تقرير حالة \\ Case Report ~

[Glamor Mada]

الموضوع مرره حلوو .. الريبورت مو مشكله نكتب منو ولو 500 بس الحمدلله ما عندنا شي اسمو ريسيرش زي التخصصات الثانيه
كان دكتور الاناتومي حقنا في المشرحه بيقولنا على حالات خطيره ممكن نواجهها في العياده عندنا وكيف نقدر نعرف اذا كان عنده مرض من خلال الاعراض اللي بنشوفها.. زي مثلا اللي عنده هيباتايتس كيف تعرف قبل ما تنعدي منو وتروح في داهيه .. كنت استمتع بكلامه ومو مشكله عندي لو يجلس ساعتين يتكلم في شي من برا المنهج المهم اسمعلو
شكرا عالموضوع الحلو استمتعت وانا بقرأه وحتى ردودك كمان بصراحه احب اقرأها لانه فيها حاجات حلوه
وإن شاء الله تكون صحتك دحين احسن من اول .. معافيه إن شاء الله

[Kaira]

سلآآآآمتــــك د.نـــانوكـ ويارب دحين تكوني بخير
وفالكـ العافية دووووووم يارب ..

موضعك جدا روووعة وعجبتني فكرة تشخيص المرض والحالة ..
كتير كانو دكاترة ودكتورات لما يجو يشرحولنا زي ما قال Mada خاصة في أناتومي يحبو ساعات يطلعو برة الموضوع خصوصا في جزئية الــ Head & Neck ولما كانو يعطونا مثلا عن Nerve or Artery or vein وانو شي منها يكون مرتبط بضرس أو سن معين و حكااايااات كانت في الأناتومي >> وماأصحى في الشرح غير لو جابو سيرة أسنان أو عيادة أو مريض جاكم ولازم تنتبهو لما تخلعو أهاهاهاهاهاهاها

مررررررررررة عجبني الريبورت كنت أحسبو شي صعب بس الحمدلله من كلامك وموضوعك أرتحت كتيييييير الله يريح بالك دايما يارب ..
وردودك للطلاب والطالبات أحلى وأحلى وأستفيد منها مررررررررة ..

تسلمـ يدك يا عسل ويارب أشوفك برفيسورة في طب الاسنان ^_~

[goodone]

المشاركة الأصلية كتبت بواسطة dr~nanoook يارب تكون شعلة لاحماس مُتقدة دايما ^___^ وإياك الأجر باذن الله. وشكرًا لك ألم الحنجرة والأشياء المتعلقة بداخل الجنجرة والبلعوم والمجرى التنفسي فهذه اختصاص طبيب الأنلف والأذن والحنجرة = ent واذا اكتشفها طبيب الأسنان وقت مراجعة المريض عنده يحوله على طبيب بشري أما اذا كان هناك "مرض" او lesion متعلق بالأسنان وموجود في منطقة الرقبة فغالبا طبييب الأسنان من يعالجها لما أخدنا مادة علم الأمراض لمنطقة الفم والرقبة oral pathology العديد من الأمراض الدكتور كان يقولنا أن علاجها يكون على يد طبيب الأسنان وحتى لو راح المريض لطبيب أذن وحنجرة .. حيحولوا لطبيب أسنان ! مره استغربنا وقتها .. ما اتوقعنا أن شغلنا شامل لكل شي "^^ لكنه يحمس وحلو .. مو بس تصليح وحفر أسنان والسلام

حتى انا استغربت .. فعلا طبيب الاسنان يعالج حالات ما يتوقعونها الناس



مشكورة ويعطيكِ ألف عافية

[ro7i Leek]

ماشاء الله والله مواضيعك كلها روعه .. انا صحيح مو تخصصي طب الاسنان لكن احب اطلع على التخصصات التانيه .. خصوصاً اني بدرس ادارة مستشفيات وان شاء الله رح تمر عليا عيادات الاسنان خلال فترة تدريبي ولما اتوظف بإذن الله ... وكمان انتي اسلوبك سهل وبسيط ويجذب ..

شكراً لك يا احلى دكتورة ~

[Dr~NanoOok]

ما شاااء الله علـيك يا دكتووور 10\10 دائمااا و مواضيعك تحمسنني من جد اشكرررك على هذا الاسلووب السلس و المشوق ... ما اقدر اقول الا جزاك الله الجنهـ وو ننتظر جديدك (=

وإياك الأجر والجنة باذن الله ! أجمل دعوة دعيتلي بيها ^___^
ربي يسعدك .. وشكرا لك

المشاركة الأصلية كتبت بواسطة Glamor Mada الموضوع مرره حلوو .. الريبورت مو مشكله نكتب منو ولو 500 بس الحمدلله ما عندنا شي اسمو ريسيرش زي التخصصات الثانيه كان دكتور الاناتومي حقنا في المشرحه بيقولنا على حالات خطيره ممكن نواجهها في العياده عندنا وكيف نقدر نعرف اذا كان عنده مرض من خلال الاعراض اللي بنشوفها.. زي مثلا اللي عنده هيباتايتس كيف تعرف قبل ما تنعدي منو وتروح في داهيه .. كنت استمتع بكلامه ومو مشكله عندي لو يجلس ساعتين يتكلم في شي من برا المنهج المهم اسمعلو شكرا عالموضوع الحلو استمتعت وانا بقرأه وحتى ردودك كمان بصراحه احب اقرأها لانه فيها حاجات حلوه وإن شاء الله تكون صحتك دحين احسن من اول .. معافيه إن شاء الله

اهلين بيك

ومييين قال أنه ما عندنا بحث ؟؟!!
لازم تعمل بحث تخرج وأبحاث متعددة خلال فترة الدراسة وخلال سنة الامتياز كمان!

بسنة رابعة كان عمل بحث ميداني من الأشياء الملزمين بيها وعليها درجات كبيرة من ضمن مادة الـ Oral Biology
وعملنا بوستر للبحوث حقتنا وعرضناها في يوم عرض الأعمال آخر يوم مع طلبة الامتياز

وبالعكس لما تتعلم أساسيات البحث وخطواته مره حيسهل الموضوع
وخلال السنة الجاية حتشتغل مجموعة البحث العلمي في كلية طب الأسنان باسم SRG
وحنعرفكم بكل شي بالمجال


يب كل المواد بتفيد شواء بشكل مباشر أو لأ خلال العيادة
الاناتومي على الفيسيلولوجي حتى الهيستو .. فلا تستهوني بسنة ثانية وترموا معلوماتها كلها :p

تحب تقرأ كل ردودي "^^ عاد الله يكون في عونك على كلامي الكتير وشرحي الأكتر :p

وأنا الحمدلله أحسن دحين.. بحاول أشغل نفسي بأي شي وبالمنتدى
لني أكتشفت ان الفضاوة الزايدة تزيد المرض خخخخخخخ

المشاركة الأصلية كتبت بواسطة Kaira سلآآآآمتــــك د.نـــانوكـ ويارب دحين تكوني بخير وفالكـ العافية دووووووم يارب .. موضعك جدا روووعة وعجبتني فكرة تشخيص المرض والحالة .. كتير كانو دكاترة ودكتورات لما يجو يشرحولنا زي ما قال Mada خاصة في أناتومي يحبو ساعات يطلعو برة الموضوع خصوصا في جزئية الــ Head & Neck ولما كانو يعطونا مثلا عن Nerve or Artery or vein وانو شي منها يكون مرتبط بضرس أو سن معين و حكااايااات كانت في الأناتومي >> وماأصحى في الشرح غير لو جابو سيرة أسنان أو عيادة أو مريض جاكم ولازم تنتبهو لما تخلعو أهاهاهاهاهاهاها مررررررررررة عجبني الريبورت كنت أحسبو شي صعب بس الحمدلله من كلامك وموضوعك أرتحت كتيييييير الله يريح بالك دايما يارب .. وردودك للطلاب والطالبات أحلى وأحلى وأستفيد منها مررررررررة .. تسلمـ يدك يا عسل ويارب أشوفك برفيسورة في طب الاسنان ^_~

اهليييين كايرا ^^ ليكِ وحشة والله بالقسم
سنة كاملة ما شفتك "^^

الحمدلله بخير دامكم بخير وعافية يارب =)

ههههههههههههه الاناتومي .. انتِ حتقوليلي ! أصحاب الهرج الكثيييير خارج الموضوع وبجدارة
عمرنا ما نخلص المحاضرة بدري ولابد من السرحاااان .. وبالذات مع دكاترة معينين :p
بس من جد بيفيدنا ويخلينا نربط المعلومات بعدين لما نجي نحتاجها بالعيادات

والريبورت حلو ويسعتر شي مره مبسط من البحوث والتقارير الثانية
ومع الوقت حتتعودي عليه ..
أول لما جينا نكتب تقرير للمرضى بسنة رابع.. أنوااااع الحوسة وكنا في عيادات سنة سادس
فقلنا نخليهم يساعدونا شوية

ماشالله زي شربة المويه خلصوه في دقايق
خاصة لما تكتبي في اليوم لأكثر من مريض على مدى سنتين كاملة !

وتسلمي ياقلبي.. وعقبال لما أشوفك الأفضل في الأسنان يارب ^_^

ماشاء الله والله مواضيعك كلها روعه .. انا صحيح مو تخصصي طب الاسنان لكن احب اطلع على التخصصات التانيه .. خصوصاً اني بدرس ادارة مستشفيات وان شاء الله رح تمر عليا عيادات الاسنان خلال فترة تدريبي ولما اتوظف بإذن الله ... وكمان انتي اسلوبك سهل وبسيط ويجذب .. شكراً لك يا احلى دكتورة ~

ياهلا بيك عزيزتي بيننا ^_^ منورة طبعا

حلو وحبيت حماسك و حب الاستطلاع عندك .. وأكيد مره حيفيدك وخاصة التقارير زي دي

تسلمي على كلامك الحلو مثلك .. ربي يسعدك

وبالتوفيق لك

[Glamor Mada]

المشاركة الأصلية كتبت بواسطة dr~nanoook ومييين قال أنه ما عندنا بحث ؟؟!! لازم تعمل بحث تخرج وأبحاث متعددة خلال فترة الدراسة وخلال سنة الامتياز كمان!

يا خساااااااره كنت احسب مافي

المشاركة الأصلية كتبت بواسطة dr~nanoook وخلال السنة الجاية حتشتغل مجموعة البحث العلمي في كلية طب الأسنان باسم srg وحنعرفكم بكل شي بالمجال

اوووبس صح والله افتكرت اليوم حق البحث العلمي كنت بحضره بس ماقدرت .. إن شاء الله المره الجايه اقدر
ايش اللي خلاني احسب انه مافي بحث دايما انسى

[dr.HmaDa]

موضع اكثر من رائع
بارك الله بيك