عيب عليك وانت جامعي !!

[مالي لقب]

يعطيك العافية اخوي ..
وانا مع اللي قالو حرية شخصية ..
دام الشي ذا مايتعارض مع الدين والاخلاق
وطبيعي احنا ناخذ ونعطي مع اعضاء زينا فمرحلتنا العمرية وتقريبا تشابه فالافكار وغيرو مايستدعى نتكلم بالرسمية المطلقة كان احد بيكتب خطاب لمدير او مسوؤل وغيرو..
اتمنى تتقبل وجهة نظري اخوي ..
موفق..

[TURKI ALharbi]

فعلا بعض الالقاب ماتناسب عضوية لمنتدى جامعى
بس فيه القاب تحمل اسماء رؤساء دول وعظماء وحكماء ومخترعين والخ...............
ويجى شخص جاهل باسماء الرؤساء والمخترعين والحكماء (معلوماته السياسيه والثقافيه صفر ) ويستغرب ويستهجن اللقب !!
مو ذنب حامل اللقب يشرح للاخ او الاخت هذا اللقب يرمز لايه ولمنو لو حب يعرف يروح لسيد قوقل ويغذي ثقافته شويه

وبنهايه طنش تعش تنتعش

[فتاة اقرأ]

اخ قوربتشوف سيرجيفيتش.

كلامك صح وانا معاك .

واي شخص قبل ما يستهجن لازم يعرف معنى الاسم .

وفي الاخير كل شخص يختار الاسم اللي يعبر عنه .

[talal20]

اهلا بكم اخواني واخواتي الكرام
شكرا لكم على مداخلاتكم المؤيده والمعارضه ؛ والشكر موصول للمشرف وتأييده للطرح .
لقد قرأت جميع المداخلات حتى المحذوف من قبل الادارة .
ارجو من الجميع التفرقه بين الحرية الشخصيه والذوق العام وامانة اللغة .
الهدف من طرح الموضوع بالبلدي نحن لسنا في مقهى (كلمات تكتب ويتغير المعنى + دلع ليس له اي داع والمصيبه يجيك مراهق ويرز نفسه بكلمات دلع الشات ؛ الاخ جاي يغازل مثلاً)
انا لا استطيع فهم كلمات الميوعة مثل (تيب=طيب +الموهيييم=المهم) سواء من بنت او رجل واتحفظ على الكلمة الاخيره ؛ هذه المفردات المتداولة في منتدى علمي لا يستطيع رجل عاقل محترم ان يفهمها لانه ببساطة ليس خريج برامج المحادثه . ولكل مقام مقال فليس من حق اي شخص ان يمارس الحريه الشخصية بهذا الاسلوب هنا في المنتدى لان المنتدى بالاصل منتدى علمي واغلب الزوار هم طلبة علم .
زملائي الاعزاء المعنيين بالامر تعلموا الكتابة المناسبة في مثل هذه المنتديات لانه سيأتي يوم تريد ان تكتب الصح فلا تستطيع .
تقبلوا فائق تحياتي وتقديري،،،،،،،،،

[هــمــســه]

والله معاك حق talal20
إحترامي

[حربية]

فعلا معاك حق أخ طلال ..
بس يمكن انت في بداية طرحك للموضوع ذكرت مد الأحرف و تكرارها ، أعتقد هاذي مافيها شي ..
لكن كلمات الميوعة ومدح الولد للبنت ببعض الكلمات زي يا عسل و يا حلوة هاذي فعلا مو مكانها وعيب منه وكان مفروض من البنت انها ترد عليه بانو الكلام هذا ماله داعي ..

أنا اتذكرت نفسي في موقف أعتقد انو واحد مافي غيره هنا في المنتدى بس ان شاء الله ما يتكرر ..

[عذبة الاخلاق]

الى كاتب الم

وضوع :


أحترم رأيك ولكن كما احترمناه احترم رأينا

انت دأأخل عرررض فينا كذا وجاي تنتقد ,,

مشاركاتك ماتتجاوز >> 7(

ونووووع دراستك >>>:: ثانوووووووووووووووووووووي !!!!!!!!!!!!!!!!!:(:(



أدخل الجامعه وشوف البلاوي والمعاناة وبعدين انتقد ,,



تشكراتي لك , تحياتي ,,

[الحالمه باالمستحيل!!]

ياناس ليش التعقيـــــــــــــــد ؟؟؟؟

[fatoom sweety]

والله مواضيعكم في هذا القسم تحفة هههههههه<<الضحك كمان ممنوع؟؟؟امزح
والله في هذه الفترة احاول احسن كتابتي العربية لاني تاثرت بالانجليزي من يوم دخلت التحضيري واحنا نفحط في المواد كلها انقلش..................<<النقط كمان ممنوع لالا امزح

[منتسب123]

المشاركة الأصلية كتبت بواسطة fatoom sweety والله مواضيعكم في هذا القسم تحفة هههههههه<<الضحك كمان ممنوع؟؟؟امزح والله في هذه الفترة احاول احسن كتابتي العربية لاني تاثرت بالانجليزي من يوم دخلت التحضيري واحنا نفحط في المواد كلها انقلش..................<<النقط كمان ممنوع لالا امزح

فطموم سويتي
الله يرجك ضحكتيني بالمره
لالا الضحك مو ممنوع من قال ؟؟..اضحكي بس بشرط لاتموتي من الهستيري وقته رفعنا يدنا مالنا دخل ............
حتى النقط مو ممنوع ..
بس لاتذبحين بالنقط .................................
بعدين تعالوا اخواني المعارضين هو ماقال شي الادمي اشبكم عليه ؟؟
كل اللي كان يقصد يوصله ان الكتابه في منتدى علمي لها ميزته الخاصه اللي تفرقها عن الشات اللي تلاقي فيه جميع الاجناس المتعلم غير المتعلم العشريني لا والستيني ستيني بس مطور
هذه هي النقطة اللي كان بيوضحها كان المفترض تفهمتوا الموضوع مو ولعوا النار وانتبهوا تطفوها!!
بم معنى انه لكل كلام مقام ..
تقبلوا نقدي بفائق الاحترام انتبهوا ترى مافيا اسمع معارضات غضوا النظر عني ...