى أرد وأعقبـ على ردودكمـ لكنـ ما شاء الله كلامكمـ عيــن العقل وحاولت أرد عليــهـ وأوضح وجهة نظري لكنـ ما تركتوا ليـ فرصه ^_^


اتصلت على اهلي قبل شويه - لقيت أبوي وأمي ما ناموا ( دايمـ يناموا على 12 بس شكله كلاميـ خلاهمـ على أعصابهم ^^ )

قلت لهم خلاصـ أنا راح أكملـ إن شاء الله .. وبس قعدوا يدعونـ لي ويقولوا فكر بكره وبعده إلى آخر موعد تحويل وبعدها اتخذ قرار نهائي ..

قلت لهم لا خلاصـ إن شاء الله بكملـ .. وبسـ أبغى وقفتكمـ معايـ



الحين بقومـ وأستخير بعد ما سمعت كلامـ كلـ الاشخاص اللي حوليـ ,, والله يكتب ليـ اللي فيه الخير :)

::


شكرآ لكمـ كل واحد باسمه وكلـ وحده باسمها

شكرا على وقفتكمـ معايـ بالموضوع وأسعدنيـ تفاعلكمـ الكبير اللي شفته ^_^

وشكرا على كلماتكمـ وآراؤكم والله يكتب لكمـ أجرها يااا رب ..



وبس شكرا مره وألف ومليون وربي ما يحرمنيـ منكم ^_^

[بيو كيميائية ^_^]

كويس إنكـ رجعت لصوابكـ :d

لأن بجد صدمة نسمع منكـ هالكلامـ

الله يوفقكـ ولا تستسلمـ

ولاتنسى إنت قلت تبي تكون أول طالب يجيب 5 فلازمـ تعملها

[محمد الداود]

^_^ ،،

[THE HILL]

^__^


الحمد لله :) ،،


و شد حيلگ ي د . ماجد ،،

[Dr.Passed]

ضحكت لمن قالو لخالك زي قولت الحقنا ولدنا شوف ايش بيسوي !!!! الحمد لله ..هيا تتعود بالله من الشيطان و ابدأ بدايه كويسه و إن شاء الله السنين تعدي بسرعه =) وحيجي يوم تقول يالطيفف كيف فكرت احول اصلا !!

[RHF]

هههههههههههه

الله يهديك يا ماجد فجعتنا عليك ,,

شوفت الموضوع متأخر هههههههههههه

بس يلا الحمدولله انك قررت ولا كنت حاقلق وافكر واستنا قرارك

الله يوفقك يا دكتور ,

( وحدة من الفجعة ارسلتلي الرابط ولا انا ايش يدخلني كلية الطب ههه - قولت لازم اضيف رد )

رهف